Leweenaꞌo 18:3 - Kafa Linguistics Project

³ Ittoshi beebee echeti Gibitsee asheenaꞌo tunii beetoommi mooyon tuniyaahote. Wotta and ittoshin ta giijjiya ii beeti Kanaanee asheenaꞌo tunii beetoommi mooyon tuniyaahote. Boonoshi qocoonoo dabbiyaahote.

Leweenaꞌo 18:3 ပူးပေါင်းရင်းမြစ်များ

2 Taateenaꞌo 17:8

Doono Yeeri Israꞌeeleenaꞌo aafoochee yookkii kichiti aageteenaꞌo doyoonaa Israꞌeelee taateenaꞌo dojjiti doyoonon boonoshi dabbitoyichiye.

Shoddo 106:35

Tunebaani aageteenaꞌona bacceeꞌi, boonoshi tuniitoommon tuniyoon doyiyeete.

Keyo 23:24

Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice.

Hiziqeeli 23:8

Gibitsee showooch bi beehooba bi doyiti yahoon qayaaneene; aroochaa bi bushittinoona anaaminaꞌo biinna tookkii qeyiyeete; gidiidittinee bi xanonoo huushiyeete; biin qeyiyeete; boonoshi yahoonoo bi toommooch woniiheete.

Leweenaꞌo 20:23

Ittoshi aafoochee ta yookkaa kichaabeeti aageteenaꞌo doyoon dabbiyaahote. Ebi mooyinaꞌon boonoshi tuniitoyich, boonoshin tiyaaroye.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Yibbaatoo 12:4

“Ebi asheenaꞌo boonoshi nuggishoyich goyinnee beetoommi gommona ittoshi Nuggishoo Doono Yeerich goyinneyaahote.

Yibbaatoo 9:4

“Ne Nuggishoo Doono Yeeri boonoshin ne aafoochee yookkii bi kichitoyee gubb, ‘Doono Yeeri hini showoon ta hajjemmoyich hiniich taan bi deebito, ta cadiqittinoochee tiyitonane’ getiree ne mulloona gabiyaahine. Doono Yeeri ne aafoochee ebi aageteenaꞌon yookkii bi kichiibeeto gonde asheenaꞌo boonoshi tunetoyichani, ne cadiqittinoochee tiyitona toonoone.