Leweenaꞌo 19:10 - Kafa Linguistics Project

¹⁰ Ittoshi woyinee aafoon butteyaahote. Showooch hollitonoo maciyaahote. Ebi aroon girechonaa shiqqoonoyich gawukkibote. Ta, ittoshi Nuggishoo Doono Yeeri taane.

Leweenaꞌo 19:10 ပူးပေါင်းရင်းမြစ်များ

Isiyaasi 17:6

Tunetaa zayitee michi aafo maceechaa, ikke woyee gutte aafoo tookki bi cillooch echoommon woyee awudde woyee uuche aafoo deshi bi cillooch echoommon, giisheche asho baach echemmone” iye Israꞌeelee Nuggishoo Doono Yeeri.

Isiyaasi 24:13

Showee toommeexi aageteenaꞌo bulli toommooch shaggemmo ebiyoommone; zayitee aafo bi mixoochee maceechaa woyee woyinee aafoo bi qomboochee maceechaa arooch giishecho echoommon echemminaꞌone.

Erimiyaasi 49:9

Woyinee macechinaꞌo ne waan boonoshi waagaata, giishechoon echiyaacheheete? Gaayeenaꞌo xumoona boonoshi waagaata, boonoshi gaajjemmo boonoshich qaawiton baach toone?

Leweenaꞌo 11:44

Ittoshi Nuggishoo Doono Yeeri ta yaafoo ta tunetoyich, ittoshi qelloon yaafibote. Yaafoonoo tunebote. Showoona yuummiibeeti mooyo amoonolla mamona ittoshi qelloon eeꞌiyaahote.

Leweenaꞌo 19:11

“ ‘Gaajjaahote. “ ‘Dawushiyaahote. “ ‘Ittoshi daggoochee ikkoo baroyich koottaaye.

Leweenaꞌo 19:25

Tunebaani uuchinnee natooba, ebi michi aafoon mamon hakkiyote. Ebin ittoshi tuniigaata, wodde aafoon ittoshich aafemminaꞌone. Ta, ittoshi Nuggishoo Doono Yeeri taane.

Leweenaꞌo 19:9

“ ‘Ittoshi maayoon ittoshi qecigaata, taroon echiyaanoon bullin qeccaahote. Maayi buttoonoo butteyaahote.

Leweenaꞌo 23:22

“ ‘Ittoshi maayoon ittoshi qecigaata, taroon echiyaanoon bullin qeccaahote. Maayi buttoonoo butteyaahote. Ebi aroon girechonaa shiqqoonoyich gawukkibote. Ta, ittoshi Nuggishoo Doono Yeeri taane’ itone gete” iye.

Leweenaꞌo 25:6

Showoo ebi kashee natooba bi aafeebeeti aafo bulli neech, ne guunonaa ne gonneenoyich, gijjoona ne kiraayiti ne shuunechoyich, neenna tookkii koteti shiqqoyich,

Abidiyi 1:5

Gaayeenaꞌo woyee bokkeenaꞌo xumoona boonoshi waagaata, boonoshi daammemmo, boonoshi qaawiton baachiye. Woyinee aafoon macii beetinaꞌo, butteyemmon echii beetinaꞌone. Tunebaani am shaahe aallo neen quyeebeete!

Mikiyaasi 7:1

Manjeebeeti michi aafo macaa tiyaa, woyinee aafoo buttetaa ciyaa bi maayemmon mucceti ashoommon ta tunetoyich, taach woowo! Manjeyemmi woyinee yuunjoo aalloone; ta shunnaabeeti, qaabbe balaasee michi aafoo macaa ciyitone.

Yibbaatoo 24:19

“Ne maayoon kicaabee ikke qiroon budooch ne battegaata, aroon deeba gubb wotteyaahine. Ne Nuggishoo Doono Yeeri ne kishoona ne shuunaabeeti mooyo bullina neen bi diiremmoyich, ebi aroo shiqqeenaꞌoyich, nihaalleenaꞌonaa xuumeenaꞌonoyich tunebe.

Yibbaatoo 24:20

Zayitee michi aafoon shekiroyich mixon ne yexxaa beegaata, mixooch echeton kindiyoyich wotteree hammaahine. Ebi aroo shiqqeenaꞌoyich, nihaalleenaꞌonaa xuumeenaꞌonoyich tunebe.

Yibbaatoo 24:21

Woyinee aafoon ne macitoyee gubb, arooch echeton maciya wotteree hammaahine. Ebi aroo shiqqeenaꞌoyich, nihaalleenaꞌonaa xuumeenaꞌonoyich tunebe.

Woraaferasheenaꞌo 8:2

Tunebaani Geediyooni boonoshich wochiꞌi, “Ta tuniitoyee ittoshi tuniito beshaache? Efreemi butteti woyinee butto Abezeeri macii giijjitoyee beshaache?

Ruuti 2:2

Ikke areddoon Moꞌabechee Ruuti Naꞌoomin “Eke maayo qecceebeeti xaaꞌooch hamiree, gaawe aafoona taan ciinnimmi ashi budoochee maayoon buttebone” iyan. Naꞌoomiyoo “Ta busheene, hambe” iyan.