Leweenaꞌo 19:18 - Kafa Linguistics Project

¹⁸ “ ‘Ne asheenaꞌo daggoochee koni toommoochona nichoon kichiyaahine. Mooyon shaaccaahine. Neenoommi ne manoon neenna tachiree shune. Ta, Doono Yeeri taane.

Leweenaꞌo 19:18 ပူးပေါင်းရင်းမြစ်များ

Halloo 4:23

Lameekiyoo bi mecheenaꞌo Aadinaa Tsiilinoyich ishichiye: “Haanoshite, ta mecheenaꞌote, waayebote! Ta gettaa beeton gaawichi ellebote! Ikke asho taan bi yexxitoyich, ikke gurimaashoo taan bi mayiitoyich, wuxito taane.

2 Saameeli 13:22

Abisoloomi Aminoonich gondoon tuneba deꞌoon, amoonolla qaareyaanoone. Ebiyoo bi maneen giidoona bi yechitoyich, Aminoonin bi shixxitoyichiye.

2 Saameeli 13:28

Biyoo bi aafee bushiisheenaꞌoyich ishichiye: “Aminooni woyinee uyoon uchii michiꞌi, bi ashittino qeecon manjii ciinote; tawoo ‘Aminoonin wuxibote’ ta getigaata, wuxibote. Ebin ittoshi tuniyemmoyich getteto ta tunetoyich, shattaahote; maac kuxo tunebote; kupphebote” iye.

Shoddo 103:9

Bulli aaboon kaareyaache; bi kaaroo bulli yemeenoon yagaache.

Keyo 20:16

“Asho koni toommoochona kootoon miixeyaahine.

Shaahiyoo 20:22

“Gondee kaalloon wochemmo taane” gettaahine; Doono Yeerin quyebe; bi neen gaachemmone.

Leweenaꞌo 19:34

Ebi shiqqoon showee bushoon shaahiiree ciinote. Ittoshin ittoshi shunoommon, biin shunote. Gibits shiqqoo tuneꞌi ittoshi kotoon batteyaahote. Ta, ittoshi Nuggishoo Doono Yeeri taane.

Maatiyoosi 19:16

Ikke areddoon ikke uro Yesuus waan giddeꞌi, “Dojjechocho, bulli yemeenee kashoon ta danemmoyich amee deꞌe shuunoon shuunebote?” iꞌi echehe.

Maatiyoosi 19:19

ne nihoonaa ne indeenon oogiibe; neenoommi ne manoon neenna tachiree shune’ ii beetoniye” iye.

Yowannisi 13:34

“ ‘Ittoshinaa ittoshina shunebote’ iyaꞌa ittoshich andire mooyon gettoye; ta ittoshin ta shunnetoommon, ittoshi wotta ittoshinaa ittoshina shunebote.

Mishiraachechinaꞌo 16:28

Tunetaa Phawuloosi bi qaaroon oogichiꞌi, “Ne toommooch gondoon shuuneyaahine; no bulli hiniich beeto noone” iꞌi cookiye.

Roomi 12:17

Konichona gondoochi keroon gondoon wochiyaahote; asho bulli aafooch gaaweto tuneti mooyon gabibote.

Roomi 12:19

Ta shunechinaꞌote! Nichoon kichiyaahote. “ ‘Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon ta wochiree boonoshin xuuxiyemmo taane’ itone Doono Yeeri” getaa Yaafe Macaafooch kooreetone. Ebich Yeerich bulliibote.

Roomi 13:4

Neech gaaweti mooyon bi tuniyemmoyich Yeerichi maddechone. Goraadoon bi cuyeto baad toonoone; ebich gondoon ne shuunegaata, shate. Gondoon shuunee beetinaꞌo toommooch naxoon kindiibeeti Yeerichi maddechone.

Roomi 13:9

“Shunoon maayaahine; ashoon wuxiyaahine; gaajjaahine; ashicho tuneton qaatiyaahine” ii beeti sheeroonaa bare sheeroo bullina “Neenoommi ne manoon neenna tachiree shune” ii beeti qaaroona taccetone.

Galaati 5:14

Ebiyoo, sheeroo bulli ikke qaaroona tacceto bi tunetoyichiye; ebiyoo “Neenoommi ne manoon neenna tachiree shune” ii beetonane.

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Efesooni 4:31

Caamittino, ippo, kaaro, caagoonaa naagoona, gondo bullina tookki ittoshi waanee ciroona wohe.

Yibbaatoo 32:25

Gurimaasheenaꞌonaa gidiideenaꞌona, gaggereenaꞌonaa geeneenaꞌona, gaddoochaa goraadoona qitemminaꞌone; boonoshi kexoochaa keqqoona qitemminaꞌone.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

Qolaasiyaasi 3:8

Tunebaani and wotta kaaroonaa ippoonon, gonde mooyon, naagoonoo, yeelliibeeti yibbaatoonoo, eboshi bullin wokkiibote.

Hibireena'o 10:30

“Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon, ta boonoshin xuuxiyemmo taane” iton, ebiyee wotta “Doono Yeeri ta, ta asheenaꞌo toommooch nallemmo taane” iton ariibeeto noone.

Yaaqobi 2:8

Yaafe Macaafoochaa “Neenoommi ne manoon neenna tachiree shune” ii beeti Taatoo Yeerichi sheeroon ittoshi ceechigaata, gaaweton shuuneebeeto ittoshine.

1 Pheexiroosi 2:1

Illa gondo bullin, dawushoo bullin, mullee xalloo shaahoon, qanaatoon, oono bullinoo ittoshi waanee wokkiibote.

1 Yowannisi 4:21

“Taan shunniibeeto bi manoon wotta shune” iꞌi Yeeri nooch gettitone.