Leweenaꞌo 19:13 - Kafa Linguistics Project

¹³ “ ‘Neenoommi ne manoon xuqqaahine. Biin boggaahine. “ ‘Shuunoon ne shuuniiti ashi caajjee gatiyoon qocaanoon qeejjiyaahine.

Leweenaꞌo 19:13 ပူးပေါင်းရင်းမြစ်များ

Iyoobi 17:5

Gijjoocha iꞌi bi nuuchoon beshii immiibeeti asho, bi bushiishoo aafo daayemmone.

Iyoobi 31:39

arooch shaggiti maayoon, gijjoon qocaanoon mamona, gochiti asheenaꞌo shaacemmoyich tuniito ta tunegaata,

Iyoobi 7:2

Boonoshiyoo gaawe yiiroon qaawiibeeti guunoomminaꞌo, bi shuunee gatiyoon deqqa quyeebeeti gichechoomminaꞌo, tooneenaꞌone?

Keyo 20:15

“Gaajjaahine.

Keyo 22:13

Cooxo yechii wuxito bi tunegaata miixoo bi tunemmoyich meeshoon giddiibe; ebina ebi qititi gijjoon qoccaaye.

Keyo 22:15

tunebaani bi doono beetaa ebi tunegaata qoccaaye. Ebi gijjoon bi deebito, bi shuunee gatiyoon qocca bi tunegaata, are gatiyoon baach qoce.

Keyo 22:21

“Shiqqoon xuqqaahine; iritiyaahine. Ittoshiyoo Gibitsaa shiqqoo tuneebee echeto ittoshine.

Keyo 22:7

“Ikke asho bi birewoon woyee biich beeti mooyon bare ashoyich bi quyiitoyee gubb, quyetochi kexoochee bi gaachegaata, gaayoo yechegaata, are gaayo gutte kishoon tuniiree qoce.

Shaahiyoo 20:10

Baribare machoonaa baribare kobbaayonon, guttinona Doono Yeeri ciigehe.

Shaahiyoo 22:22

Girecho bi tunetoyich girechon boggaahine; iritechon nallee gabberoochaa xuqqaahine.

Shaahiyoo 3:28

Ne immemmo beetaa, ne giyoon “Hami wobe; yaach neech immemmo taane” gettaahine.

Erimiyaasi 22:13

“Bi kexon xuꞌoona, kechi toommeexi bi kexonoo hukkoona, haggii beetoyich, biinoommi bi manoon duuboon shuunii beetoyich, bi aayi gatiyoonoo biich qocaanoyich,

Erimiyaasi 22:3

Doono Yeeri ishichiye: Kaachi dayinnetoona nallibote; xukketon xuqqiibeeto kishoochee wodiibote; dallaawoon, nihaalloonaa xuumeenon xuqqaahote; wottoo duꞌiyaahote; hini xaaꞌoochoo xalle damoon ukkiyaahote.

Hiziqeeli 18:7

koninolla neexxii hajjoo bi qayigaata, hiishecho yechiyoo immiton wochi bi imigaata, bogo bi qayigaata, shaacetoyich bi maanjigaata, tubbetoyich bi tajjigaata,

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Hiziqeeli 22:29

Showee asheenaꞌo xuqqiyeete; boggiyeete; girechinaꞌonaa iritechinaꞌonon xuuxiiheete; shiqqoon xuqqiyeete.

Leweenaꞌo 25:14

“ ‘Ne manoo tuneti Israꞌeelee ashoyich showoon ne kemigaata woyee bi waanee ne kemegaata, ikkoo baroon dachaaye.

Leweenaꞌo 25:17

Ittoshinaa ittoshina ikkoo baroon dachaaye. Ne Nuggishoon shate. Ta, ittoshi Nuggishoo Doono Yeeri taane.

Leweenaꞌo 6:3

woyee aalleti qiicoon danee aachiichii kootoon bi wogegaata, asheenaꞌo tuniibeeti mooyoochee ikkoon tuniyoona bi xuꞌigaata,

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 20:8

“Showoo xumetaa woyinee doono bi ukkiriiton ‘Shuunechinaꞌon ceegiree ciirooch waatinaꞌoochee tiijjiree shiichii waatinaꞌooch beddaahaa boonoshi shumaayoon imbe’ iye.

Maariqoosi 10:19

Muusichi Sheeroon arii beetine: ‘Ashoon wuxiyaahine; shunoon maayaahine; gaajjaahine; kootoon miixeyaahine; ashi gijjoon tuushiiree maayaahine; ne nihoonaa ne indeenon oogiibe’” iye.

Luqaasi 3:13

Biyoo “Ittoshich getteetoyee beshe qaraxoon ashi waanee echaayote” iye.

1 Tasaloonqi 4:6

wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.

1 Ximootiyoosi 5:18

Ebi mooyoyich Yaafe Macaafoochaa “Maayoon buchiibeeti gattoochi noonoon cuchaaye” getteetone; wotta “Shuunecho bi shuuneti shuunoyich shumaayoon dan beddiye” getteetone.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.