Leweenaꞌo 10:6 - Kafa Linguistics Project

⁶ Muusiyoo Haroonich, bi bushiisheenaꞌo Elazaarinaa Itamaarinoyich ishichiye: “Ittoshi qitaachemmoyich, asheenaꞌo toommoochoo kaaree shiixxoo kindaachemmoyich, ittoshi qelloon shiimoon qajjaahote. Ittoshi tahoonoo keexxaahote. Tunebaani ebi Doono Yeeri deejjiti qaaqqoona qititinaꞌoyich, ittoshi maneenaꞌo tuneti Israꞌeeleenaꞌo bulli eefeete.

Leweenaꞌo 10:6 ပူးပေါင်းရင်းမြစ်များ

2 Saameeli 24:1

Ebiyee gubb, wochinnoon Doono Yeeri kaaro Israꞌeeleenaꞌo toommooch cufiye. Biyoo Daawiti boonoshi toommooch bi tiyemmoyich tuniiꞌi, “Hamiree Israꞌeeleenaꞌonaa Yihudee asheenaꞌonochi daggooch beeti, koyoyich bedditi asheenaꞌon haddibe” iye.

Keyo 33:5

Ebiyoo Doono Yeeri Muusich “Israꞌeeleenaꞌon, ‘Ittoshi babberoo ittoshi tunetoyich, qillifee yexx bedoonona ittoshina tookkii ta hammeto gaata, ittoshin aalliyesho taane. Andoo ittoshi geddiibeeti shashoon kichibote. Ittoshi toommooch amoon ta tuniyemmo gaata maaccemmo taane’ gete” bi itoyichiye.

Keyo 6:23

Harooniyoo Aminadaabi bushoo Nahishooni manee Elisheebin shaaggiye. Biyoo Nadaabin, Abiihin, Elazaarinaa Itamaarinon shiyahan.

Erimiyaasi 7:29

“ ‘Doono Yeeri bi kaaroon boonoshi toommooch bi kinditi shiijjeroon bi duppitoyich, bi qajjitoyichoo, ittoshi qelloon cakkeree qelli eexon kaawi dufote; hulloo tuneti geppeenaꞌoochaa shooshe eefote’ gettemmo neene.

Leweenaꞌo 13:45

“Qeddee shaddee biiyechi asho keexe qoreddoon tahebe. Bi qelloonoo kaaccaaye. Bi noonoon opperee, ‘Eeꞌo taane; eeꞌo taane’ getibee cookibe.

Mikiyaasi 1:16

Yihudee asheenaꞌote, ittoshi bushiisheenaꞌo kecceyemminaꞌo boonoshi tunetoyich, ebi ittoshi shuni bushiisheenaꞌoyich eefoyich ittoshi qelloon maachebote; xooroochoommon ittoshi qelloon hulloo tuniibote!

Haddoo 1:53

Tunebaani Israꞌeeleenaꞌo toommooch kaaree shiixxoo kindaachemmoyich, Leweenaꞌo miixee duukkaanee guudoona boonoshi duukkaanoon xogiree kotebeete; miixee duukkaanoonoo quyebeete” bi itoyichiye.

Haddoo 14:6

Showoon qiidditinaꞌo daggoochee Nuuni bushoo Yaasinaa Yefuuni bushoo Kaaleebina boonoshi tahoon keexxiyeete.

Haddoo 16:22

Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.

Haddoo 18:5

“Israꞌeeleenaꞌo toommooch kaaree shiixxoo wochinnoon bi kindaachemmoyich, Yaafe Xaaꞌoonaa deejjee gudoonon ittoshi quyebote.

Haddoo 20:25

Harooninaa bi bushoo Elazaarinon Hoori guudooch yeshi keye.

Haddoo 5:18

Qeeshoo ureen Doono Yeeri aafooch neechiichi, ureechi qelli kaafoon shoote; qanaatoyich giddeti shalligichee buuroon ure kishooch yechiibe. Aroochee qeeshoo ufon deebiibeeti caame aacon bi kishooch yeshe.

Yibbaatoo 33:9

Boonoshi niheenaꞌoyich, indeenaꞌoyich, maneenaꞌonaa bushiisheenaꞌonoyich boonoshi gibeneetoyee beshoon, neech oogeton gibeneetinaꞌo tunetinaꞌone. Ne qaaroyich deꞌa itinaꞌone. Neenna tookkii boonoshi giyiti wogoonoo quyetinaꞌone.

Yaasi 22:18

Ittoshi andoo Doono Yeerichi gommon dabboochee gubb wotteeniye ittoshi beeto? Hanaach Doono Yeeri toommooch hukkoon ittoshi shuunegaata, bi wotta yaach Israꞌeeleenaꞌo bulli toommooch bi kaaroon kindiyemmone.

Yaasi 22:20

Zaari kechi asheenaꞌoochee ikkoo tuneti Akaani Yeerich gibeneyoon qajjiꞌi, timeeti mooyon bi daammitoyich, Israꞌeeleenaꞌo bulli toommooch Yeerichi naxo kinditone. Bi shuuneti axaaxoyich qitito, bi ikkeeto baach toonoone” iyeete.

Yaasi 7:1

Tunebaani timeeti mooyon aalliyoo qayona Israꞌeeleenaꞌo Doono Yeerich gibeneyoon qajjiyeete. Yihudi yoodoochee tuneti, Zaari bushoo, Zabidi bushoo, Karimi bushoo Akaani timeeti mooyoochee bi daammitoyich, Doono Yeeri kaaro Israꞌeeleenaꞌo toommooch aaxxehe.

Yaasi 7:11

Israꞌeeleenaꞌo xuqqitinaꞌone; boonoshi quyemmoyich ta getteti ta wogoon shaaddetinaꞌone. Timeeti mooyon tiijjii daammitinaꞌone; gaajjitinaꞌone; koottitinaꞌone; eboshin boonoshi hajjee qiiceenaꞌona tookkii baccitinaꞌone; koottiinoo itinaꞌone.