Leweenaꞌo 11:40 - Kafa Linguistics Project

⁴⁰ Ebi meeshoon maammo bi qoreddoon maye; biyoo xumemmi wottoon eeꞌo tunemmone. Meeshoon tiijjimmo bi qoreddoon maye; xumemmi wottoonoo eeꞌo tunemmone.

Leweenaꞌo 11:40 ပူးပေါင်းရင်းမြစ်များ

Keyo 22:31

“Ittoshi taach yaafeeti ashoon tunebote. Cooxo yechii wuxiti gijjee meenon kunaanoyich imbotani, maayaahote.

Isiyaasi 1:16

Macheree ittoshi qelloon xalliibote; ittoshi gonde shuunoon ta aafoochee wokkiibote; gondoon shuunoon qayote.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Hiziqeeli 4:14

Aroochee tawoo ishichiyo: “Nuggishoo Doono Yeero, ebi tunaaye; ciroona eeꞌaa ariyaano taane; ta bushittinoochee tiijjaꞌa ebiich beddaahaa bi aalla qititon woyee cooxo yechiton ciroona maataano taane; eeꞌe maayo ta noonooch shaggii ariyaanoone” iyo.

Hiziqeeli 44:31

Qeesheenaꞌo bi alla qititi woyee cooxo yechiti kafoon woyee gijjoon maayaayeete.

Leweenaꞌo 11:25

Eboshichi meeshoochee tiijjimmi asho bi tahoon maye; biyoo xumemmi wottoon eeꞌo tunemmone.

Leweenaꞌo 11:28

Eboshichi meeshoon tiijjimmi asho bi tahoon maye; biyoo xumemmi wottoon, eeꞌo tunemmone. Eboshi ittoshi waanaa eeꞌeenaꞌone.

Leweenaꞌo 11:39

“ ‘Ittoshi maayemmoyich daaggeeti gijjoonaa cooxona bi qitigaata, bi meeshoon yechimmo xumemmi wottoon eeꞌo tunemmone.

Leweenaꞌo 14:46

“Kexo hicceꞌi beetaa, are kexooch giyimmo koniyoona showoo xumemmi wottoon eeꞌo tunemmone.

Leweenaꞌo 15:15

Qeeshoo ikkoon axaaxee deejjoyich, wotta ohe ikkoon micciibeeti deejjoyich giddiyemmone. Ebin tuniyoona uro Doono Yeeri ta aafoochaa bi eeꞌoochee bi xallemmoyich tuniyemmone.

Leweenaꞌo 15:27

Bi beeroon woyee bi koteti mooyon yechimmi asho eeꞌo tunemmone. Bi tahoon maye; bi qeddoonoo machebe; biyoo xumemmi wottoon eeꞌo tunemmone.

Leweenaꞌo 16:26

“Emmishoon Azazelich barahooch daammii gawukkiti uro kaambooch bi wottoyee shiichiree, bi tahoon mayi, bi qeddoon machebe.

Leweenaꞌo 16:28

Boonoshin michiti uro kaambooch bi wottoyee shiichiree, bi tahoon mayi, bi qeddoon machebe.

Leweenaꞌo 22:6

ebiyoommi mooyon yechiti asho xumemmi wottoon eeꞌo tunemmone. Bi achoon bi machemmi wottoon, yaafoo tuneti mooyoochee maayaaye.

Leweenaꞌo 22:8

Qititi gijjoochi woyee cooxo yechii wuxiti gijjoochi meenon maayaaye. Ebin bi tuniigaata, bi ashittinoon eeꞌiyemmone. Ta, Doono Yeeri taane.

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Haddoo 19:19

Xalle asho xalleyaani ashi toommooch keejjinnee qemoobinaa shabaattinnee qemoobinon wucemmone; shabaattinnee qemooboo xalliyemmone. Ebi xalleti asho bi tahoon machemmone; bi achoonoo machemmone; aroobee xumooch xalloo tunemmone.

1 Qorontoosi 10:21

Doono Yesuus Kiristoosichi xoofoochee uyibee, yinneenaꞌo xoofoochee wotta uyon hakkaachote; Doono Yesuus Kiristoosichi madoochee maabee, yinneenaꞌochi madoochee wotta mamon hakkaachote.

1 Qorontoosi 6:11

Ebiyee aaf ittoshi daggoochee ikkikkeenaꞌo eboshiyoomminaꞌone; tunebaani and ittoshi Doono Yesuus Kiristoosinaa no Nuggishoochi Yaafe Ayaanoona axaaxoochee macheto ittoshine; yaafeeto ittoshine; cadiqiinoo ito ittoshine.

Yibbaatoo 14:21

“Ne Nuggishoo Doono Yeerich yaafeeti asho ne tunetoyich, qititi mooyo amoonolla, maayaahine. Ne beeti katemee daggooch beeti shiqqoo bi maayemmoyich imbe. Woyee gommechi iibboyich kembe. “Emmishee bushoochi meenon bi indeechi ejjoona kiijjaahine” iye.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.