Leweenaꞌo 21:15 - Kafa Linguistics Project

¹⁵ Ebin bi tuniyoo qayigaata, bi bushiisheenaꞌo bi asheenaꞌo daggooch eeꞌeenaꞌo tunemminaꞌone. Biin yaafiibeeti Doono Yeeri taane’ itone gete” iye.

Leweenaꞌo 21:15 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Iziri 2:62

Eboshiyoo shiijjeree keemee macaafoochee boonoshi shiijjeroon qaawiyeete; tunebaani daneyaaneenaꞌone. Ebich “Xalleenaꞌo tooneenaꞌone” getaa, qeeshittinee maddoo boonoshich bachehe.

Iziri 9:2

Aageteenaꞌochi maache bushiishoon shaaggitinaꞌone; boonoshi bushiishoyichoo shaakkiitinaꞌone; ebina Yeerich yaafeeti yaroon showee toommeexi aageteenaꞌo yaroona baccitinaꞌone; ebi gibeneyee qayona shiichitinaꞌo, ukkireenaꞌonaa ogoogeenaꞌonane” iꞌi taach gettiyeete.

Keyo 34:16

Ne anaami bushiisheenaꞌoyich boonoshi maache bushiisheenaꞌon ne shaakkiitaa, ebi maacheenaꞌo boonoshi nuggisheenaꞌoyich goyinnehooba, ne anaami bushiisheenaꞌo ebin shaahe mooyon boonoshi goyinnemmoyich tuniyemminaꞌone.

Leweenaꞌo 19:2

“Israꞌeelee iiteenaꞌo bullich ishichi gete: ‘Ittoshi Nuggishoo Doono Yeeri ta, yaafoo ta tunetoyich, ittoshiyoo yaafoo tunebote.

Leweenaꞌo 20:7

“ ‘Illa ebich ittoshi qelloon yaafiree yaafoon tunebote. Ta, ittoshi Nuggishoo Doono Yeeri taane.

Leweenaꞌo 21:14

Xuumeen, gawukkeetin, yahechi tunaꞌa bi qeddoon eeꞌiitin, eboshin shaaggaaye. Lewi yoodoochee gidiidee tuneti busheen baach shaage.

Leweenaꞌo 21:16

Doono Yeeri Muusich ishichiye:

Leweenaꞌo 21:8

Maayi buuroon ittoshi Nuggishoo taach giddiibeeto bi tunetoyich, yaafoo tuniiree biin ciinote. Ittoshin yaafiibeeti Doono Yeeri ta, yaafoo ta tunetoyich, biin yaafoo tuniiree ciinote.

Milikiyaasi 2:11

Yihudee asheenaꞌo Yeerich gibeneyemmon qajjitinaꞌone; Israꞌeelee showoonaa Yerusaaleminoochaa eeꞌe mooyon shuunetinaꞌone. Shahalloyich goyinneebeeti maacheenaꞌon shaagona Doono Yeeri shunniibeeti, bi yaafee kexon eeꞌiitinaꞌone.

Milikiyaasi 2:15

Yeeri neennaa biinnon ikke meenonaa ikke ayaanoonon tuniyaanoone? Ebin bi tuniito amoyichiye? Ebin bi tuniito, biin shattiibeeti bushiishoon ittoshi shiyemmoyichiye. Ebich ittoshi qelloon quyebote. Koniyoona bi bushittinee mecheyich bi giyiti wogoon biichaaye.

Maatiyoosi 23:17

Hini mullaalli wolleenaꞌote! Aachoonaa are aachoon yaafiibeeti yaafee kexonoochee aabi beshiye?

Roomi 11:16

Bukeeti koshoochee shiichiꞌi tiijjeeti ikke xeko yaafoo bi tunegaata, echeti kosho bulli wotta yaafoone. Xeppho Yeerich yaafeeto bi tunegaata, ateenaꞌo wotta biich yaafeetinaꞌone.

1 Qorontoosi 7:14

Ishichaa ta beeto, Kiristoosi toommooch mulloon tooꞌiyaani keno bi mulloon tooꞌiiti mecheena diireeto bi tunetoyichiye; ebiyoommon wotta Kiristoosi toommooch mulloon tooꞌiyaani mechee bi mulloon tooꞌiiti kenoona diireeti bi tunetoyichiye. Ebi bi tuno qayigaata, boonoshi bushiishoo eeꞌeenaꞌo tunemminaꞌone; tunebaani ibere mooyoochaa boonoshi bushiisheenaꞌo Yeerich yaafeetinaꞌone.