Leweenaꞌo 20:9 - Kafa Linguistics Project

⁹ “ ‘Bi nihoon woyee bi indeen naaggiibeeti asho koniyoona qitibe. Bi nihoon woyee bi indeen bi naaggitoyich, bi damoyich koniyoona echeyaachemmone.

Leweenaꞌo 20:9 ပူးပေါင်းရင်းမြစ်များ

2 Saameeli 1:16

Uro batt qitaan beetaa, Daawiti biich ishichiye: “Doono Yeeri huuttiton wuxito ne tunoon ne hajjee noonoona miixeto neene. Ne damoo ne toommooch tunebe” iye.

1 Taateenaꞌo 2:32

Biyee gaaweti gutte cadiqe asheenaꞌon, eboshiyoo Israꞌeelee ginee iraashoo Neeri bushoo Abeneerinaa Yihudee ginee iraashoo Yeteeri bushoo Amaasinon, ta nihoo Daawiti ariyaanoon, goraadoona bi wuxitoyich, Doono Yeeri bi shuuneti shuunoon bi toommooch wochemmone.

Keyo 21:17

“Bi nihoo woyee bi indee toommooch qallayee yibbaatoon yibbaateebeeto qitibe.

Shaahiyoo 20:20

Bi nihoon woyee bi indeen naaggiibeeto, bi ceechoo dunne manderoochaa tahemmone.

Shaahiyoo 30:11

Boonoshi niheenaꞌon uppiibeeti, boonoshi indeenaꞌonoo diiraani shiijjereenaꞌo beetinaꞌone.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Hiziqeeli 18:13

bi koyitiigaata, shimon bi deꞌigaata, iberoochaa kashoona beeyehe? Kashoona beetaachemmone. Ebi bulli ciigiiti mooyon bi tuniitoyich iberoochaa qitemmone; bi damoo bi toommooch tunemmone.

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Leweenaꞌo 20:16

“ ‘Ikke ure, gijjoo woyee cooxo waan giddaꞌa biin bi qeyemmoyich bi tuniigaata, ureenaa are gijjoo woyee cooxonon wuxibote. Boonoshi damoyich echeyemmo koniyoona aalloone.

Leweenaꞌo 20:27

“ ‘Ittoshi daggoochee ikke asho, anaamo tuneba maachee, qititi ashoona tookkii yibbaateebeeto woyee allaamoo bi tunegaata, qitibe. Boonoshiyoo xaqqoona yexaa qitibeete. Boonoshi damoyich koniyoona echeyaachemmone’ itone gete” iye.

Maatiyoosi 15:4

Yeeri ‘Ne indeenaa ne nihoonon oogiibe’ wotta ‘Bi indeen woyee bi nihoon naaggimmoo qitibe’ itone.

Maatiyoosi 27:25

Asheenaꞌo bulli wochiꞌi, “Bi damoo noonnaa no bushiishoonochi toommooch tunebe” iyeete.

Maariqoosi 7:10

Muusi ‘Ne indeenaa ne nihoonon oogiibe’ wotta ‘Bi indeen woyee bi nihoon naaggimmoo qitibe’ itone.

Yibbaatoo 27:16

“ ‘Bi nihoon woyee bi indeen giishiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Woraaferasheenaꞌo 9:24

Ebi bi tuneto, Yerubaꞌalichi shabe bushiisheenaꞌo toommooch tuneti magge mooyonaa ufeti boonoshi damoona boonoshin wuxiti boonoshi manoo Abimeleeki toommooch, wotta bi maneenaꞌon bi wuxemmoyich bi mochoon kupphiiti Shekeemi asheenaꞌo toommooch bi shaggemmoyichiye.