Leweenaꞌo 10:9 - Kafa Linguistics Project

⁹ “Ittoshi qitaachemmoyich, neennaa ne anaami bushiishoona danee duukkaanooch ittoshi giyii beegaata, woyinee uyoon woyee mashiibeeti uyoon uchaahote. Ebiyoo gubbi ittoshi shiijjeroo bulliich beddaahaa, bulli yemeenee qociyoo tunebe.

Leweenaꞌo 10:9 ပူးပေါင်းရင်းမြစ်များ

Keyo 27:21

Danee duukkaanee daggooch, taabootoon bariibeeti maccillaatoyee maach, Harooninaa bi anaami bushiisheenaꞌona Doono Yeeri ta aafooch ceechoo xumoochee harooch beddaahaa bi aaxxemmoyich tuniiree quyebeete. Ebiyoo Israꞌeeleenaꞌoyich shiijjeroochee shiijjerooch, bulli yemeenee doyoo tunebe.

Shaahiyoo 20:1

Woyinee uyo ashoon cooqqirecho, kashi uyo yexecho tuniihe; eboshina muriccito bulli ariyecho toonoone.

Isiyaasi 28:7

Qeesheenaꞌonaa keemechinaꞌona mashiibeeti uyoona dadeddeheete; woyinee uyoonoo mullo baalleeheete; mashiibeeti uyoonoo tattelleheete; yaaꞌee beegona muricciyeete; nallee nalloochaa tepheeheete.

Hiziqeeli 44:21

Qeeshoo tuneto koniyoona woyinee uyoon uyiichi maaci addibaabooch giyaaye.

Hosee'i 4:11

Doono Yeeri ishichiye: “Yahoo, yagiti woyinee uyoonaa andire woyinee uyoona shalligoon keccii beetone.

Leweenaꞌo 10:8

Doono Yeeri Haroonich ishichiye:

Leweenaꞌo 3:17

“ ‘Ittoshi kotemmi xaaꞌoo aabiichaanona, awuyon woyee damoon maayaahote. Ebiyoo gubbi ittoshi shiijjeroo bulliich beddaahaa, kuxeyaanoon beeyemmi qociyoone’ gete” iye.

Haddoo 6:20

Aroochee qeeshoo Doono Yeeri aafooch kaama tiijjaa giddeebeeti deejjoon tuniiree giddiibe; kaama tiijjeeti gaggimatoonaa deejjeeti galloona tookkii yaafeeto, qeeshoo qoodoo tunemmone; ebiyee gubb Naaziroo woyinee uyoon uyon hakkiye.

Haddoo 6:3

woyinee uyoonaa mashiibeeti uyoonoochee bi qelloon bariibe; woyinoochee woyee kashi uyoochee shuuneeti kiikkiti uyoon uchaaye; woyinee aafo hiicaa shuuneeti uyoon uchaaye; woyinee moochoon woyee shuuꞌon maayaaye.

Luqaasi 1:15

Biyoo Doonochi aafooch oogemmone; wotta woyinee uyoonaa mashiibeeti bare uyo bullinon uyaachemmone; shiijjeyaanoon bi indee maacooch beebee, Yaafe Ayaanoona ceennemmone.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Ximootiyoosi 3:8

Ebiyoommon wotta daaquuneenaꞌo asho bulli oogii beetinaꞌo, heciyoon shaddaaneenaꞌo, wodde woyinee uyoon wotaaneenaꞌo, gijjoyich dakaaneenaꞌo,

1 Ximootiyoosi 5:23

Maacee biiyoonaa baribare biiyoona meeti aaboon neen bi biijjii beetoyich, atto neech bi tunemmoyich, giisheche woyinee uyoon uyalli, gubbich aacon baach uchaahine.

Titoosi 1:7

Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.