Leweenaꞌo 13:3 - Kafa Linguistics Project

³ Qeeshoo ebi uroochi achooch beeti mayon manjii ciine. Ebi mayee toommooch beeti eexo naccegaata, mayo gooqqoon besheꞌi maac bi giyigaatoo, ebi qeddee shaddee biiyoone. Qeeshoo uro eeꞌo bi tunoon arichiibe.

Leweenaꞌo 13:3 ပူးပေါင်းရင်းမြစ်များ

Halloo 13:3

Negeebi barahoochee tiyii, ikke xaaꞌoochee bare xaaꞌooch besheebee Beeteel waan, ebiyoo shiichii bi duukkaanoon bi xogiti, Beeteelinaa Aayinochi gutte daggooch beeti xaaꞌooch hammiye.

Hiziqeeli 16:30

“ ‘Yeellaalli yahechi maachechoommon ebi bulli mooyon ne tuniito am shaahe mullaalle tunaꞌaaniye? iye Nuggishoo Doono Yeeri.

Hiziqeeli 44:23

“Qeesheenaꞌo yaafeetonaa yaafeyaanoonochi daggooch beeti barbarittinoon ta asheenaꞌoyich dojjibeete; xalloonaa xalloo tuneyaanoonon boonoshi bariyemmi gommon bekkiibeete.

Hosee'i 7:9

Dallaaweenaꞌo bi giidoon maaheete. Biyoo ebin ariyaanoone; bi qelloo bukkehe; tunebaani bi ebin shalligaanoone.

Leweenaꞌo 10:10

Ebin tuniiree yaafoonaa yaafeyaanoonochi daggooch, wotta eeꞌoonaa xalloonochi daggooch barbaremmo ittoshine.

Leweenaꞌo 13:10

Biyoo ebi biiyoon manjii ciine. Uroochi achooch nafiti mooyo naccoo bi tunegaata, bi toommooch beeti eexo naccegaata, ebi nafiti achoo mayeꞌi ceelle meeno bekkegaata,

Leweenaꞌo 13:2

“Ikke asho mayo woyee gaaboo woyee quco bi achooch kechiꞌi, qeddee shaddee biiyooch bi shaddee gaata, asheenaꞌo uroon qeeshoo Haroon waan woyee qeeshoo tuneti bi bushiishoochee ikkoo waan daambeete.

Leweenaꞌo 13:20

Qeeshoo manjiiꞌi bi ciinaa, gooqqoon besheꞌi maac giyito bi tunegaata, wotta aree toommooch beeti eexo nacceto bi tunegaata, uro eeꞌo tunoon arichiibe. Ebi gaaboona yesheꞌi waati qeddee shaddee biiyoone.

Leweenaꞌo 13:4

Tunebaani bi achooch kechiti mooyo naccoo, gooqqoon besheꞌi maac giyaano tuneꞌi, toommooch beeti eexo nacco qayigaata, qeeshoo uroon shabaatte qemi wottoon ashoyee bariree bi beeyemmoyich tuniibe.

Leweenaꞌo 13:8

Qeeshoo ciinaa, quco gaminnii hammiibeeto bi tunegaata, uro eeꞌo bi tunoon arichiibe. Ebiyoo qeddee shaddee biiyoone.

Leweenaꞌo 14:37

Giyiꞌi dufee toommooch beeti bukketi mooyon manjii bi ciinaa, mocero woyee ceello tuneꞌi, dufoon hottii giyii beeton biich bi shaahigaata,

Leweenaꞌo 14:54

Ebi, qeddee shaddee biiyo taane ito bullich tunemmi sheeroone. Ebiyoo quciibeeti biiyoyich,

Leweenaꞌo 14:56

qeddee toommooch nafiibeeti biiyoyich, mayoyich woyee qucoyich, shoonnoyichoo tunemmi sheeroone.

Leweenaꞌo 5:3

“ ‘Ebiyoommon wotta ikke asho ashi achoochee ufeebeeti eeꞌe mooyo amoonolla diqqoona bi yeshigaata, ebi mooyo biich arichehooba, xuꞌecho tunemmone.

Haagi 2:11

Beshe Mawe Doono Yeeri ishichiye: “Qeesheenaꞌo ebi echoon boonoshi wochemmoyich echebe!

Milikiyaasi 2:7

“Qeesheenaꞌo Beshe Mawe Doono Yeeri ta wocheyechinaꞌo boonoshi tunetoyich, boonoshi noonooch ariyoon kotiyoo boonoshich qaawiihe. Asheenaꞌoo boonoshi noonoochee doyoon qaawoo boonoshich qaawiihe.

Maatiyoosi 16:19

Shimaajji taatittinee kellee qulfoon neech immemmo taane; showoochaa ne cucheti mooyo bulli shimaayoochaa cucheeto tunemmone; showoochaa ne biicheti mooyo bulli shimaayoochaa biicheto tunemmone” iye.

Yowannisi 20:23

konichi axaaxoonona ittoshi maarigaata, Yeeri boonoshin maaremmone; konichi axaaxoonona ittoshi maaroo qayigaata, Yeeriyoo boonoshin maaraachemmone” iye.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Roomi 7:7

Illa ama gettehone? Sheeroo axaaxoone? Ciroona toonoone! Tunebaani sheeroo getaanegaata, axaaxoo amo gaata ariyaachesho taane; wotta sheeroo qaatiyaahine bi getaanegaata, qaatoo amo gaata ariyaachesho taane.

1 Ximootiyoosi 1:20

Hemanoosinaa Iskindiroosina eboshichi daggeexinaꞌone; Yeerichi shigoon naagoochee boonoshi cuuqqemmoyich, “Sheexaanoo boonoshin sheeribe” iyaꞌa biich beshii boonoshin immeto taane.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

Hibireena'o 13:7

Yeerichi qaaroon ittoshich gettiti, ittoshi yaabii qeejjechinaꞌon gabibote. Boonoshi beemi qocoon ciiniree, Yeeri toommooch boonoshi mullee tooꞌiyoommon, ebiyoommon ittoshiyoo boonoshin shaahibote.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.