Leweenaꞌo 18:21 - Kafa Linguistics Project

²¹ “ ‘Ne bushiishoochee ikkoonolla Molookich bi deejjeyemmoyich beshii imona ne Nuggishoo ta shigoon naakkiyaahine. Ta, Doono Yeeri taane.

Leweenaꞌo 18:21 ပူးပေါင်းရင်းမြစ်များ

1 Taateenaꞌo 11:33

Ebin ta tuniyemmoo, taan qajjiichii, Sidooneenaꞌochi nuggishee Ashitarootin, Moꞌabeenaꞌochi nuggishoo Kemooshinaa Amooneenaꞌochi nuggishoo Milikoominoyich goyinnee bi maddetoyichiye; wotta ta aafooch kaame mooyon tuniyoona, ta qociyoonaa ta getoonon quyoon, bi nihoo Daawiti ta gommona bi hamoommon, hamonoo bi qajjitoyichiye.

1 Taateenaꞌo 11:7

Solomooni Yerusaalemaa aabi-keyo waan beeti guudi toommooch Moꞌabeenaꞌochi ciigiiti nuggishoo Kemooshinaa Amooneenaꞌochi ciigiiti nuggishoo Molookinoyich goyinnee xaaꞌoon shuunehe.

2 Taateenaꞌo 16:3

Israꞌeelee taateenaꞌochi gommon dabbiye; Doono Yeeri Israꞌeeleenaꞌo aafoochee yookkii kichiti aageteenaꞌochi, ciigiiti doyoon dabboona bi bushoon qaaqqooch goggiꞌi deejjiye.

2 Taateenaꞌo 17:31

Aweenaꞌo Nibihaazinaa Taritaakinochi shahalleenaꞌon shuuneheete; Sefariwayimeenaꞌoo Adirameleekinaa Anameleekina getteebeeti boonoshi nuggisheenaꞌoyich boonoshi bushiisheenaꞌon goggiꞌi deejjiyeete.

2 Taateenaꞌo 21:6

Bi hajjee bushoon goggiꞌi deejjoo giddiihe. Biyoo kaayechonaa iicechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

2 Taateenaꞌo 23:10

Hinoomi bushoochi bambooch beeti, Tofeeti goyinnee xaaꞌoon eeꞌiihe; ebiyoo koniyoona Molookich bi bushoon woyee bi busheen bi deejjaachemmoyichiye.

2 Kiinoo 28:3

Hinoomi bushoo bamboochaa ixaanoon shookkiye. Doono Yeeri Israꞌeeleenaꞌo aafoochee yookkii kichiti aageteenaꞌochi ciigiiti doyoon dabboona bi anaami bushiisheenaꞌon qaaqqooch goggiꞌi deejjiye.

Erimiyaasi 19:5

boonoshich ta getaanoon, ta yibbaateyaanoon, ta mulloonoo ta gabaanoon, micciibeeti deejjoon tuniiꞌi Baꞌaaloyich boonoshi bushiisheenaꞌon michoyich, geppeexi goyinnee xaaꞌeenaꞌon boonoshi shuunetoyich,

Erimiyaasi 32:35

Yihudee asheenaꞌo axaaxoon shuunemmoyich, ebi eeꞌe mooyon tuniyoyich, ta getaanoon, wottoo ta mulloona ta gabaanoon, boonoshi anaami bushiisheenaꞌonaa maache bushiisheenaꞌonon qaaqqooch goggii Molookich deejjoyich, Hinoomi bushoo bambooch beeti geppeexi goyinnee xaaꞌoon Baꞌaaloyich shuunetinaꞌone” iye.

Erimiyaasi 7:31

Ta getaanoon, ta mulloonoo ta gabaanoon, boonoshi anaami bushiisheenaꞌonaa maache bushiisheenaꞌonon qaaqqoona michoyich, Hinoomi bushoo bambooch beeti Tofeeti goyinnee xaaꞌoon shuunetinaꞌone.

Hiziqeeli 20:26

Boonoshi gutenee bushiishoon qaaqqee toommooch giddii deejjoona boonoshi eeꞌee beetaa cikkii qajjoye; ta eechito, boonoshin keqqichoyich, Doono Yeeri ta tunoonoo boonoshi ariyemmoyich tuniyoyichiye’ itone gete.

Hiziqeeli 20:31

And beddaahaa deejjoon deejjoona, ittoshi bushiishoon micciibeeti deejjoo tuniiꞌi giddiyoona ebi ittoshi shahalleenaꞌona ittoshi qelloon eeꞌiiniye ittoshi beeto. Israꞌeeleenaꞌote, ishigaata ta waanee echii ittoshi waayemmoyich ittoshich daaggibote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri.

Hiziqeeli 23:37

Shadditinaꞌone; damoo boonoshi kishooch beetone. Shahalleenaꞌona tookkii shadditinaꞌone; taach boonoshi shiyiti bushiishoon boonoshich maayi deejjoo tuniiꞌi giddiitinaꞌone.

Leweenaꞌo 19:12

“ ‘Ta shigoon ceegiree kootoon wogeyaahote. Ebin tuniyoona ta shigoon naakkiyaahote. Ta, Doono Yeeri taane.

Leweenaꞌo 21:6

Boonoshi Nuggishoo taach yaafeeton tunebeete. Boonoshi Nuggishoo ta shigoon naakkiyaayeete. Micciibeeti deejjoonaa maayi buuroonon taach giddii beetinaꞌo boonoshi tunetoyich, yaafeenaꞌo tunebeete.

Leweenaꞌo 22:2

“Yaafoo tuneti ta shigoon boonoshi giishiyaachemmoyich, Israꞌeeleenaꞌo taach kichiibeeti, yaafoo tuneti mooyon gaawichiree boonoshi yechemmoyich, Harooninaa bi bushiishoonoyich gete. Ta, Doono Yeeri taane.

Leweenaꞌo 22:32

Yaafoo tuneti ta shigoon giishiyaahote. Israꞌeeleenaꞌo bulli, yaafoo ta tunoon bekkiibeete. Ittoshin yaafiibeeti Doono Yeeri taane.

Leweenaꞌo 24:15

Aroochee Israꞌeeleenaꞌoyich ishichibe: ‘Asho koniyoona bi Nuggishoo Yeerin bi naagigaata, bi shuuneti axaaxoyich echeyemmone.

Amootsi 2:7

Girechinaꞌon buttooch dichiichii boonoshi qellooch qappiyeete; gitteenaꞌonoo gommoochee xuqqii wochiyeete. Bushoonaa nihoona ikke gonneen qeyiyeete; ebich yaafe ta shigo eeꞌehe.

Amootsi 5:26

Ittoshi qellich ittoshi shuuneti, Sakuuti getteebeeti ittoshi taatee nuggishoonaa Kayiwaani getteebeeti xojjenee nuggishoonochi misiloon tiijjii shaaggiyote.

Mikiyaasi 6:7

Doono Yeeri hume bagee baaddoon woyee aashire hume woce aacoommi zayitoon ta giddiitaa ebina emirehe? Ta xuꞌoonaa ta axaaxoonoyich deejjoyich ta gutenee bushoon giddiibote?

Milikiyaasi 1:12

“Tunebaani ittoshi ‘Doono Yeerichi madoo eeꞌoone; bi maayo hoxeetone’ getona ta shigoon kettiihote.

Mishiraachechinaꞌo 7:43

Boonoshich goyinneya ittoshi shuuneti, Molooki duukkaanoonaa Refaani getteebeeti ittoshi nuggishoo tuneti xojjenee shaahiyoonon tiijjiꞌi shaaggiyote. Ebich Baabloonee showoyee bekk ittoshin yoohi daachiyemmo taane” iye.’

Roomi 1:23

Oogee yiirechi bulli yemeenee Nuggishoyich goyinnemmon qajjiichii, qitemmi asheenaꞌochi, yoobbereenaꞌochi, gijjeenaꞌonaa kubbi cooxinaꞌonochi, yuummereenaꞌochi shahalloon boonoshi kishoona shuuneꞌi eboshich goyinneheete.

Roomi 2:24

Ebiyoo “Ayihudo ittoshi naboona Aageteenaꞌo daggooch Yeerichi shigo naakketone” getaa bi kooreetoommoniye.

Yibbaatoo 12:31

Boonoshi nuggisheenaꞌoyich boonoshi goyinnee maddee beetoommi gommona ne Nuggishoo Doono Yeerich goyinne maddeyaahine. Boonoshiyoo boonoshi nuggisheenaꞌoyich goyinnee maddee boonoshi beegaata, Doono Yeeri shixxii, ciigeebeeti mooyo bullin tunii beetinaꞌone. Boonoshi anaami bushiishoonaa boonoshi maache bushiishoonolla, qaaqqooch goggiꞌi boonoshi nuggisheenaꞌoyich deejjii beetinaꞌone.

Yibbaatoo 18:10

Ne daggooch bi bushoon woyee bi busheen qaaqqooch goggiꞌi deejjiibeeto woyee allaamoo woyee kaayecho woyee mareccee maaccecho woyee qooroo,