Leweenaꞌo 19:5 - Kafa Linguistics Project

⁵ “ ‘Ikkittinee deejjoon taach ittoshi deejjii beegaata, ebi ittoshi deejjoon ta deqqemmon tuniiree deejjibote.

Leweenaꞌo 19:5 ပူးပေါင်းရင်းမြစ်များ

2 Kiinoo 31:2

Hiziqiyaasi qeesheenaꞌonaa Leweenaꞌonon boonoshi kuxi kuxona, boonoshi maddi maddooch neechiye. Doono Yeerichi kechi kelloochaa micciibeeti deejjoonaa ikkittinee deejjoonon boonoshi giddiyemmoyich, boonoshi maddemmoyich, boonoshi galletemmonaa boonoshi oogiyemmonoyich, qeesheenaꞌonaa Leweenaꞌonon boonoshi maddi maddoommon neechiye.

Keyo 24:5

Aroochee Israꞌeelee gurimaasheenaꞌon bi wochetaa, boonoshiyoo micciibeeti deejjoon deejjiyeete; wurinaꞌonoo ikkittinee deejjoon tuniiꞌi Doono Yeerich deejjiyeete.

Hiziqeeli 46:12

Iraashoo bi daaggoona bi giddiibeeti deejjoon, micciibeeti deejjoon woyee bi daaggoona Doono Yeerich bi giddiibeeti ikkittinee deejjoon bi giddii beegaata, aabi-keyo waan wotteti kello biich qecheebe; shambetooba bi tunii beetoommon, micciibeeti deejjoonaa ikkittinee deejjoonon giddiibe; aroochee maach keye; bi kechitoyee gubb, kello hichebe.

Hiziqeeli 46:2

Iraashoo maach waan beeti beshe boochoona giyiree kellee qoomee gaꞌooch neexebe; qeesheenaꞌoo micciibeeti bi giddiiti deejjoonaa ikkittinee deejjoonon deejjibeete. Iraashoo kelloochaa goyinnebe; ebiyee gubboo keye; tunebaani kello xumemmi wottoon hichaaye.

Leweenaꞌo 1:3

“ ‘Deejjoon bi giddiibeeto, micciibeeti deejjoyich bi miimoochee tunegaata, bachaalli wuron giddiibe. Doono Yeeri ta deqqemmoyich, danee duukkaanee kelloochaa giddiibe.

Leweenaꞌo 19:4

“ ‘Taan qayiree shahalloyich goyinneyaahote. Xuuroon qaaqqoona wocii nuggisheenaꞌochi misiloon shuuneree goyinneyaahote. Ta, ittoshi Nuggishoo Doono Yeeri taane.

Leweenaꞌo 19:6

Ebi deejjoo bi giddehoobinaa bi decharoobina manjebe. Ebi deejjee meenoochee bi sharittich qeyito bi beegaata, qaaqqooch gokkebe.

Leweenaꞌo 22:19

Doono Yeeri ta ittoshi deejjoon deqqemmoyich, bachaalli wuron woyee bagee baaddoon woyee emmishee baaddoon deejjibe.

Leweenaꞌo 22:21

Ikke asho tiikkeshoon woyee mullee daaggoona giddeebeeti deejjoon giddiyoyich bi miimoochee woyee bi bagoochee woyee bi emmishoochee ikkittinee deejjoon Doono Yeeri taach bi giddiigaata, Doono Yeeri ta ebi deejjoon deqqemmoyich, ikke shappaalloon tunebe. Bachiti mooyo bi achooch beeyaaye.

Leweenaꞌo 22:23

Bi baatoo oogeti genjoo woyee qamini dungo tuneti wuron woyee bagoon woyee emmishoon mullee daaggoona giddeebeeti deejjoyich giddiyoon hakkiyote; tunebaani tiikkeshoyich bi tunegaata, Doono Yeeri ta ebin deꞌaachemmo taane.

Leweenaꞌo 22:29

“Doono Yeeri taach galletee deejjoon ittoshi deejjii beegaata, ebi deejjoon ta deqqemmoommon tuniiree deejjibote.

Leweenaꞌo 7:16

“ ‘Ebi deejjoo tiikkeshoo woyee mullee daaggoona giddeebeeto bi tunegaata, deejjoo giddehooba manjebe; echeto bi beegaata, bi dechara manjebe.

Leweenaꞌo 7:18

Ikkittinee deejjoochee bi sharittich qeyito bi manjegaata, Doono Yeeri ta ebi deejjoon deꞌaachemmo taane. Eeꞌo bi tunetoyich deejjoon giddiiti ashich amoonolla gaacaachemmone. Ebi aroochee maati asho bi shuuneti axaaxoyich echeyemmone.