Leweenaꞌo 13:6 - Kafa Linguistics Project

⁶ Shabaattinnee qemooba, qeeshoo wochinnoon manjii ciine. Mayo bi qeddooch gaminnii hamaanoon shokkee hammiibeeto bi tunegaata, qeeshoo, uro xalloo bi tunoon arichiibe. Ebi bi achooch kechito qucoone. Uro bi tahoon mayiree xalloo tunemmone.

Leweenaꞌo 13:6 ပူးပေါင်းရင်းမြစ်များ

1 Taateenaꞌo 8:38

ne asheenaꞌo tuneti Israꞌeeleenaꞌo bulliichee asho koniyoona bi toommooch shaggiti mooyona xuuxeꞌi, bi kishoon hini yaafee kexo waan yaggiꞌi corootii bi qollegaata,

1 Taateenaꞌo 8:45

boonoshi corootoonaa boonoshi qolloonon shimaayoochaa waayebe; boonoshi gommonoo kaachibe.

Shoddo 19:12

Bi muricoon shalligoon hakkemmo konine? Aacheeti axaaxoochee ne taan xalliibe.

Shaahiyoo 20:9

“Ta mulloon xalliito taane; ta axaaxoochee xalleto taane” geton hakkemmo konine?

Dojjecho 7:20

Deꞌe mooyon baach shuuneebeeto, axaaxoon shuunee ariyaani cadiqe asho, hini showee toommooch ciroona aalloone.

Isiyaasi 42:3

Kopheeti shombeqoon tiishaachemmone; taha bedditi ceechoonoo takkaachemmone; tunebaani gibeneeton tuneree ashi yaroo bullich dayinnetoon daniyemmone.

Leweenaꞌo 11:25

Eboshichi meeshoochee tiijjimmi asho bi tahoon maye; biyoo xumemmi wottoon eeꞌo tunemmone.

Leweenaꞌo 11:28

Eboshichi meeshoon tiijjimmi asho bi tahoon maye; biyoo xumemmi wottoon, eeꞌo tunemmone. Eboshi ittoshi waanaa eeꞌeenaꞌone.

Leweenaꞌo 11:40

Ebi meeshoon maammo bi qoreddoon maye; biyoo xumemmi wottoon eeꞌo tunemmone. Meeshoon tiijjimmo bi qoreddoon maye; xumemmi wottoonoo eeꞌo tunemmone.

Leweenaꞌo 13:2

“Ikke asho mayo woyee gaaboo woyee quco bi achooch kechiꞌi, qeddee shaddee biiyooch bi shaddee gaata, asheenaꞌo uroon qeeshoo Haroon waan woyee qeeshoo tuneti bi bushiishoochee ikkoo waan daambeete.

Leweenaꞌo 13:5

Aroochee shabaattinnee qemooba, wochinnoon manjii ciine. Bi ciinaa, mayo aafichoommo bi tunegaata, bi qeddee toommoochoo gaminaano bi tunegaata, wochinnoon shabaatte qemon ashoyee bariree bi beeyemmoyich tuniibe.

Leweenaꞌo 13:7

Qeeshoo ciinniꞌi xalloo bi tunoon bi arichiitoyee gubb, ebi quco gaminnii bi hamigaata, uro wochinnoon qeeshoo waan giddebe.

Leweenaꞌo 14:8

“Biiyoochee woditi uro bi tahoon maye; bi qelloon bulla cakkebe; bi qeddoonoo machebe. Aroochee xalloo tunemmone. Ebiyee gubb, kaambooch giyemmone; tunebaani shabaatte qemi wottoon bi duukkaanoyee mach beebe.

Roomi 14:1

Illa ittoshi daggoochee Kiristoosi toommooch mulloon tooꞌiyoona batt kuppheyaani asho bi beegaata, shiqqiyaahote; bi gabiibeeti gaboyich gajjiteyaahote.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Yibbaatoo 32:5

“Tunebaani ittoshi, Doono Yeeri toommooch axaaxoon shuuneto ittoshine; ebi ittoshi gonde shuunee naboona, bi bushiishoo getaa ceekkeyaachemmo ittoshine; ittoshiyoo wuuqqoonaa xummoona tuneti asho ittoshine.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Hibireena'o 9:10

Ebiyoo, eboshi Yeeri bullin bi andiriimmi yemeenee wottoon tuneebeeti maayoonaa uyoonochi doyoo, baribare xallittinee doyoo tuneebeeti, maach bekkeebeeti ashittinee doyeenaꞌo baach boonoshi tunetoyichiye.

Yaaqobi 3:2

No bulli wodde mooyona muriccaabeeto noone; bi yibbaateebeeti yibbaatoona muricaano koniyoona bi beegaata, are asho bi hullimalloon quyo hakkiibeeti, shappaalli ceeni ashoone.