Leweenaꞌo 18:24 - Kafa Linguistics Project

²⁴ “ ‘Ebi mooyoochee ikkoonolla ittoshi qelloon eeꞌiyaahote. Ittoshi aafoochee yookkaa ta kichaabeeti aageteenaꞌo bulli ebina boonoshi qelloon eeꞌiitinaꞌone.

Leweenaꞌo 18:24 ပူးပေါင်းရင်းမြစ်များ

Halloo 15:16

Ne shiijjereenaꞌo hiniich wotteree boonoshi woyemmo, awuddinnee shiijjeroobaniye. Ebichi wottoon boonoshi yagemmo, hini Amooreenaꞌochi axaaxoo oogichii woddemmi wottooniye” iye.

1 Taateenaꞌo 9:7

Israꞌeeleenaꞌon boonoshich ta immeti showoochee aalliyemmo taane; ta shigo arooch bi beeyemmoyich ta yaafiti, hini yaafee kexon duppemmo taane; Israꞌeeleenaꞌo asho bulli daggooch cooqqiree tocheyemminaꞌone.

2 Kiinoo 33:2

Doono Yeeri Israꞌeeleenaꞌo aafoochee yookkii aalliiti aageteenaꞌochi, ciigiiti doyoon dabboona Doono Yeeri aafooch gonde mooyon tuniihe.

Iziri 9:1

Ebi mooyo tunetoyee gubb, ukkireenaꞌo ta waan waaꞌi, “Israꞌeeleenaꞌo, qeesheenaꞌo, Leweenaꞌonooch beddaahaa, Kanaaneenaꞌo, Hiteenaꞌo, Ferizeenaꞌo, Yebuseenaꞌo, Amooneenaꞌo, Moꞌabeenaꞌo, Gibitseenaꞌonaa Amooreenaꞌona tunii beetoommi eeꞌe mooyon tuniiheetani, showee toommeexi aageteenaꞌoyee baraaneenaꞌone.

Shoddo 106:39

Boonoshi shuunoona eeꞌeꞌi, Doono Yeerich gibeneyaaneenaꞌo tuneheete.

Erimiyaasi 44:4

Ta shixxaabeeti ciigiiti mooyon boonoshi tuniyaachemmoyich wochii wochii boonoshi waan keemechi ta guuninaꞌon daachiihoye.

Hiziqeeli 36:17

“Ashi bushoocho, Israꞌeelee asheenaꞌo boonoshi hajjee showooch boonoshi beehooba, boonoshi beemona, boonoshi shuunoonoo showoon eeꞌiiheete; boonoshi shaaddo ta aafooch qechoona beeti maachechi eeꞌoommon shaahiye.

Leweenaꞌo 18:3

Ittoshi beebee echeti Gibitsee asheenaꞌo tunii beetoommi mooyon tuniyaahote. Wotta and ittoshin ta giijjiya ii beeti Kanaanee asheenaꞌo tunii beetoommi mooyon tuniyaahote. Boonoshi qocoonoo dabbiyaahote.

Leweenaꞌo 18:30

Ebich ta getoon waayebote. Ittoshiyee aaf are showooch koteti asheenaꞌo tuniibee echeti eeꞌe mooyoochee amoonolla, tuniyaahote. Eboshin tuniyoona ittoshi qelloon eeꞌiyaahote. Ta, ittoshi Nuggishoo Doono Yeeri taane’ itone gete” iye.

Haddoo 35:34

Doono Yeeri ta Israꞌeeleenaꞌo daggooch ta beetoyich, ittoshi beeti, wotta ittoshi daggooch ta qeyaabeeti showoon eeꞌiyaahote’ itone gete” iye.

1 Qorontoosi 3:17

Koniyoona Yeerichi yaafee kexon bi happigaata, Yeeri biin wochiree happemmone; ebiyoo hini Yeerichi yaafee kexo Yeerich bi yaafeetoyichiye; are yaafee kexoo ittoshine.

Yibbaatoo 12:31

Boonoshi nuggisheenaꞌoyich boonoshi goyinnee maddee beetoommi gommona ne Nuggishoo Doono Yeerich goyinne maddeyaahine. Boonoshiyoo boonoshi nuggisheenaꞌoyich goyinnee maddee boonoshi beegaata, Doono Yeeri shixxii, ciigeebeeti mooyo bullin tunii beetinaꞌone. Boonoshi anaami bushiishoonaa boonoshi maache bushiishoonolla, qaaqqooch goggiꞌi boonoshi nuggisheenaꞌoyich deejjii beetinaꞌone.

Yibbaatoo 18:12

Ebi mooyon shuuneebeeto bullin Doono Yeeri ciigee beetone. Ne Nuggishoo Doono Yeeri ebi aageteenaꞌon ne aafoochee yookkii bi kichiibeeto, ebiyoommi ciigiiti mooyoyichiye.

Yibbaatoo 9:4

“Ne Nuggishoo Doono Yeeri boonoshin ne aafoochee yookkii bi kichitoyee gubb, ‘Doono Yeeri hini showoon ta hajjemmoyich hiniich taan bi deebito, ta cadiqittinoochee tiyitonane’ getiree ne mulloona gabiyaahine. Doono Yeeri ne aafoochee ebi aageteenaꞌon yookkii bi kichiibeeto gonde asheenaꞌo boonoshi tunetoyichani, ne cadiqittinoochee tiyitona toonoone.

Yibbaatoo 9:5

Boonoshi showoon woraashiya arooch ne giyaabeeto, cadiqe asho ne tunetoyich woyee ne mullee kaamoyich toonoone. Ne Nuggishoo Doono Yeeri ne aafoochee boonoshin yookkii bi kichiibeeto, gonde asheenaꞌo boonoshi tunetoyich, wottoo ne qaabbechinaꞌo tuneti Abrahamich, Yisaaqinaa Yaaqobinoyich bi wogeti wogoon ceechoyichiye.

Woraaferasheenaꞌo 20:10

Israꞌeelee yoodeenaꞌo bulli daggoochee balle asheenaꞌoochee aashireenaꞌo, humeenaꞌoochee balleenaꞌo, aashire humeenaꞌoochee wotta humeenaꞌo ginee naayinaꞌoyich shohoon giddiyemminaꞌone. Ginee naayinaꞌo Gibaaha shagiree are katemeexi asheenaꞌo Israꞌeeleenaꞌo toommooch boonoshi tuniiti yeelliibeeti mooyoyich kaalloon wochemminaꞌone” iyeete.

Woraaferasheenaꞌo 20:5

Gibaahi katemeexi asheenaꞌo ta toommooch tiyiꞌi kexon xumoona giichiyeete. Taanoo wuxiya iyeete. Ta naamacheenoo boonoshi mechetaa qitiyan.

Woraaferasheenaꞌo 20:6

Ta naamachechi dubenoon daammaa maaccaa gishiishichaꞌa, Israꞌeeleenaꞌo beeti showoo bulliich daachiiho. Ebin ta tuniito, ebi asheenaꞌo yeelliiti eeꞌe mooyon Israꞌeeleenaꞌo daggooch boonoshi tuniitoyichiye.