Leweenaꞌo 15:5 - Kafa Linguistics Project

⁵ Bi qeyiti qeenon yechimmi asho koniyoona bi tahoon maye; bi qeddoonoo machebe; biyoo xumemmi wottoon eeꞌo tunemmone.

Leweenaꞌo 15:5 ပူးပေါင်းရင်းမြစ်များ

Shoddo 26:6

Doono Yeero, ta xallittinoon bekkiyoyich, ta kishoon machemmo taane. Ne deejjee gudoonoo guudibee,

Shoddo 51:2

Ta gondo bullin maye; ta axaaxoochee taan xalliibe.

Shoddo 51:7

Hisoophee michi waamona ta toommooch wucibe; tawoo xallemmo taane; taan maye; tawoo baderoyee beshoon naccemmo taane.

Keyo 19:10

Doono Yeeriyoo Muusich ishichiye: “Asheenaꞌo waan hamiree, hanaachinaa yaachinon boonoshin yaafibe. Boonoshi tahoon boonoshi machemmoyich gete.

Isiyaasi 1:16

Macheree ittoshi qelloon xalliibote; ittoshi gonde shuunoon ta aafoochee wokkiibote; gondoon shuunoon qayote.

Isiyaasi 22:14

Beshe Mawe Doono Yeeri bi qelloona taach ishichiye: “Ebi ittoshi axaaxoo ittoshi qitimmi wottoon ittoshich maareyaachemmone” iye Beshe Mawe Nuggishoo Doono Yeeri.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Hiziqeeli 36:29

Ittoshi eeꞌo bulliichee ittoshin wodiyemmo taane; maayo ittoshich bi woddemmoyich geto beshiyemmo taane; ebiyee bekk shaacoon ittoshi toommooch deebaachemmo taane.

Leweenaꞌo 11:24

“ ‘Ebi gijjeenaꞌonaa cooxinaꞌonochi meeshoon ittoshi yeshigaata, eeꞌemmo ittoshine. Eboshichi meeshoon yechimmi asho xumemmi wottoon eeꞌemmone.

Leweenaꞌo 11:25

Eboshichi meeshoochee tiijjimmi asho bi tahoon maye; biyoo xumemmi wottoon eeꞌo tunemmone.

Leweenaꞌo 11:28

Eboshichi meeshoon tiijjimmi asho bi tahoon maye; biyoo xumemmi wottoon, eeꞌo tunemmone. Eboshi ittoshi waanaa eeꞌeenaꞌone.

Leweenaꞌo 11:32

Eboshichi meeshoo amee qiicee toommoochona bi holligaata, ebi are qiico mixoochee woyee qoreddoochee woyee gooqqoochee woyee keeshoochee shuuneeti qiico amolla bi tunegaata, eeꞌoone. Ebi qiico aachi daggooch geddebe; xumemmi wottoonoo eeꞌo tunemmone; aroochee xallemmone.

Leweenaꞌo 13:34

Shabaattinnee qemooba qeeshoo wochinnoon manjii ciine. Mayo gooqqee toommooch gaminnii hamaano, gooqqoonoo besheꞌi maac giyaano bi tunegaata, qeeshoo are asho xalloo bi tunoon arichiibe. Ebi asho bi tahoon maye. Aroochee xallemmone.

Leweenaꞌo 13:6

Shabaattinnee qemooba, qeeshoo wochinnoon manjii ciine. Mayo bi qeddooch gaminnii hamaanoon shokkee hammiibeeto bi tunegaata, qeeshoo, uro xalloo bi tunoon arichiibe. Ebi bi achooch kechito qucoone. Uro bi tahoon mayiree xalloo tunemmone.

Leweenaꞌo 14:27

Bi kishee madooch beeti zayitoochee giishechoon bi qanne kishee yapheroona haciree Doono Yeeri ta aafoochaa shabaatte wottoon wucibe.

Leweenaꞌo 15:18

Ikke asho maacheena tookkii qeyiꞌi bi keeroon bi ukkigaata, boonoshi guttiyona boonoshi qeddoon machebeete; boonoshiyoo xumemmi wottoon eeꞌo tunemminaꞌone.

Leweenaꞌo 15:4

“ ‘Bi qeyiti qeeno bulli eeꞌoone; bi koteti mooyo bulli eeꞌoone.

Leweenaꞌo 15:6

Bi koteti mooyo bulliich kotemmi asho koniyoona bi tahoon maye; bi qeddoonoo machebe; biyoo xumemmi wottoon eeꞌo tunemmone.

Leweenaꞌo 16:26

“Emmishoon Azazelich barahooch daammii gawukkiti uro kaambooch bi wottoyee shiichiree, bi tahoon mayi, bi qeddoon machebe.

Leweenaꞌo 16:28

Boonoshin michiti uro kaambooch bi wottoyee shiichiree, bi tahoon mayi, bi qeddoon machebe.

Leweenaꞌo 17:15

“ ‘Showee bushoo tuneba shiqqoo koniyoona qititi gijjoon woyee cooxo yeshaa qititon maammo bi tahoon maye; bi qeddoonoo machebe; biyoo xumemmi wottoon eeꞌoone. Aroochee xallemmone.

Haddoo 19:10

Gidereechi tulloon uchiti asho bi tahoon machemmone. Xumemmi wottoonoo eeꞌo tunemmone. Ebiyoo Israꞌeeleenaꞌonaa boonoshi daggooch beeti shiqqeenaꞌonoyich bulli yemeenoon qociyoo tunemmone.

Haddoo 19:22

Eeꞌe asho yechiti amee mooyolla eeꞌemmone. Ebi qiicoon yechimmi ashoo xumemmi wottoon eeꞌemmone” iye.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

Hibireena'o 9:26

Ebi tunesho gaata, hini alemo halleetoochee tiijjiree, wodde wottoon xuuxoon beego biich qaawiyeshone; tunebaani and yemeenee ciiro katinaa, bi qelloon beshii deejjoon tuniiꞌi, axaaxoon wokkiiya koshiyoo aalli ikke wottoon bekketone.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.

1 Saameeli 20:26

Saaꞌooliyoo “Muusichi Sheeroo gettiibeeti gommona bi xalleyaachemmoyich tuniiti mooyo Daawiti toommooch diqqoona shago qayaache. Iberoon xalloo toonoone” iꞌi bi gabitoyich, arooba amoonolla getaanoone.