Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Leweenaꞌo 20:8 - Kafa Linguistics Project

8 Ta qociiti qociyoon manjii quyebote. Ta, ittoshin yaafiibeeti Doono Yeeri taane.

အခန်းကိုကြည့်ပါ။ ကော်ပီ




Leweenaꞌo 20:8
19 ပူးပေါင်းရင်းမြစ်များ  

“Israꞌeeleenaꞌoyich ishichibe: ‘Doono Yeeri ta, ittoshin yaafiibeeto ta tunoon ittoshi ariyemmoyich, taannaa ittoshinochi daggooch, gubbi ittoshi shiijjeroo bulli daggoochoo malletoo bi tunetoyich, ta shambetoon quyebote.


Ebiyeenoo boonoshin yaafiibeeto Doono Yeeri ta tunoon boonoshi ariyemmoyich, boonoshinaa taannochi daggooch malletoo bi tunemmoyich ta shambetoon boonoshich immeho.


Ta yaafee kexo boonoshi daggooch bulli aaboon bi tunehooba, ta, Israꞌeeleenaꞌon yaafiibeeti Doono Yeeri ta tunoon aageteenaꞌo ariyemminaꞌone, itone’ gete” iye.


“ ‘Ta qociiti qociyoon quyebote. “ ‘Yara bare gijjeenaꞌo shuggeyemmoyich tuniyaahote. “ ‘Ne goyooch gutte maayi yaroon shookkaahine. “ ‘Gutte mooyoochee shippeti tahoon taheyaahine.


“ ‘Ta qociiti qociyoonaa ta dojjiti doyoona bulloshin manjiiree quyebote. Ta, Doono Yeeri taane’ itone gete” iye.


Doono Yeeri ta, yaafoo ta tunetoyich, ittoshiyoo taach yaafeeto tunemmo ittoshine. Ta hajjoo ittoshi tunemmoyich aageteenaꞌo daggoochee ittoshin bariito taane.


Maayi buuroon ittoshi Nuggishoo taach giddiibeeto bi tunetoyich, yaafoo tuniiree biin ciinote. Ittoshin yaafiibeeti Doono Yeeri ta, yaafoo ta tunetoyich, biin yaafoo tuniiree ciinote.


Yaafoo tuneti ta shigoon giishiyaahote. Israꞌeeleenaꞌo bulli, yaafoo ta tunoon bekkiibeete. Ittoshin yaafiibeeti Doono Yeeri taane.


Shimaayooch beeti ta Nihoochi daaggoon ceechii beetinaꞌo bulli taach manoo, maneenaa indeenane” iye.


Hini mullaalli wolleenaꞌote! Aachoonaa are aachoon yaafiibeeti yaafee kexonoochee aabi beshiye?


Illa Yeeri tuniibote iꞌi bi gettiti hini sheereenaꞌoochee ikke giishecheyichona ‘Deꞌa getaache’ ii bareenaꞌonoo ‘Deꞌa gettaahote’ iꞌi dojjiibeeti asho koniyoona shimaajji taatittineechaa bulliyee desho tunemmone; tunetaa deꞌa ii beetonaa bareenaꞌon ‘Deꞌa getote’ iꞌi dojjii beetona koniyoona shimaajji taatittineechaa oogo tunemmone.


“Illa hini ta qaaroon waayeꞌi ceechiibeeto bulli, bi kexon manje xaqqee nashee toommooch haggiti mullechi uroommone.


And ebin ariiꞌi ittoshi tuniigaata, diireeto ittoshine.


Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.


Diggee Nuggishoo bi qelloona ittoshi hullimalloon yaafibe; ittoshi ayaano, ittoshi kashoonaa meenona no Doono Yesuus Kiristoosi wottee waahooba ikke bachaallo tune quyeeree beebe.


Tunebaani Doonona shucheti no maneenaꞌote! Bulli aaboon ittoshi naboyich Yeerin galletehone; ebiyoo Yeeri bi Yaafe Ayaanoona ittoshin yaafiꞌi, iberee qaaroon iberiiree ittoshi wodemmoyich shiichiꞌi ittoshin bi kaaccitoyichiye.


Ittoshi waayeebeeti Yeerichi qaaroon shuunee toommooch heechiibotalli, ittoshi qelloon wochi dawushibee waayee beeton baach tuneyaahote.


Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ