Leweenaꞌo 11:2 - Kafa Linguistics Project

² “Israꞌeeleenaꞌoyich ishichi getote: ‘Showee toommooch beeti kashechi mooyinaꞌoochee ittoshi maayemmo eboshiniye:

Leweenaꞌo 11:2 ပူးပေါင်းရင်းမြစ်များ

Hiziqeeli 4:14

Aroochee tawoo ishichiyo: “Nuggishoo Doono Yeero, ebi tunaaye; ciroona eeꞌaa ariyaano taane; ta bushittinoochee tiijjaꞌa ebiich beddaahaa bi aalla qititon woyee cooxo yechiton ciroona maataano taane; eeꞌe maayo ta noonooch shaggii ariyaanoone” iyo.

Daaneeli 1:8

Daaneeli taatoochi maayoon mamonaa woyinee uyoon uyona bi eeꞌeyaachemmoyich bi mulloona gabiye. Ebin tuniyoona bi qelloon bi eeꞌiyaachemmoyich, taatee kechi iraashoo waanee daaggoon echehe.

Leweenaꞌo 11:1

Doono Yeeri Muusinaa Harooninoyich ishichiye:

Leweenaꞌo 11:11

Ittoshi waanaa eeꞌeenaꞌo boonoshi tunetoyich, boonoshi meenon maayaahote. Boonoshi meeshoochoo ittoshi kishoon bechiyaahote.

Leweenaꞌo 11:13

“ ‘Kafeenaꞌo daggoochee eeꞌeenaꞌo eboshine; eboshin maayaahote. Eboshiyoo, booyo, aakko, aremoo,

Leweenaꞌo 11:21

Tunebaani qoshechi, guttoyee beshe baatechi kashingixeenaꞌo daggoochee caphoch tunemmi baatoo boonoshich beetinaꞌon mamon hakkiyote.

Leweenaꞌo 11:29

“ ‘Showoona yuummiibeeti halleenaꞌo daggoochee eboshi eeꞌeenaꞌone. Eboshiyoo, eccee, iiccoo, sholloonaa biin shaaheenaꞌo bullina, aayo, arjaanoonaa engeengilleenane.

Leweenaꞌo 11:3

Bi shanekkoo kappheetonaa manjaanaabetona tuneti gijjoon woyee cooxon mamon hakkiyote.

Leweenaꞌo 11:34

Ebiyoommi qiicee daggoochee aaco manjeebeeti maayi toommooch bi ufegaata, are maayo eeꞌoone. Ebi qiicoochee ucheebeeti mooyo bulli eeꞌoone.

Leweenaꞌo 11:39

“ ‘Ittoshi maayemmoyich daaggeeti gijjoonaa cooxona bi qitigaata, bi meeshoon yechimmo xumemmi wottoon eeꞌo tunemmone.

Leweenaꞌo 11:4

Tunebaani manjaanaabee boonoshi shanekkoo kappheyaaneenaꞌon, wotta boonoshi shanekkoo kappheechaa manjaaneyaaneenaꞌon maayaahote. Gaalee manjaanaa beetine; tunebaani bi shanekkoo kappheyaano bi tunetoyich, ittoshi waanaa eeꞌeene.

Leweenaꞌo 11:9

“ ‘Baharoonaa woce aaconochi daggooch beeti halleenaꞌoochee qoshoommi mooyonaa shoxxoona biich beeton mamon hakkiyote.

Maatiyoosi 15:11

Ashoon eeꞌiibeeto kookkoona giyiibeeti maayo toonoone; tunetaa ashoon eeꞌiibeeto ashi noonoochee kechiibeeti mooyone” iye.

Hibireena'o 13:9

Baribare dallaawe doyoon dabbiree tate gommoochee kechaahote. No mullo manjemmo Yeerichi wojjoonalli maayoyich icheti doyoon quyoona toonoone; ebi doyoon quyee beetinaꞌo amee gaacoonolla daneyaaneenaꞌone.

Hibireena'o 9:10

Ebiyoo, eboshi Yeeri bullin bi andiriimmi yemeenee wottoon tuneebeeti maayoonaa uyoonochi doyoo, baribare xallittinee doyoo tuneebeeti, maach bekkeebeeti ashittinee doyeenaꞌo baach boonoshi tunetoyichiye.