Leweenaꞌo 17:5 - Kafa Linguistics Project

⁵ Ebi sheeroo bi icheto, Israꞌeeleenaꞌo xalle gaddoochaa boonoshi guuriibeeti deejjee gijjeenaꞌon danee duukkaanee kellooch, qeeshoo waan deebiree, ebi aroochaa ikkittinee deejjoon tuniiree Doono Yeerich boonoshi deejjemmoyichiye.

Leweenaꞌo 17:5 ပူးပေါင်းရင်းမြစ်များ

Halloo 21:33

Abrahamiyoo Beershaab tamariskee mixon bechiye. Aroochaanoo Bulli Yemeenee Nuggishoo, Doono Yeerich goyinnehe.

Halloo 22:13

Abrahamiyoo kaama ciinniꞌi, biyee gubb beeti tushooch qaroona yecheꞌi beeti, ikke bagee baaddoon beeggiye. Hammii ebi bagoon deebii, bi bushoo keroon deejjoo tuniiꞌi guurii michii deejjiye.

Halloo 22:2

Yeeriyoo “Ne shuni bushoon, ikke mixxe ne bushoo Yisaaqin, yeshiree, Mooriyee showooch hambe. Neech ta bekkiyemmi ikke guudi toommoochaa deejjoon tuniiree michi taach deejjibe” iye.

Halloo 31:54

Guudi toommoochaa Yeerich deejjoon michii deejjiye. Bi xibeenaꞌo ebi meenonaa koshonon boonoshi maayemmoyich ataalliye. Boonoshiyoo boonoshi maatoyee gubb, are guudi toommooch qeyiyeete.

1 Taateenaꞌo 14:23

Boonoshiyoo guudi toommo bullinaa waajjechi michi baatoo bullinooch goyinnee xaaꞌeenaꞌon, goyinnee xaqqee giimbeenaꞌonaa Asheeri misileenaꞌonon shuuneheete.

1 Taateenaꞌo 3:2

Ebiyooba kexo Doono Yeerichi shigoyich batt hakkeyaano bi tunetoyich, asheenaꞌo guudi toommeexi goyinnee xaaꞌeenaꞌoochaa deejjoon deejjii beeheete.

1 Taateenaꞌo 3:3

Solomooniyoo Doono Yeerin shunnii beetone. Bi nihoo Daawitichi qociyoona hammii beehe; tunebaani guudi toommeexi goyinnee xaaꞌeenaꞌoochaa deejjoon deejjii, ixaanoon shookkii beehe.

2 Taateenaꞌo 16:4

Akaazi guudi toommeexi goyinnee xaaꞌeenaꞌoochaa, geppeenaꞌonaa waajjechi michi baatoo bullinoochaa deejjoon deejjiye; ixaanoonoo shookkiye.

2 Taateenaꞌo 17:10

Geppoo bulli toommonaa waajjechi michi baatoo bullinooch, boonoshi qellich goyinnee xaqqee giimbeenaꞌonaa Asheeri misileenaꞌonon neechiyeete.

2 Kiinoo 28:4

Guudi toommeexi goyinnee xaaꞌeenaꞌoochaa, geppeenaꞌonaa waajjechi michi baatoo bullinoochaa deejjoon deejjiye; ixaanoonoo shookkiye.

Keyo 24:5

Aroochee Israꞌeelee gurimaasheenaꞌon bi wochetaa, boonoshiyoo micciibeeti deejjoon deejjiyeete; wurinaꞌonoo ikkittinee deejjoon tuniiꞌi Doono Yeerich deejjiyeete.

Hiziqeeli 20:28

Boonoshich imma ta wogeti showooch boonoshin deebeto taane; tunebaani boonoshi geppeenaꞌonaa waajjechi mixinaꞌonon beeggiꞌi aroochaa deejjooch giyiyeete; buuroon giddiyoona, gaawe cinnechi ixaanoon shoohona, uyee deejjoonoo taan ippiiheete.

Hiziqeeli 22:9

Ashi damoon ukkiyoyich koottii beetinaꞌo ne daggooch beetinaꞌone; guudi toommoochaa deejjeeton maa beetinaꞌonaa yahechinaꞌona ne daggooch beetinaꞌone.

Hiziqeeli 43:27

Ebi decinaꞌo ciiretoyee gubb, qeesheenaꞌo shimittinnee qemoochee tiijji asheenaꞌochi micciibeeti deejjoonaa ikkittinee deejjoonon, deejjee gudooch deejjemminaꞌone; tawoo boonoshin gaawe aafoona ciinnemmo taane, iye Nuggishoo Doono Yeeri” iye.

Hiziqeeli 44:15

Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone.

Leweenaꞌo 17:6

Qeeshoo damoon danee duukkaanee kellooch beeti Doono Yeerichi deejjee gudee toommooch wucibe; awuyonoo Doono Yeerich gaawe cinnoon bi cinnemmoyich tuniiree michibe.

Yibbaatoo 12:2

Ittoshi yookkii kichiibeeti aageteenaꞌo boonoshi nuggisheenaꞌoyich boonoshi goyinneebeeti ogooge guudinaꞌo toommooch, geppeenaꞌo toommonaa wodde waajjechi mixinaꞌo bulli baatoonooch beeti goyinnee xaaꞌeenaꞌo bullin happi ciroona aalliibote.