Leweenaꞌo 11:3 - Kafa Linguistics Project

³ Bi shanekkoo kappheetonaa manjaanaabetona tuneti gijjoon woyee cooxon mamon hakkiyote.

Leweenaꞌo 11:3 ပူးပေါင်းရင်းမြစ်များ

Shaahiyoo 2:10

Shalligoo ne mullooch giyemmone; ariyoo ne kashoon emirikkemmone.

Shaahiyoo 9:6

Tuushoo tunoon qayote; kashoonoo beebote; shalligee gommonoo hambote” iyan.

Leweenaꞌo 11:2

“Israꞌeeleenaꞌoyich ishichi getote: ‘Showee toommooch beeti kashechi mooyinaꞌoochee ittoshi maayemmo eboshiniye:

Leweenaꞌo 11:26

Shanekkecho, tunebaani bi shanekkoo kappheyaanoonaa manjaaneyaanoona tuneti gijjoonaa cooxona eeꞌoone. Eboshichi meeshoon yechimmi asho eeꞌo tunemmone.

Leweenaꞌo 11:4

Tunebaani manjaanaabee boonoshi shanekkoo kappheyaaneenaꞌon, wotta boonoshi shanekkoo kappheechaa manjaaneyaaneenaꞌon maayaahote. Gaalee manjaanaa beetine; tunebaani bi shanekkoo kappheyaano bi tunetoyich, ittoshi waanaa eeꞌeene.

Leweenaꞌo 11:5

Ukkeche manjaanaa beetine; tunebaani bi shanekkoo kappheyaano bi tunetoyich, ittoshi waanaa eeꞌeene.

Leweenaꞌo 11:6

Goroollishe manjaanaa beetine; tunebaani bi shanekkoo kappheyaano bi tunetoyich, ittoshi waanaa eeꞌeene.

Leweenaꞌo 11:7

Gudino bi shanekkoo kappheetone; tunebaani manjaaneyaano bi tunetoyich, ittoshi waanaa eeꞌoone.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

2 Qorontoosi 6:17

Ebich wotta Doono Yeeri ishichiye: “Boonoshi daggoochee keyiree baritinaꞌon tunebote. Axaaxoona eeꞌeti mooyon yechaahote; tawoo ittoshin taacho tuniyemmo taane.

Yibbaatoo 14:6

Manjaanee beetonaa bi shanekkoo kappheetona tuneti gijjoo tuneba cooxo aabinona mamon hakkihine.

Yibbaatoo 14:8

Wotta gudinon maayaahote. Bi shanekkoo kappheeto bi tunetaanoona, manjaaneyaanoone. Ebiyoo ittoshi waanaa eeꞌoone. Bi meenon ciroona maayaahote. Bi meeshooch ittoshi kishoon shakkiyaahote.

1 Ximootiyoosi 4:15

Asho bulli ne dicon bi beeggemmoyich, ebi mooyinaꞌona kupphebe; ebi mooyinaꞌoyich ne qelloon hajjiibe.