Leweenaꞌo 16:29 - Kafa Linguistics Project

²⁹ “Ebi ittoshich bulli yemeenee qociyoo tunebe. Shabaattinnee agenee aashirinnee qemooba coomibote. Showee bushoo tuneba ittoshi daggooch beeti shiqqoo shuunoo amoonolla shuunaaye.

Leweenaꞌo 16:29 ပူးပေါင်းရင်းမြစ်များ

1 Taateenaꞌo 8:2

Ebina Israꞌeeleenaꞌo bulli Etaniimi getteebeeti shabaattinnee agenooch baareebeeti baarooba taatoo Solomoon waan kiceeheete.

Iziri 3:1

Shabaattinnee ageno shaggiyooba, Israꞌeeleenaꞌo boonoshi katemooch boonoshi beehooba, asheenaꞌo ikke kasho tuneꞌi Yerusaalem kiceeheete.

Iziri 8:21

Aroyee gubb, “Nooch, no bushiishoonaa no qiico bullinoyich no gommo bi kaamemmoyich, no Nuggishoo aafooch no ashittinoon giishiiree coomibone” iyaꞌa Ahaawi aachi gashoochaa awaajjiyo.

Shoddo 35:13

Tunebaani ta, boonoshi biiyehooba dookoon tahehoye; coomoona ta ashittinoon niriihoye; ta corooto waayemmon mucceꞌi ta waan wottehe.

Shoddo 69:10

Coomoona kasho shaddeehoye; ebichoo naakkeehoye.

Keyo 12:16

Shabaatteexi, batti batti aaboonaa ciireexi shabaattinnee aaboonon Yeerich yaafeeti, iitee aaboon tuniibote. Ebi aabooba amee shuunoonolla shuuneyaahote. Ittoshi shuunemmi shuunoo bi beegaata, asho bi maayemmi maayoon kachiyoo baachiye.

Keyo 20:10

Tunebaani shabaattinnee qemo ne Nuggishoo Doono Yeeri ta shambetoone; arooba newoo tuneb, ne bushoo, ne bushee, ne guuno, ne gonnee, ne gijjeenaꞌo woyee ne showee daggooch beeti shiqqoo amee shuunoonolla shuuneyaahote.

Keyo 30:10

Harooni natooch ikke wottoon axaaxoon maariyoyich deejjeeti gijjee damoochee daami, ixaanee deejjee gudee awudde qareenaꞌooch huute. Nati natona ebi axaaxoon maariyee deejjee doyoo gubbi ittoshi shiijjeroo bulliich beddaahaa, tunebe. Ebi ixaanee deejjee gudo Doono Yeeri taach oogeti yaafoone” iye.

Keyo 31:14

“ ‘Ittoshich yaafoo bi tunetoyich, shambetee aaboon quyebote. Ebin shaaddemmo koniyoona qitibe. Arooba shuunoon shuunemmo koniyoona bi asheenaꞌo daggoochee kichaa yookkebe.

Keyo 31:15

Shiritte qemon shuunoon shuunemmo ittoshine; tunebaani shabaattinnee qemo, kashe ittoshi heechemmi, Doono Yeeri taach yaafeeti shambetoone. Shambetee aabooba shuunoon shuunemmo koniyoona qitibe.

Isiyaasi 58:13

Doono Yeeri ishichiye: “Shambetee doyoon shaaddoochee ittoshi baatoon ittoshi wochigaata, yaafeeti aabooba ittoshin emirikkii beeton tuniyoochee ittoshi wottegaata, shambetoon emirikkito, Doono Yeerich yaafeeti aaboon oogoo ittoshi getigaata, ittoshi kaatta hamon qajjiꞌi ittoshi oogiigaata, ittoshin emirikkii beeton qaawoo ittoshi qayigaata, duube yibbaatoon ittoshi qayigaata,

Isiyaasi 58:3

Asheenaꞌo, “Ne ciinaanich amoyich coomiyone? Mooch ne haddaanich amoyich no qelloon giishiihone?” iyeete. Doono Yeeriyoo ishichiye: “Ittoshi coomii beehooba ittoshi mullee daaggoon tuniihote; ittoshi shuunechinaꞌon duꞌiihote.

Isiyaasi 58:5

Ta qaawaabeeti coomoo ebine? Asho bi qelloon bi giishiyemmo ebiyooba baachiye? Qiximmoochoommon bi yittemmoyich, dookoon tahe, tulloon bi toommooch bi shakkemmoyichiye? Coomoo ne iyaabeeto ebiniye? Doono Yeeri taan emirikkiibeeti aabo ebine?

Daaneeli 10:12

Biyoo taach ishichiye: “Daaneelo, shattaahine! Shalligoon daneya ne Nuggishoo aafooch ne qelloon ne giishiiti, batti batti aaboochee tiijjiꞌi, Yeeri ne qolloon waayetone. Tawoo ne qolloyich tunemmi wochoon yechaꞌa waato taane.

Daaneeli 10:3

Keejje shabaattoo beshemmi wottoon shaawi maayoon maataano taane; meenon tuneba woyinee uyoon ta noonooch shakkiyaano taane; ta qelloochoo amoonolla huuteyaano taane.

Leweenaꞌo 23:21

Ebi arooba ikkooch kiceeree taach ittoshi goyinnemmi aaboon tuniiree awaajjibote. Shuunoon shuuneyaahote. Ebiyoo ittoshi koteti showoo aabiichaanona, gubbi ittoshi shiijjeroo bullich, bulli yemeenee qociyoon tunebe.

Leweenaꞌo 23:3

“ ‘Shiritte qemon shuunoon shuunemmo ittoshine; tunebaani shabaattinnee qemo yaafeeti kashee shambetoo, taach goyinnoyich ittoshi kiceyemmi yaafeeti aaboone. Doono Yeeri ta shambetee aabo bi tunetoyich, ittoshi koteti showoo aabiichaanona shuunoon shuuneyaahote.

Leweenaꞌo 23:36

Qemi qemona shabaatte qemi wottoon, Doono Yeeri taach micciibeeti deejjoon giddiibote. Shabaattee ciirooba taach goyinnoyich yaafeeti kiceyoon kiceebote. Maayi buuroonoo giddiibote. Shuunoon shuuneyaahote.

Leweenaꞌo 25:9

Aroochee shabaattinnee agenee aashirinnee qemooba, tiroon hukkiibe. Axaaxoo Maariyee Aabooba, ittoshi showoo bulliich tiroon hukkiibote.

Leweenaꞌo 3:17

“ ‘Ittoshi kotemmi xaaꞌoo aabiichaanona, awuyon woyee damoon maayaahote. Ebiyoo gubbi ittoshi shiijjeroo bulliich beddaahaa, kuxeyaanoon beeyemmi qociyoone’ gete” iye.

Haddoo 29:7

“ ‘Hini shabaattinnee agenee aashirinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Arooboo coomibote. Shuunoon shuuneyaahote.

Mishiraachechinaꞌo 27:9

Gommona oogichaa no yagitoyich, coomee aabo beshehe. Aroobee agenoon markaboona shaꞌo shattiito bi tunetoyich, Phawuloosi asheenaꞌon ishichiꞌi ciicciye:

1 Qorontoosi 11:31

Tunebaani shiichaꞌa no mulleexi mooyon no xiishito gaata, nalloo no toommooch waataacheshone.

Hibireena'o 4:10

Yeeri gibenikkiti xaaꞌooch giyiti asho, Yeeri bi shuunoo bullin ciichiꞌi bi kashetoommon, biyoo wotta bi shuunoochee kashemmone.

1 Saameeli 7:6

Ebich Mitsipha kiceeheete. Aacon kittiꞌi Doono Yeerich ukkii deejjiyeete. Arooboo coomiyeete. Boonoshiyoo “Doono Yeerin xuqqeto noone” iyeete. Saameeliyoo Mitsipha tuneꞌi Israꞌeeleenaꞌo mooyon nallii beehe.