Leweenaꞌo 18:29 - Kafa Linguistics Project

²⁹ “ ‘Ebiyoommi eeꞌe mooyinaꞌo daggoochee aabinona tuniibeeti asho bi asheenaꞌo daggoochee kichaa yookkebe.

Leweenaꞌo 18:29 ပူးပေါင်းရင်းမြစ်များ

Keyo 12:15

“Shabaatte qemon shittoo giyaani koshon mamote. Ikkinnee qemooba shittoo bullin ittoshi kexoochee wokkiibote. Ebi shabaatte qemi daggooch shittoo giyiti koshon maammi asho koniyoona, Israꞌeeleenaꞌo daggoochee kichaa yookkebe.

Keyo 30:33

Shaahii shuunemmo woyee qeesheenaꞌoyee besh bare ashi ashittinooch huuttimmo koniyoona bi asheenaꞌo daggoochee kichaa yookkebe” iye.

Leweenaꞌo 17:10

“ ‘Israꞌeelee ashoochee woyee Israꞌeeleenaꞌo daggooch shiqqoo tuneꞌi koteti asheenaꞌoochee koniyoona damoon bi maagaata, biich etto tunemmo taane; bi asheenaꞌo daggoochee biin kichi yookkemmo taane.

Leweenaꞌo 18:28

Showoon ittoshi eeꞌiigaata, ittoshiyee aaf beeti aageteenaꞌon kichii bi dufoommon ittoshinoo kichi duppemmone.

Leweenaꞌo 18:30

Ebich ta getoon waayebote. Ittoshiyee aaf are showooch koteti asheenaꞌo tuniibee echeti eeꞌe mooyoochee amoonolla, tuniyaahote. Eboshin tuniyoona ittoshi qelloon eeꞌiyaahote. Ta, ittoshi Nuggishoo Doono Yeeri taane’ itone gete” iye.

Leweenaꞌo 20:6

“ ‘Ikke asho, taan qajjiꞌi, qititi ashoona tookkii yibbaatee beetinaꞌonaa allaameenaꞌona waanee echii waayeya bi hamigaata, are ashoyich etto tunemmo taane. Bi asheenaꞌo daggoochee kichaa bi yookkeyemmoyich tuniyemmo taane.

Leweenaꞌo 7:20

Tunebaani xalloo tuneyaani asho koniyoona Doono Yeeri taach giddeti ikkittinee deejjee meenon bi maagaata, bi asheenaꞌo daggoochee kichaa yookkebe.

Leweenaꞌo 7:21

Asho koniyoona ashi achoochee ufeebeeti eeꞌe mooyon woyee eeꞌe gijjoon woyee eeꞌe mooyo amoonolla yechiichii, Doono Yeeri taach giddeti ikkittinee deejjee meenoochee bi maagaata, bi asheenaꞌo daggoochee kichaa yookkebe’ gete” iye.

Milikiyaasi 2:12

Ebin tuniibeeti asho, Beshe Mawe Doono Yeerich deejjoon bi giddiiteenolla Doono Yeeri Yaaqobichi shiijjereenaꞌo daggoochee biin kichi yoohe.