Leweenaꞌo 2:2 - Kafa Linguistics Project

² Qeesheenaꞌo tuneti Harooni anaami bushiisheenaꞌo waan deebe. Qeeshoo qacini buddinoonaa zayitoonoochee, ixaano bullina tookki ikke ushon tiijjibe. Ebinoo qaaqqooch michaa giddeebeeti, Doono Yeeri taach gaawe cinnoon cinneebeeti maayi buuroon tuniiree shalligichoyich deejjee gudee toommoochaa giddiibe.

Leweenaꞌo 2:2 ပူးပေါင်းရင်းမြစ်များ

Nehimi 13:14

Ta Nuggishoocho, ebich taan gabibe. Ta Nuggishoo ne kexonaa arooch shuuneebeeti maddoonoyich ta shuuneti deꞌe shuunoon ne macaafoochee hidi aalliyaahine.

Nehimi 13:22

Leweenaꞌo shambetee aaboon yaafeeton tuniiree boonoshi quyiyemmoyich, boonoshi qelloon boonoshi xalliyemmonaa kelleenaꞌon waaree boonoshi quyemmonoyich getteho. Ta Nuggishoocho, ebich wotta taan gabibe; ne maaree woddoommon taach ariqqebe.

Keyo 30:16

Axaaxoon maariibeeti gijjoon Israꞌeeleenaꞌo waanee deꞌiree danee duukkaanee maddee shuunooch heechiibe. Doono Yeeri ta aafooch Israꞌeeleenaꞌoyich boonoshi axaaxoon maariyoyich shalligichoo tunemmone” iye.

Isiyaasi 66:3

“Taach gattoon guuriibeeto ashoon guurii beetoommone; bagee baaddoon deejjiibeeto kunaanee qettoon qimii beetoommone; maayi buuroon giddiibeeto gudichi damoon giddii beetoommone; shalligichee ixaanoon shookkiibeeto shahalloon galletee beetoommone. Eboshi boonoshi hajjee gommon kaacona boonoshi eeꞌe mooyona emiriyeete.

Leweenaꞌo 1:13

Uro maacee meenonaa baatoonon maye. Qeeshoo deejjee gudoochaa bullin ikkot deejjibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 1:17

Qoshoona yeshiree gutta gaaha; tunebaani kapphe kichaaye. Biyoo deejjee gudee toommooch beeti qaaqqooch michibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 1:9

Uroo maacee meenonaa baatoonon maye. Qeeshoo ebi micciibeeti deejjoon, qaaqqoona micciibeeti deejjoon tuniiree deejjee gudoochaa bullin ikkot deejjibe. Ebiyoo Doono Yeeri taach gaawe cinnechi deejjoo tunemmone.

Leweenaꞌo 2:16

Qeeshoo shalligichoyich tuniiree, yiikkeeti maayoonaa zayitoonoochee tiijjiree, ixaano bullina tookki michibe. Ebiyoo qaaqqooch michaa Doono Yeeri taach giddeebeeti deejjoon tunemmone.

Leweenaꞌo 2:9

Qeeshoo ebi maayi deejjoochee shalligichoyich tunemmi qoodoon deꞌiree qaaqqooch michaa giddeebeeti, Doono Yeeri taach gaawe cinnoon cinneebeeti deejjoon tuniiree deejjee gudoochaa michibe.

Leweenaꞌo 24:7

Koshona tookki shalligichee qoodoyich tuneree, Doono Yeeri taach qaaqqooch michaa giddeebeeti deejjoon bi tunemmoyich, xalle ixaanoon yaari yaarooch gede.

Leweenaꞌo 4:31

Uro bi awuyo bullin ikkittinee deejjoyich giddeti gijjoochi awuyo maacaa keyoommon maaci kichibe. Qeeshoo Doono Yeeri taach gaawe cinnechi deejjoon tuniiree deejjee gudoochaa deejjibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.

Leweenaꞌo 5:11

“ ‘Tunebaani gutte daabbichoon woyee gutte uggee cobbelloon giddiyoon bi mawiigaata, bi shuuneti axaaxoyich gutte kobbaye qacini buddinoon axaaxee deejjoyich giddiibe. Axaaxee deejjoo bi tunetoyich, arooch zayitoon geddaaye; wotta ixaanoonoo geddaaye.

Leweenaꞌo 5:12

Ebin qeeshoyich giddiibe; qeeshoo shalligichoyich bi tunemmoyich ikke ushon tiijjibe. Ebin qaaqqooch michaa Doono Yeeri taach giddeebeeti deejjee toommooch gedi deejjee gudoochaa michibe. Ebiyoo axaaxee deejjoone.

Leweenaꞌo 6:15

Qeeshoo qacini buddinoonaa zayitoonoochee ixaano bullina tookki ikke ushon tiijjibe; Doono Yeeri taach gaawe cinnoon cinneebeeti deejjoon tuniiree shalligichoyich deejjee gudee toommoochaa michibe.

Haddoo 5:18

Qeeshoo ureen Doono Yeeri aafooch neechiichi, ureechi qelli kaafoon shoote; qanaatoyich giddeti shalligichee buuroon ure kishooch yechiibe. Aroochee qeeshoo ufon deebiibeeti caame aacon bi kishooch yeshe.

Haddoo 5:26

Qeeshoo ikke koppee ceeni maayi buuroon shalligichoo bi tunemmoyich daami deejjee gudooch michibe; aroyee gubb, ure aacon bi uchemmoyich tuniibe.

Mishiraachechinaꞌo 10:4

Biyoo keqqoona manjiiꞌi ciinniibee, “Ta doonocho, amoone?” iye. Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone.