Leweenaꞌo 14:7 - Kafa Linguistics Project

⁷ Qeddee shaddee biiyoochee woditi uro toommooch shabaatte wottoon wucibe. Uro xalleto bi tunoonoo arichiibe; kashechi kafoon kichi gawukkiree daachiibe.

Leweenaꞌo 14:7 ပူးပေါင်းရင်းမြစ်များ

2 Taateenaꞌo 5:10

Elisayiyoo, “Hamiree Yoordaanoosi aacoochaa shabaatte wottoon machebe; ne biiyoochee wodemmo neene; newoo xallemmo neene” iꞌi bi waan wocheyechon daachiihe.

2 Taateenaꞌo 5:14

Ebich Naꞌimaani Yoordaanoosi aacooch kindiye. Doono Yeer asho gettitoommon, shabaatte wottoon aacooch giyii kechiye. Bi qeddo wodiꞌi gaggere bushoochi qeddoon shaahiye; xalleenoo iye.

Shoddo 51:2

Ta gondo bullin maye; ta axaaxoochee taan xalliibe.

Shoddo 51:7

Hisoophee michi waamona ta toommooch wucibe; tawoo xallemmo taane; taan maye; tawoo baderoyee beshoon naccemmo taane.

Isiyaasi 52:15

Boonoshich getteyaanoon beeggemminaꞌo boonoshi tunetoyich, boonoshi waayeyaanoon shalligemminaꞌo boonoshi tunetoyich, bi naboona meeti aageteenaꞌo worganemminaꞌone; taateenaꞌo bi naboona worganemminaꞌone” iye.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Leweenaꞌo 13:13

wochinnoon uroochi achoon manjii ciine. Ebi biiyo iberoon bi qeddo bulliich bechito bi tunegaata, uro ebi biiyoochee xalloo bi tunoon arichiibe. Bi ashittino bulli naccegaata, uro xalloone.

Leweenaꞌo 13:17

Qeeshoo ciinaa, mayo nacceto bi tunegaata, uro xalloone. Biyoo uro xalloo bi tunoon arichiibe.

Leweenaꞌo 14:51

Aroochee yigee mixon, hisoophee michi waamon, ceelle woshiqoonaa kashoona beeti kafoonon daamiree, woce aacoochee kitaa koteti aachi toommoochaa guureeti kafee damooch hace; kexoochoo shabaatte wottoon wucibe.

Leweenaꞌo 16:14

Wurochi damoochee giishechoon daamiree, axaaxoon maariyee guufee toommooch, aabi-keyo waanaa bi kishee yapheroona wucibe; damoon axaaxoon maariyee guufee aafooch shabaatte wottoon bi kishee yapheroona wucibe.

Leweenaꞌo 16:19

Ebi damoochee giishechoon bi kishee yapheroona shabaatte wottoon deejjee gudooch wucibe. Ebin tuniyoona Israꞌeeleenaꞌochi eeꞌoochee deejjee gudoon xalliyee yaafoon tuniibe.

Leweenaꞌo 16:22

Emmisho boonoshi xuꞌo bullin shaagiree asho gafoo hakkaani barahooch daamaa, ebi arooch gawukkeyemmone.

Leweenaꞌo 4:17

Bi kishee yapheroon damooch haciree, Doono Yeeri ta aafooch, Yaafe Xaaꞌeexi Yaafee maccillaatee maachi ciinooch shabaatte wottoon wucibe.

Leweenaꞌo 4:6

Bi kishee yapheroon damooch haciree, Doono Yeeri ta aafooch, Yaafe Xaaꞌeexi Yaafee maccillaatee maachi ciinooch shabaatte wottoon wucibe.

Leweenaꞌo 8:11

Ebi zayitoon deejjee gudee toommooch shabaatte wottoon wuciye. Ebi qiiceenaꞌo yaafeyemmoyich, deejjee gudoonaa bi qiico bullinooch, aaco macheebeeti gafetoonaa bi kotoonooch zayitoon huuttiye.

Mikiyaasi 7:19

Wochinnoon nooch ariqqehine; no xuꞌoon ne baatee dechiich neexxehine; no axaaxoonoo baharee dechi duchooch duppehine.

Haddoo 19:12

Keejjinnee qemoobinaa shabaattinnee qemoobina bi ashittinoon ebi aacona xalliyemmone; biyoo xallemmone. Tunebaani keejjinnee qemoobinaa shabaattinnee qemoobina bi ashittinoon xalliyoo bi qayigaata, xalleyaachemmone.

Yowannisi 19:34

Tunebaani ginee naayinaꞌo daggoochee ikkoo Yesuusichi naaboon ginoona kochiye; bekkech aroochee damoonaa aacona kechiye.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Hibireena'o 12:24

andire wogee shoobbecho tuneti Yesuus waan, Abeelichi damoyee beshiti mooyon gettiibeeti, wucaa xalliibeeti damooch shaggito ittoshine.

Hibireena'o 9:13

Qeesheenaꞌo eeꞌeti asheenaꞌochi ashittinoon xalliyoyich gubbeneenaꞌonaa emmisheenaꞌonochi damoon, ebiyoommon wotta gideree meeno miccii oojjiti tulloon boonoshi wucaa, ebi doyoo asheenaꞌon yaafemmo bi tunegaata,

Hibireena'o 9:19

Muusiyoo shiichiꞌi sheerooch kooreeti mooyo bullin asheenaꞌoyich gettiye; aroyee gubb maaminaꞌochi damoon[aa emmisheenaꞌochi damoonon] aacona bacciꞌi ceelle bagee eexona cucheti hisoophee michi waamona haccii yechiꞌi tiyii, “Yeeri ittoshin quyebote iꞌi bi gettiti wogoon manjiiti damoo hinine” iꞌi sheeree macaafoonaa asheenaꞌo bullinochi toommooch wuciye.

Hibireena'o 9:21

Ebiyoommon danee duukkaanoonaa maddee qiiceenaꞌo bullinochi toommooch damoon wuciye.

Hibireena'o 9:26

Ebi tunesho gaata, hini alemo halleetoochee tiijjiree, wodde wottoon xuuxoon beego biich qaawiyeshone; tunebaani and yemeenee ciiro katinaa, bi qelloon beshii deejjoon tuniiꞌi, axaaxoon wokkiiya koshiyoo aalli ikke wottoon bekketone.

1 Pheexiroosi 1:2

Nihoo Yeeri shiichiꞌi bi gabitoommon, bi kaaccitinaꞌoyich, Yesuus Kiristoosich deꞌa getoyich bi damoo wucaa xalletinaꞌonaa Yaafe Ayaanoona yaafeetinaꞌonoyich: Yeerichi wojjoonaa diggoona ittoshich woddebe.

1 Yowannisi 5:6

Aachi malletoonaa damee malletoona waati Yesuus Kiristoosi hinine. Biyoo aachi malletoonaa damee malletoonalli, aachi malletoona baach waataanoone. Ayaano iberoo bi tunetoyich, miixeebeeto Ayaanoone.