Leweenaꞌo 13:4 - Kafa Linguistics Project

⁴ Tunebaani bi achooch kechiti mooyo naccoo, gooqqoon besheꞌi maac giyaano tuneꞌi, toommooch beeti eexo nacco qayigaata, qeeshoo uroon shabaatte qemi wottoon ashoyee bariree bi beeyemmoyich tuniibe.

Leweenaꞌo 13:4 ပူးပေါင်းရင်းမြစ်များ

Hiziqeeli 44:10

“Israꞌeeleenaꞌo ta waanee wokkiyooba boonoshi shahalloon dabbiꞌi ta waanee wokkiti Leweenaꞌoo boonoshi axaaxoon shaaggemminaꞌone.

Leweenaꞌo 13:11

ebi wodaani qeddee shaddee biiyoone. Qeeshoo ebi uro eeꞌo bi tunoon arichiibe. Uro eeꞌo bi tuno xalle aricheebeeto bi tunetoyich, ashoyee bariree bi beeyemmoyich tuniyoo qaawiyaache.

Leweenaꞌo 13:25

qeeshoo manjii ciine. Ebi mayee toommooch beeti eexo naccegaata, mayo gooqqoon besheꞌi maac bi giyigaata, qaaqqee michoona yesheꞌi waati qeddee shaddee biiyoone. Qeeshoo uro eeꞌo bi tunoon arichiibe.

Leweenaꞌo 13:26

Tunebaani qeeshoo mayon manjii ciinaa, aree toommooch beeti eexo nacco qayigaata, wotta gooqqoon besheꞌi maac giyaanoon wodii hammiibeeto bi tunegaata, uroo shabaatte qemi wottoon ashoyee bariree bi beeyemmoyich tuniibe.

Leweenaꞌo 13:3

Qeeshoo ebi uroochi achooch beeti mayon manjii ciine. Ebi mayee toommooch beeti eexo naccegaata, mayo gooqqoon besheꞌi maac bi giyigaatoo, ebi qeddee shaddee biiyoone. Qeeshoo uro eeꞌo bi tunoon arichiibe.

Leweenaꞌo 13:31

qeeshoo ebi quciibeeti biiyoon manjii bi ciinaa, mayo gooqqoon besheꞌi maac giyaano tuneechii aree toommooch aaꞌi eexo aallegaata, qeeshoo are quciibeeti biiyechi asho shabaatte qemi wottoon ashoyee bariree bi beeyemmoyich tuniibe.

Leweenaꞌo 13:5

Aroochee shabaattinnee qemooba, wochinnoon manjii ciine. Bi ciinaa, mayo aafichoommo bi tunegaata, bi qeddee toommoochoo gaminaano bi tunegaata, wochinnoon shabaatte qemon ashoyee bariree bi beeyemmoyich tuniibe.

Leweenaꞌo 13:50

Biyoo ebi burbuꞌoon manjii ciiniree, are qiicoon shabaatte qemi wottoon kexooch hici kotiibe.

Leweenaꞌo 14:38

are kexoochee maach keyiree, kexon shabaatte qemi wottoon hici kotiibe.

Haddoo 12:14

Doono Yeeriyoo Muusich “Bi nihoo bi aafooch cudon cudi gaatoona, shabaatte qemon yeellaabeeti toone? Kaamboyee maach kichaa shabaatte qemon hicaa kotebuye. Ebiyee gubb kaambooch wottoon hakkemmine” iye.

Haddoo 12:15

Ebich Miiriyami kaamboyee maach kichaa shabaatte qemon kotahan. Miiriyami wottaa waammi wottoon, asheenaꞌo qaxiraaneenaꞌone.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

Yibbaatoo 13:14

ebi mooyon manjii eche bosheree xiishibe. Ebi ciigiiti mooyo ittoshi daggooch bi tuno xiishoo tuneꞌi bi danegaata,

1 Ximootiyoosi 5:24

Ikkikke asheenaꞌochi axaaxoo xallooch bekkee beetone; nalloo boonoshi toommooch kindemmo tunoon shiichiꞌi arichii beetone; tunebaani bareenaꞌochi axaaxoo bi aricheebeeto yagiꞌiniye.