Leweenaꞌo 11:25 - Kafa Linguistics Project

²⁵ Eboshichi meeshoochee tiijjimmi asho bi tahoon maye; biyoo xumemmi wottoon eeꞌo tunemmone.

Leweenaꞌo 11:25 ပူးပေါင်းရင်းမြစ်များ

Shoddo 51:2

Ta gondo bullin maye; ta axaaxoochee taan xalliibe.

Shoddo 51:7

Hisoophee michi waamona ta toommooch wucibe; tawoo xallemmo taane; taan maye; tawoo baderoyee beshoon naccemmo taane.

Keyo 19:10

Doono Yeeriyoo Muusich ishichiye: “Asheenaꞌo waan hamiree, hanaachinaa yaachinon boonoshin yaafibe. Boonoshi tahoon boonoshi machemmoyich gete.

Keyo 19:14

Muusiyoo guudoochee kindiꞌi asheenaꞌo waan bi hammitoyee gubb, boonoshin yaafiye; boonoshi tahoonoo machiyeete.

Leweenaꞌo 11:24

“ ‘Ebi gijjeenaꞌonaa cooxinaꞌonochi meeshoon ittoshi yeshigaata, eeꞌemmo ittoshine. Eboshichi meeshoon yechimmi asho xumemmi wottoon eeꞌemmone.

Leweenaꞌo 11:26

Shanekkecho, tunebaani bi shanekkoo kappheyaanoonaa manjaaneyaanoona tuneti gijjoonaa cooxona eeꞌoone. Eboshichi meeshoon yechimmi asho eeꞌo tunemmone.

Leweenaꞌo 11:28

Eboshichi meeshoon tiijjimmi asho bi tahoon maye; biyoo xumemmi wottoon, eeꞌo tunemmone. Eboshi ittoshi waanaa eeꞌeenaꞌone.

Leweenaꞌo 11:40

Ebi meeshoon maammo bi qoreddoon maye; biyoo xumemmi wottoon eeꞌo tunemmone. Meeshoon tiijjimmo bi qoreddoon maye; xumemmi wottoonoo eeꞌo tunemmone.

Leweenaꞌo 13:6

Shabaattinnee qemooba, qeeshoo wochinnoon manjii ciine. Mayo bi qeddooch gaminnii hamaanoon shokkee hammiibeeto bi tunegaata, qeeshoo, uro xalloo bi tunoon arichiibe. Ebi bi achooch kechito qucoone. Uro bi tahoon mayiree xalloo tunemmone.

Leweenaꞌo 14:46

“Kexo hicceꞌi beetaa, are kexooch giyimmo koniyoona showoo xumemmi wottoon eeꞌo tunemmone.

Leweenaꞌo 14:47

Are kexooch giyiꞌi qeyimmo woyee aroochaa maayoon maammo koniyoona bi tahoon maye.

Leweenaꞌo 14:8

“Biiyoochee woditi uro bi tahoon maye; bi qelloon bulla cakkebe; bi qeddoonoo machebe. Aroochee xalloo tunemmone. Ebiyee gubb, kaambooch giyemmone; tunebaani shabaatte qemi wottoon bi duukkaanoyee mach beebe.

Leweenaꞌo 15:13

“ ‘Bi anaami achoochee awaawunoo ufeebeeti asho ebi aroochee bi wodiyooba, xalleto bi tunemmoyich, shabaatte qemon quyebe. Bi tahoon maye; woce aacona bi qeddoon machebe; biyoo xallemmone.

Leweenaꞌo 15:15

Qeeshoo ikkoon axaaxee deejjoyich, wotta ohe ikkoon micciibeeti deejjoyich giddiyemmone. Ebin tuniyoona uro Doono Yeeri ta aafoochaa bi eeꞌoochee bi xallemmoyich tuniyemmone.

Leweenaꞌo 15:5

Bi qeyiti qeenon yechimmi asho koniyoona bi tahoon maye; bi qeddoonoo machebe; biyoo xumemmi wottoon eeꞌo tunemmone.

Leweenaꞌo 16:26

“Emmishoon Azazelich barahooch daammii gawukkiti uro kaambooch bi wottoyee shiichiree, bi tahoon mayi, bi qeddoon machebe.

Leweenaꞌo 16:28

Boonoshin michiti uro kaambooch bi wottoyee shiichiree, bi tahoon mayi, bi qeddoon machebe.

Leweenaꞌo 17:15

“ ‘Showee bushoo tuneba shiqqoo koniyoona qititi gijjoon woyee cooxo yeshaa qititon maammo bi tahoon maye; bi qeddoonoo machebe; biyoo xumemmi wottoon eeꞌoone. Aroochee xallemmone.

Leweenaꞌo 22:6

ebiyoommi mooyon yechiti asho xumemmi wottoon eeꞌo tunemmone. Bi achoon bi machemmi wottoon, yaafoo tuneti mooyoochee maayaaye.

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Haddoo 19:10

Gidereechi tulloon uchiti asho bi tahoon machemmone. Xumemmi wottoonoo eeꞌo tunemmone. Ebiyoo Israꞌeeleenaꞌonaa boonoshi daggooch beeti shiqqeenaꞌonoyich bulli yemeenoon qociyoo tunemmone.

Haddoo 19:19

Xalle asho xalleyaani ashi toommooch keejjinnee qemoobinaa shabaattinnee qemoobinon wucemmone; shabaattinnee qemooboo xalliyemmone. Ebi xalleti asho bi tahoon machemmone; bi achoonoo machemmone; aroobee xumooch xalloo tunemmone.

Haddoo 19:7

Aroochee qeeshoo bi tahoonaa bi achoonon machemmone. Ebina wotteree kaambooch giyemmone. Qeeshoo xumemmi wottoon eeꞌeto tunemmone.

Haddoo 19:8

Gidereen michiti uro bi tahoonaa bi achoonon machemmone. Biyoo xumemmi wottoon eeꞌeto tunemmone.

Haddoo 31:24

Shabaattinee qemooba ittoshi tahoon mayote. Aroochee xallemmo ittoshine. Ebiyee gubb, kaambooch gimon hakkemmo ittoshine” iye.

Yowannisi 13:8

Pheexiroosiyoo “Ta baatoon cir mayaachine” iye. Yesuusiyoo “Ne baatoon ta mayo qayigaata, taanna tookkii ikkittino neech aalloone” iꞌi wochiye.

Mishiraachechinaꞌo 22:16

Andoo yagaanoon tiyiree bi shigoon ceegiree, aacona afaalleebe; ne axaaxoocheenoo xallebe’ iꞌi taach gettiye” iye.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Hibireena'o 9:10

Ebiyoo, eboshi Yeeri bullin bi andiriimmi yemeenee wottoon tuneebeeti maayoonaa uyoonochi doyoo, baribare xallittinee doyoo tuneebeeti, maach bekkeebeeti ashittinee doyeenaꞌo baach boonoshi tunetoyichiye.

1 Pheexiroosi 3:21

Ebi aaco wotta and noon wodiibeeti aacona afaalleyee shaahiyoone; ebiyoo ashi achooch beeti kiinoon machii bayona tuneyaanoon xalle mulloona Yeer waan giddemmi qolloonane; ebiyoo bi tuneebeeto, Yesuus Kiristoosi qitoochee timonane.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.