Leweenaꞌo 18:27 - Kafa Linguistics Project

²⁷ Ittoshiyee aaf are showooch koteti asheenaꞌo ebiyoommi eeꞌe mooyinaꞌon boonoshi tuniitoyich showoo eeꞌetone.

Leweenaꞌo 18:27 ပူးပေါင်းရင်းမြစ်များ

1 Taateenaꞌo 14:24

Boonoshi showooch anaami yaafee kechi yahechinaꞌo beeheete. Boonoshiyoo Israꞌeeleenaꞌo aafoochee Doono Yeeri yookkii kichiti aageteenaꞌo tuniibee echeti, ciigiiti mooyon tuniiheete.

2 Taateenaꞌo 16:3

Israꞌeelee taateenaꞌochi gommon dabbiye; Doono Yeeri Israꞌeeleenaꞌo aafoochee yookkii kichiti aageteenaꞌochi, ciigiiti doyoon dabboona bi bushoon qaaqqooch goggiꞌi deejjiye.

2 Taateenaꞌo 21:2

Minaasiyoo Doono Yeeri Israꞌeeleenaꞌo aafoochee yookkii bi aalliiti aageteenaꞌochi, ciigiiti doyoon dabboona Doono Yeeri aafooch gonde mooyon tuniihe.

2 Kiinoo 36:14

Ebiyoommon wotta qeesheenaꞌochi wulleenaꞌonaa asheenaꞌona aageteenaꞌochi ciigiiti doyoon dabbiibee, Yerusaalemi beeti, Doono Yeeri yaafiti yaafee kexon eeꞌiibee, aafichoyee beshoon gibeneyee qayona beshii beshii hammiyeete.

Hiziqeeli 16:50

Geeciyeete; ta aafoochoo ciigiiti mooyon tuniiheete; ebin ta beegiyooba boonoshin aalliihoye.

Hiziqeeli 22:11

Ikkikkeenaꞌo boonoshi giyoochi mecheena tookkii shunoon maaheete; bareenaꞌo boonoshi naamecheenaꞌon qeyiyeete; bareenaꞌo wotta boonoshi nihoo bushee tuneti boonoshi hajjee maneen qeyiyeete.

Hosee'i 9:10

Doono Yeeri ishichiye: “Israꞌeeleenaꞌon ta dano, barahoochee woyinee aafoon danoommone. Ittoshi qaabbechinaꞌon ta beego, qaabbe balaasee aafoon beegoommone. Tunebaani Baꞌaal Feꞌoori boonoshi waahooba yeelliiti shahalleenaꞌoyich boonoshi qelloon beshiiꞌi immiyeete. Boonoshi shunniti shahalloochoommon ciigiitinaꞌo tuneheete.

Leweenaꞌo 18:24

“ ‘Ebi mooyoochee ikkoonolla ittoshi qelloon eeꞌiyaahote. Ittoshi aafoochee yookkaa ta kichaabeeti aageteenaꞌo bulli ebina boonoshi qelloon eeꞌiitinaꞌone.

Leweenaꞌo 18:26

Tunebaani ittoshi ta qociiti qociyoonaa ta dojjiti doyoonon quyebote. Showee bushoo tuneba ittoshi daggooch koteti shiqqoo ebiyoommi eeꞌe mooyoochee amoonolla shuunaaye.

Leweenaꞌo 18:28

Showoon ittoshi eeꞌiigaata, ittoshiyee aaf beeti aageteenaꞌon kichii bi dufoommon ittoshinoo kichi duppemmone.

Yibbaatoo 20:18

Ebiyoo boonoshi nuggisheenaꞌoyich boonoshi goyinnee maddee beegaata boonoshi tuniibeeti, ciigiiti mooyon ne shuunemmoyich neech boonoshi dojjaachemmoyich, wotta ne Nuggishoo Doono Yeeri toommooch axaaxoon ne shuuneyaachemmoyichiye.

Yibbaatoo 23:18

Ne Nuggishoo Doono Yeeri gijjoyicha iꞌi boonoshi ashittinoon kemmiibeeti asheenaꞌon, maacheen tuneba anaamon shixxii beetone. Ebiyoommi gommona daneti gijjoo Doono Yeerichi kexooch woyaaye; biich mookkeeto bi tunetaanoona, woyaaye.

Yibbaatoo 25:16

Ebiyoommi mooyon tunii beetonaa gibeneyaanoona ne Nuggishoo Doono Yeeri aafoochaa shichetone.

Yibbaatoo 27:15

“ ‘Ariyechi ashi kishoona shuuneeti, Doono Yeeri aafoochaa shicheti, xaqqoochee, mixoochee woyee xuuroochee shahalloon shuuneꞌi aashoona goyinneebeeto uppeton tunebe’ geteete. “Asheenaꞌo bulliyoo ‘Ameena’ geteete.