Leweenaꞌo 14:22 - Kafa Linguistics Project

²² Wotta gutte daabbichoon woyee gutte uggee cobbelloon, bi hakkimmon, ikkoon axaaxee deejjoyich, wotta ohe ikkoon micciibeeti deejjoyich giddiibe.

Leweenaꞌo 14:22 ပူးပေါင်းရင်းမြစ်များ

Shoddo 68:13

Bageenaꞌo dogooch echetinaꞌolla, boonoshi qoshoo birewoona nasheeti, wacciibeeti aachoochee shuuneeti wullechi, mocere uggeenaꞌon daneheete” iyeete.

Solomooni 2:14

Bambeexi xaqqee gogginonaa guudi toommeexi aashee xaaꞌoonooch beeti ta daabbicheene, ne qaaro, ne malletoo gaaweto bi tunetoyich, eke neen ciinona; ne qaaroonoo waayebona” iye.

Isiyaasi 38:14

Gaashikafeechoommon, yageccechoommonoo cookiyoye; uggechoommon qaaddoye; damba wottee ciinoochee tiyitona ta aafeenaꞌo taahiyeete; ta Doonocho, duꞌeto taane, taan wodiibe” iyo.

Isiyaasi 59:11

Diiboochoommon cookiyone; eeppaabeeti uggechoommon qaaddehone; dayinnetoon qaawiyone; tunebaani daneyaano noone; wodoon qaawiyone; tunebaani no waanee wokkiye.

Erimiyaasi 48:28

“Moꞌabee showooch kotetinaꞌote, katemeenaꞌon qayiree xaqqee guudooch kotebote; bambee noonooch bi kexon haggaabeeti daabbicheyoommon tunebote.

Hiziqeeli 7:16

Muriccii woditinaꞌo guudi toommooch beechi bambeexi daabbichoommon boonoshi axaaxoyich shooshemminaꞌone.

Leweenaꞌo 14:21

“Tunebaani girecho tuneꞌi, ebi bullin giddiyoyich bi hakkoo guutigaata, ebi eeꞌoochee bi xallemmoyich, ikke bagee baaddoon baach xuꞌee deejjoyich kaama tiijjaa bi giddemmoyich, maayi buuroyich zayitoona xirikketi gutte kobbaye qacini buddinoonaa ikke neetiree heeca bede zayitoonon deebe.

Leweenaꞌo 14:24

Qeeshoo xuꞌoyich giddeti bagee baaddoon ikke neetiree heeca bede zayitoona tookki daami, Doono Yeeri ta aafooch kaama tiijjaa giddeebeeti deejjoon tuniiree giddiibe.

Leweenaꞌo 15:14

Shimittinnee qemooba gutte daabbichoon woyee gutte uggee cobbelloon, Doono Yeeri ta aafooch, danee duukkaanee kellooch, qeeshoo waan giddiibe.

Leweenaꞌo 5:7

“ ‘Tunebaani uro bagoon woyee emmishoon giddiyoyich bi hakkoo guutigaata, gutte daabbichoon woyee gutte uggee cobbelloon, ikkoon axaaxee deejjoyich, wotta ohe ikkoon micciibeeti deejjoyich Doono Yeeri taach bi xuꞌee deejjoyich giddiibe.

Haddoo 6:10

Shimittinnee qemooba gutte daabbichoon woyee gutte uggee cobbelloon danee duukkaanee kellooch, qeeshoo waan deebe.