Leweenaꞌo 14:14 - Kafa Linguistics Project

¹⁴ Qeeshoo ebi xuꞌoyich deejjeebeeti bagee baaddoochi damoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch huute.

Leweenaꞌo 14:14 ပူးပေါင်းရင်းမြစ်များ

Keyo 29:20

Ebi bagee baaddoon guuribe. Damoochee daamiree, Harooninaa bi anaami bushiisheenaꞌonochi qanne waajji dechi caappooch, boonoshi qanne kishee indechoonaa boonoshi qanne baatee indechoonooch huute. Aroochee echeti damoon deejjee gudee guudoona awudde gocooch tibibe.

Isiyaasi 1:5

Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Leweenaꞌo 14:19

“Aroochee qeeshoo axaaxee deejjoon giddiiree uro ebi eeꞌoochee bi xallemmoyich tuniibe. Aroyee gubb micciibeeti deejjee gijjoon guuribe.

Leweenaꞌo 14:25

Ebi xuꞌee deejjoyich giddeti bagee baaddoon guuri, damoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch huute.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 6:13

Qitoochee tiyiꞌi kashechon tuneꞌi beetoommon, ittoshi qelloon Yeerich giddiibote. Ittoshi ashittinee quumo bullin cadiqee ginee qiicoon tuniiree Yeerich giddiibotalli, xumme mooyon ittoshin bi shuuniyemmoyich, ittoshi ashittinee quumoon ginee qiicoon tuniiree axaaxoyich giddiyaahote.

Roomi 6:19

Asho ittoshi tunoonaa ittoshi shalligee shappee naboona ashi doyee yibbaatoommon gettoye. Wonna ittoshi ashittinee quumeenaꞌo hukkoon boonoshi shuunemmoyich eeꞌoonaa hukkoonoyich guunon tuniiꞌi ittoshi giddiitoommon, ebiyoommon and ittoshi ashittinee quumeenaꞌo Yeerich yaafeetinaꞌo boonoshi tunetoyich, cadiqoyich hajjeebeeti guunon tuniiree giddiibote.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Yibbaatoo 24:8

“Qeddee shaddee biiyoon ciinnii beetona qeesheenaꞌo tuneti Leweenaꞌo dojjiti mooyon ceechiree ne tuniyemmoyich, ne qelloon ariibe! Boonoshich ta gettetoommon ne tuniyemmoyich, ne qelloon ariibe!

Filipphisiyoosi 1:20

Kashoona ta beemo Kiristoosichiye; ta qitenoo gaacechi mooyone. Ebich kashoona ta beetaa woyee ta qititaa, ikke mooyonona yeelleyaanoon aafoon kupphaꞌa gettaabee ebiyee aafichoommon andoo wotta ta tuniyaabeeti mooyo bullina Kiristoosin oogiyoo ta qaatoonaa ta gibenoonane.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.