Leweenaꞌo 19:11 - Kafa Linguistics Project

¹¹ “ ‘Gaajjaahote. “ ‘Dawushiyaahote. “ ‘Ittoshi daggoochee ikkoo baroyich koottaaye.

Leweenaꞌo 19:11 ပူးပေါင်းရင်းမြစ်များ

2 Saameeli 17:20

Abisoloomi asheenaꞌo ure waan, are kexooch waaꞌi, “Ahimaazinaa Yonaataanina aayeete?” iꞌi echeheete. Ureyoo boonoshich wochaꞌa, “Aacon kimmiꞌi hammitinaꞌone” iyan. Boonoshiyoo qaawii mucceꞌi Yerusaalem wotteheete.

1 Taateenaꞌo 13:18

Tunebaani keemechi geene uro, “Tawoo neenoommi keemecho taane. ‘Koshon bi maayemmonaa aacon bi uchemmonoyich, wochiree ne kexooch biin deebe’ iꞌi maraakoo Doono Yeerichi qaaroona taach gettitone” iye; tunebaani bi ishichito, kootooniye.

Shoddo 101:7

Dachechi asho ta kexooch beetaachemmone; koottiibeeto ta waan beetaachemmone.

Shoddo 116:11

Ta keqqiyooba, “Asho bullin gibeno duuboone” iyo.

Keyo 20:15

“Gaajjaahine.

Keyo 20:16

“Asho koni toommoochona kootoon miixeyaahine.

Keyo 20:17

“Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.

Keyo 22:1

“Ikke asho gattoon woyee bagoon woyee emmishoon gaajjii bi bashigaata woyee bi kemigaata, ikke gattee keroyich uuche gattoon, ikke bagee keroyich awudde bagoon, ikke emmishee keroyichoo awudde emmishoon qoce.

Keyo 22:7

“Ikke asho bi birewoon woyee biich beeti mooyon bare ashoyich bi quyiitoyee gubb, quyetochi kexoochee bi gaachegaata, gaayoo yechegaata, are gaayo gutte kishoon tuniiree qoce.

Keyo 23:1

“Koote woroon shookkaahine. Xuꞌechi ashich nalloo kechemmoyich tuniiya kootoon miixeyaahine.

Shaahiyoo 24:28

Ne giyoo toommooch naboo aalloon cikki miixeyaahine; ne noonoonoo dawushiyaahine.

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Leweenaꞌo 19:10

Ittoshi woyinee aafoon butteyaahote. Showooch hollitonoo maciyaahote. Ebi aroon girechonaa shiqqoonoyich gawukkibote. Ta, ittoshi Nuggishoo Doono Yeeri taane.

Roomi 3:4

Ciroona echiyaache. “Ne noonoochee kechiibeeti qaaroona cadiqo ne tuno asho bullich bekkemmone; neenna taggee beetinaꞌon xoobiyemmo neene” getaa bi kooreetoommon, asho bulli kooto bi tunetaanoona, Yeeri iberoone.

Efesooni 4:25

Ebich kootoon ittoshi waanee wokkiibote; no bulli ikke ashittinee quumo no tunetoyich, ittoshi ikkikkoona ittoshi maneenaꞌona tookki iberoon yibbaatebote.

Efesooni 4:28

Gaajjiibee echeto ebiyee bekk gaajjaaye; ebi aree qoodoon iriteetoyich qoodi bi immemmo biich beeyemmoyich, bi hajjee kishoona gaaweton aayi shuunebe.

Yibbaatoo 5:19

“ ‘Gaajjaahine.

Qolaasiyaasi 3:9

Wonnee geene ashoon bi shuunoona tookkii shoottiꞌi, andire ashoon ittoshi tahetoyich ittoshinaa ittoshina kootoon yibbaateyaahote.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.