Leweenaꞌo 14:3 - Kafa Linguistics Project

³ Qeeshoo kaamboyee mach keyiree uroon manjii ciine. Uro ebi qeddee shaddee biiyoochee wodito bi tunegaata,

Leweenaꞌo 14:3 ပူးပေါင်းရင်းမြစ်များ

2 Taateenaꞌo 5:14

Ebich Naꞌimaani Yoordaanoosi aacooch kindiye. Doono Yeer asho gettitoommon, shabaatte wottoon aacooch giyii kechiye. Bi qeddo wodiꞌi gaggere bushoochi qeddoon shaahiye; xalleenoo iye.

2 Taateenaꞌo 5:3

Bi genneyichoo, “Ta doono Shamaara beeti keemecho waan bi hammito gaata, bi qeddee shaddee biiyoochee biin wodiyeshone” iyan.

Iyoobi 5:18

Yeeri xoobbii mayii beetone; kaappiꞌi wodii beetone; yexxii tiichii beetone; guucciꞌi wodii beetone.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Leweenaꞌo 13:2

“Ikke asho mayo woyee gaaboo woyee quco bi achooch kechiꞌi, qeddee shaddee biiyooch bi shaddee gaata, asheenaꞌo uroon qeeshoo Haroon waan woyee qeeshoo tuneti bi bushiishoochee ikkoo waan daambeete.

Leweenaꞌo 13:46

Biiyo bi achooch beemmi yemeeno bullin ebi asho eeꞌoone. Kaamboyee maach keyiree, ashoyee bariree kotebe.

Leweenaꞌo 14:48

“Tunebaani qeeshoo hammii ciinaa, kexo duppetoyee gubb bukketi mooyo wochinnoon keyaano bi tunegaata, ebi mooyo gawukkito bi tunetoyich, kexo xalloo bi tunoon arichiibe.

Maatiyoosi 10:8

Biiyetinaꞌon wodiibote; qititinaꞌon tiijjibote; qeddee shaddee biiyechinaꞌon wodiibote; yinnoon asheenaꞌo toommoochee yoohote. Gatiyaalloon Yeer waanee deqqito ittoshine; ebich ittoshiyoo gatiyaalloon asheenaꞌoyich imbote.

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Luqaasi 4:27

Wotta keemechi Elisayichi yemeenooba Israꞌeelee showooch meeti qeddee shaddee biiyechinaꞌo beetinaꞌone; tunebaani Sooriyee showeexi Naꞌimaaniyee damba boonoshi daggoochee ikkolla wodito aalloone” iye.

Luqaasi 7:22

Yesuusi are wocheetinaꞌoyich wochiꞌi, “Hamiree ittoshi beeggiton, ittoshi waayetonoo Yowannisich getote. Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.