Leweenaꞌo 17:15 - Kafa Linguistics Project

¹⁵ “ ‘Showee bushoo tuneba shiqqoo koniyoona qititi gijjoon woyee cooxo yeshaa qititon maammo bi tahoon maye; bi qeddoonoo machebe; biyoo xumemmi wottoon eeꞌoone. Aroochee xallemmone.

Leweenaꞌo 17:15 ပူးပေါင်းရင်းမြစ်များ

Keyo 22:30

Ebiyoommon ne miiminaꞌoochee, ne bageenaꞌonaa emmisheenaꞌonoochee shiichii shiijjeton taach imbe. Shabaatte qemon bi indeena tookki beebe; shimittinnee qemooba taach imbe.

Keyo 22:31

“Ittoshi taach yaafeeti ashoon tunebote. Cooxo yechii wuxiti gijjee meenon kunaanoyich imbotani, maayaahote.

Hiziqeeli 4:14

Aroochee tawoo ishichiyo: “Nuggishoo Doono Yeero, ebi tunaaye; ciroona eeꞌaa ariyaano taane; ta bushittinoochee tiijjaꞌa ebiich beddaahaa bi aalla qititon woyee cooxo yechiton ciroona maataano taane; eeꞌe maayo ta noonooch shaggii ariyaanoone” iyo.

Hiziqeeli 44:31

Qeesheenaꞌo bi alla qititi woyee cooxo yechiti kafoon woyee gijjoon maayaayeete.

Leweenaꞌo 11:24

“ ‘Ebi gijjeenaꞌonaa cooxinaꞌonochi meeshoon ittoshi yeshigaata, eeꞌemmo ittoshine. Eboshichi meeshoon yechimmi asho xumemmi wottoon eeꞌemmone.

Leweenaꞌo 11:25

Eboshichi meeshoochee tiijjimmi asho bi tahoon maye; biyoo xumemmi wottoon eeꞌo tunemmone.

Leweenaꞌo 11:27

Awudde baatechinaꞌo daggoochee baatee madoona showoon neexxii beetinaꞌo eeꞌeenaꞌone; eboshichi meeshoon yechimmo koniyoona xumemmi wottoon eeꞌo tunemmone.

Leweenaꞌo 11:28

Eboshichi meeshoon tiijjimmi asho bi tahoon maye; biyoo xumemmi wottoon, eeꞌo tunemmone. Eboshi ittoshi waanaa eeꞌeenaꞌone.

Leweenaꞌo 11:31

Showoona yuummii beetinaꞌo daggoochee eboshi ittoshich eeꞌeenaꞌone. Eboshichi meeshoon yechimmo xumemmi wottoon eeꞌo tunemmone.

Leweenaꞌo 11:32

Eboshichi meeshoo amee qiicee toommoochona bi holligaata, ebi are qiico mixoochee woyee qoreddoochee woyee gooqqoochee woyee keeshoochee shuuneeti qiico amolla bi tunegaata, eeꞌoone. Ebi qiico aachi daggooch geddebe; xumemmi wottoonoo eeꞌo tunemmone; aroochee xallemmone.

Leweenaꞌo 11:39

“ ‘Ittoshi maayemmoyich daaggeeti gijjoonaa cooxona bi qitigaata, bi meeshoon yechimmo xumemmi wottoon eeꞌo tunemmone.

Leweenaꞌo 11:40

Ebi meeshoon maammo bi qoreddoon maye; biyoo xumemmi wottoon eeꞌo tunemmone. Meeshoon tiijjimmo bi qoreddoon maye; xumemmi wottoonoo eeꞌo tunemmone.

Leweenaꞌo 15:10

Uro yebbeꞌi koteti xaaꞌooch beeti mooyo amoonolla yechimmo koniyoona xumemmi wottoon eeꞌo tunemmone. Uro koteti mooyon tiijjimmi asho bi tahoon maye; bi qeddoonoo machebe; biyoo xumemmi wottoon eeꞌo tunemmone.

Leweenaꞌo 15:21

Bi qeyeti beeroon yechimmi asho koniyoona bi tahoon maye; bi qeddoonoo machebe; biyoo xumemmi wottoon eeꞌo tunemmone.

Leweenaꞌo 15:5

Bi qeyiti qeenon yechimmi asho koniyoona bi tahoon maye; bi qeddoonoo machebe; biyoo xumemmi wottoon eeꞌo tunemmone.

Leweenaꞌo 22:8

Qititi gijjoochi woyee cooxo yechii wuxiti gijjoochi meenon maayaaye. Ebin bi tuniigaata, bi ashittinoon eeꞌiyemmone. Ta, Doono Yeeri taane.

Leweenaꞌo 7:24

Qititi gijjoochi awuyon woyee cooxo yeshaa qititi gijjoochi awuyon bare shuunoyich tuniyoon hakkiyote; tunebaani ciroona maayaahote.

Haddoo 19:19

Xalle asho xalleyaani ashi toommooch keejjinnee qemoobinaa shabaattinnee qemoobinon wucemmone; shabaattinnee qemooboo xalliyemmone. Ebi xalleti asho bi tahoon machemmone; bi achoonoo machemmone; aroobee xumooch xalloo tunemmone.

Haddoo 19:21

Ebiyoo bulli aaboon ittoshich qociyoo tunemmone. “Xalliibeeti aacon wuciibeeti asho bi tahoon machemmone. Xalliibeeti aacon yechiti asho xumemmi wottoon eeꞌo tunemmone.

Haddoo 19:8

Gidereen michiti uro bi tahoonaa bi achoonon machemmone. Biyoo xumemmi wottoon eeꞌeto tunemmone.

Yibbaatoo 14:21

“Ne Nuggishoo Doono Yeerich yaafeeti asho ne tunetoyich, qititi mooyo amoonolla, maayaahine. Ne beeti katemee daggooch beeti shiqqoo bi maayemmoyich imbe. Woyee gommechi iibboyich kembe. “Emmishee bushoochi meenon bi indeechi ejjoona kiijjaahine” iye.

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.