Leweenaꞌo 16:18 - Kafa Linguistics Project

¹⁸ “Aroochee keyiree, Doono Yeeri ta aafooch beeti deejjee gudoon xalliyemmone. Wurochi damoonaa emmishoochi damoonoochee giishechoon daamiree, deejjee gudee guuxxi guuxxooch beeti qareenaꞌooch huute.

Leweenaꞌo 16:18 ပူးပေါင်းရင်းမြစ်များ

Keyo 30:10

Harooni natooch ikke wottoon axaaxoon maariyoyich deejjeeti gijjee damoochee daami, ixaanee deejjee gudee awudde qareenaꞌooch huute. Nati natona ebi axaaxoon maariyee deejjee doyoo gubbi ittoshi shiijjeroo bulliich beddaahaa, tunebe. Ebi ixaanee deejjee gudo Doono Yeeri taach oogeti yaafoone” iye.

Hiziqeeli 43:20

Newoo bi damoochee daamiree deejjee gudee qareenaꞌooch, bi degee awudde shuutooch, guudoona beeti bi noonoochoo wucemmo neene; ebina deejjee gudoon xallii, yaafemmo neene.

Hiziqeeli 43:22

“Bi dechara axaaxee deejjoyich tunemmi, bachaalli emmishee baaddoon deejjoo giddiyemmo neene; deejjee gudoon gubbenoochi damoona ne xalliyoommon bi damoonoo xalliyemmo neene.

Hiziqeeli 45:19

Qeeshoo axaaxee deejjee damoochee daamiree yaafee kechi qoomeenaꞌooch, deejjee gudee degee awudde shuutoonaa maaci addibaabee kellee qoomeenaꞌonooch huute.

Leweenaꞌo 16:16

Ebin tuniyoona, Israꞌeeleenaꞌochi eeꞌo, boonoshi xuꞌoonaa axaaxoo bullinoochee Yaafe Xaaꞌeexi Yaafoon xalliyemmone. Eeꞌo tuneti boonoshi kaambee gutte daggooch bi beetoyich, ebiyoommon wotta danee duukkaanoyich tuniibe.

Leweenaꞌo 16:17

Harooni xalliyee doyoon tuniyoyich Yaafe Xaaꞌeexi Yaafooch giyiꞌi bi qelli axaaxoyich, bi kechi asheenaꞌochi axaaxoonaa Israꞌeeleenaꞌo bullichi axaaxoonoyich xalliyee doyoon ceechiꞌi bi kechimmi wottoon, ikke asholla danee duukkaanee daggooch beeyaaye.

Leweenaꞌo 4:18

Wotta are damoochee daamiree, danee duukkaanee daggooch, Doono Yeeri ta aafooch beeti, deejjee gudee qareenaꞌon huute. Echeti damoon micciibeeti deejjoo giddeebeeti, danee duukkaanee kellooch beeti deejjee gudee xepphooch ukkibe.

Leweenaꞌo 4:25

qeeshoo ebi axaaxee deejjoyich giddeti gijjoochi damooch bi kishee yapheroon haciree daami, micciibeeti deejjoo giddeebeeti deejjee gudee qareenaꞌooch huute. Echeti damoon ebi are deejjee gudee xepphooch ukkibe.

Leweenaꞌo 4:7

Wotta are damoochee daamiree danee duukkaanee daggooch, Doono Yeeri ta aafooch beeti, gaawe cinnechi ixaano geddeebeeti deejjee gudee qareenaꞌon huute. Echeti damoon micciibeeti deejjoo giddeebeeti, danee duukkaanee kellooch beeti deejjee gudee xepphooch ukkibe.

Haddoo 28:22

Wotta ittoshi axaaxoon maariyoyich tunemmi ikke emmishee baaddoon axaaxee deejjoyich deejjibote.

Yowannisi 17:19

Boonoshiyoo wotta iberittinoona yaafeetinaꞌo boonoshi tunemmoyich ta boonoshicha iyaꞌa ta qelloon neech yaafito taane.

Hibireena'o 2:11

Yaafii beetonaa yaafee beetinaꞌo bullina ikke Nihoo Yeerichi bushiisheenaꞌone; ebichi naboyich Yesuusi “ta maneenaꞌo” iꞌi ceegoyich yeelleyaanoone.