Leweenaꞌo 18:8 - Kafa Linguistics Project

⁸ “ ‘Ne nihoochi mecheen qemona ne nihoon giishiyaahine.

Leweenaꞌo 18:8 ပူးပေါင်းရင်းမြစ်များ

Halloo 35:22

Are showooch boonoshi beetaa, Roobeeli bi nihoo naamache Biilin qeyiye. Israꞌeeliyoo ishin waayehe. Yaaqobichoo aaraa gutte anaami bushiisheenaꞌo beetinaꞌone.

Halloo 49:4

Tunetaa xuuqqishecho ne tunetoyich, bareenaꞌoyee damboo tuneyaachemmo neene; ebiyoo ne nihoo ta naamacheen ne qeyetoyichiye; ta beeroonoo ne eeꞌitoyichiye.

Hiziqeeli 22:10

Ne daggoochaa boonoshi nihimecheen qemona boonoshi niheenaꞌon giishiiheete; ne daggoochaa qechechi maacheen giidoona yechii qeyiyeete.

Leweenaꞌo 20:11

“ ‘Ikke asho, bi nihoochi mecheen bi qeyigaata, bi nihoon bi giishiitoyich, boonoshi guttiyona qitibeete. Boonoshi damoyich koniyoona echeyaachemmone.

Amootsi 2:7

Girechinaꞌon buttooch dichiichii boonoshi qellooch qappiyeete; gitteenaꞌonoo gommoochee xuqqii wochiyeete. Bushoonaa nihoona ikke gonneen qeyiyeete; ebich yaafe ta shigo eeꞌehe.

1 Qorontoosi 5:1

Ittoshi daggooch shunee mamo beemo waayee beetone; ebiyoo bi nihoochi mecheen shaaggiti asho beemone. Ebiyoommi yeelliibeeti mooyo Yeerich goyinneyaani asheenaꞌo daggoocholla aalloone.

Yibbaatoo 22:30

“Asho koniyoona bi nihoo mecheen shaaggaaye; bi nihoochi qeenon eeꞌiyaaye” iye.

Yibbaatoo 23:1

Muusi Israꞌeeleenaꞌoyich ishichiye: “Bi cammo qicheto woyee nasheeto, Doono Yeer asheenaꞌochi iitee daggooch giyaaye.

Yibbaatoo 27:20

“ ‘Bi nihoo mecheen qeyimmo, bi nihoochi qeenon bi eeꞌitoyich, uppeton tunebe’ geteete. “Asheenaꞌo bulliyoo ‘Ameena’ geteete.