Leweenaꞌo 19:8 - Kafa Linguistics Project

⁸ Ebi aroochee maammi asho koniyoona, Doono Yeeri taach yaafeeti mooyon bi eeꞌitoyich, bi shuuneti axaaxoyich echeyemmone; bi asheenaꞌo daggoocheenoo kichaa yookkeyemmone.

Leweenaꞌo 19:8 ပူးပေါင်းရင်းမြစ်များ

Keyo 30:33

Shaahii shuunemmo woyee qeesheenaꞌoyee besh bare ashi ashittinooch huuttimmo koniyoona bi asheenaꞌo daggoochee kichaa yookkebe” iye.

Leweenaꞌo 19:7

Bi sharittich bi manjegaata, eeꞌetone; ebi deejjoon deꞌaachemmo taane.

Leweenaꞌo 19:9

“ ‘Ittoshi maayoon ittoshi qecigaata, taroon echiyaanoon bullin qeccaahote. Maayi buttoonoo butteyaahote.

Leweenaꞌo 22:15

Qeesheenaꞌo, maayi bedaani asho aroochee maayemmoyich tuniyoona Israꞌeeleenaꞌo Doono Yeeri taach giddiibeeti, yaafeeti mooyon eeꞌiyaayeete. Ebin tuniyoo, maati ashi toommooch axaaxoonaa sheeroonon deebemmone. Ebiyoo boonoshin yaafiibeeto, Nuggishoo Doono Yeeri ta tunetoyichiye’ itone gete” iye.

Leweenaꞌo 5:1

“ ‘Ikke asho miixoyich nallee gabberooch ceegaa hammiꞌi, bi beeggiti woyee bi waayeti mooyon geto bi qayigaata, bi shuuneti axaaxoyich echeyemmone.

Leweenaꞌo 7:20

Tunebaani xalloo tuneyaani asho koniyoona Doono Yeeri taach giddeti ikkittinee deejjee meenon bi maagaata, bi asheenaꞌo daggoochee kichaa yookkebe.

Leweenaꞌo 7:21

Asho koniyoona ashi achoochee ufeebeeti eeꞌe mooyon woyee eeꞌe gijjoon woyee eeꞌe mooyo amoonolla yechiichii, Doono Yeeri taach giddeti ikkittinee deejjee meenoochee bi maagaata, bi asheenaꞌo daggoochee kichaa yookkebe’ gete” iye.