Leweenaꞌo 10:2 - Kafa Linguistics Project

² Bekkech qaaqqoo Doono Yeer waanee kindiꞌi boonoshin michii wuxiye. Boonoshiyoo Doono Yeeri aafoochaa qitiyeete.

Leweenaꞌo 10:2 ပူးပေါင်းရင်းမြစ်များ

2 Saameeli 6:7

Uuzi taabootoon bi kishoona bi yechitoyich, Doono Yeeri oogichii kaareꞌi biin wuxiye; biyoo aroochaa Yeerichi taabootee aafooch qitiye.

1 Taateenaꞌo 13:28

Aroochee hammiꞌi, gommooch yacheeꞌi beeti dubenoon, wotta kuroonaa daaheroona dubenee gaꞌooch neexeꞌi beetinaꞌon danehe. Daaheroo dubenoon maataanoone; kuroonoo tiishaanoone.

1 Taateenaꞌo 18:38

Bekkech Doono Yeerichi qaaqqoo kindiye; deejjoon, mixon, xaqqeenaꞌonaa showoonon maahe; oppee daggeexi aaconoo napphee shuuꞌiihe.

2 Taateenaꞌo 1:10

Tunebaani Eliyaasi aache ginee iraashoyich wochiꞌi, “Yeer asho ta tunegaata, qaaqqoo shimaayoochee kindibe. Neennaa aache ne asheenaꞌonon mame” iye. Areegaata, qaaqqoo shimaayoochee kindiꞌi, biinnaa aache bi asheenaꞌonon maahe.

2 Taateenaꞌo 1:12

Tunebaani Eliyaasi wochiꞌi, “Yeer asho ta tunegaata, qaaqqoo shimaayoochee kindiree, neennaa aache ne asheenaꞌonon mame” iye. Areegaata, Yeerichi qaaqqoo shimaayoochee kindiꞌi, biinnaa aache bi asheenaꞌonon maahe.

1 Kiinoo 13:10

Uuzi taabootoon bi kishoona bi yechitoyich Doono Yeeri oogichii kaareꞌi biin wuxiye; ebich Yeeri aafoochaa qitiye.

1 Kiinoo 15:13

Ebiyee aaf, Lewoo tuneti ittoshi taabootoon shaago ittoshi qajjitoyich, nooch icheti doyoommon biich maddaano no tunetoyich, no Nuggishoo Doono Yeeri kaaro no toommooch cufitone” iye.

1 Kiinoo 24:2

Tunebaani Nadaabinaa Abiihina bushoon shiyaanoon beebee boonoshi nihoyee shiichiꞌi qitiyeete. Ebich Elazaarinaa Itamaarina qeeshoon tuneheete.

Iyoobi 1:16

Ebin gettii bi beetaa, bare wocheyecho waaꞌi ishichiye: “Xeeyo kindiꞌi bageenaꞌonaa qiddeenaꞌonon yechiye; boonoshinoo michii aalliihe. Ta ikkeeto baach muriccaꞌa ebin neech getta waahoye” iye.

Shoddo 50:3

No Nuggishoo woyemmone; cikki qayaachemmone; michiibeeti qaaqqoo bi aafooch beetone; giidechi yuboo bi guudoona beetone.

Keyo 24:1

Doono Yeeri Muusich ishichiye: “Ne, Harooni, Nadaabi, Abiihinaa shabe Israꞌeelee ukkireenaꞌona ta waan keyote. Wohooch tuneechi, taach goyinnebote.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Leweenaꞌo 10:5

Boonoshiyoo waa boonoshi tahoona yechii tiijjiꞌi, Muusi boonoshich gettitoommon, kaamboyee maach kichiyeete.

Leweenaꞌo 16:1

Doono Yeeri aafooch katinnii giddeti Haroonichi gutte bushiisheenaꞌo qititoyee gubb, Doono Yeeri Muusina tookkii yibbaatehe.

Leweenaꞌo 9:24

Qaaqqoo Doono Yeeri aafoochee kindiꞌi, deejjee gudee toommooch beeti deejjoonaa awuyonon michii aalliihe. Asheenaꞌo bulli ebin beeggiꞌi ililiyeete; baroonoo showooch guufeheete.

Haddoo 14:37

are showeechon gonde woroon deebiti ebi asheenaꞌo Doono Yeeri aafoochaa naxoona qitiyeete.

Haddoo 16:35

Qaaqqoo Doono Yeer waanee kindiꞌi, ixaanoon shookkiibeeti gutte ballaa aache asheenaꞌon maahe.

Haddoo 16:49

Qoraahichi naboona qititinaꞌoyee baroo, naxoona qititinaꞌo aaraa awudde humaa shabaatte balleenaꞌone.

Haddoo 26:61

Tunebaani Nadaabinaa Abiihina yaafeyaani qaaqqoon Doono Yeeri aafooch boonoshi giddiihooba qitiyeete.

Mishiraachechinaꞌo 5:10

Areyoo bekkech Pheexiroosi baatooch dihaꞌa qitiyan. Gurimaasheenaꞌo wottee kexooch giyiꞌi, qitaꞌa beetin daneheete; kichiꞌinoo bi kenoochi gaꞌooch duukkiyeete.

Mishiraachechinaꞌo 5:5

Hanaani ishin waayeꞌi bekkech dihiye; bi dihiti xaaꞌoochaa bi kasho kechiye. Ebin waayetinaꞌo bulli oogichii shattiyeete.

1 Qorontoosi 10:11

Boonoshi toommooch tuneti mooyo bulli nooch malletoo tunetone; ebiyoo hini ciireexi yemeenooch beeti noon cuuꞌiyane bi kooreeto.

1 Saameeli 6:19

Doono Yeerichi taabootee maac boonoshi ciinnitoyich, Beet Shemeeshi asheenaꞌoochee Yeeri shabeenaꞌon wuxiye. Doono Yeeri ebi shaahoon asheenaꞌon bi wuxitoyich, asheenaꞌo eeppii tuummiyeete.