Leweenaꞌo 10:19 - Kafa Linguistics Project

¹⁹ Harooniyoo Muusich ishichiye: “Ebi axaaxee deejjoon hanaach ta maato gaata, Doono Yeeri aafoochaa tato tuneshe? Asheenaꞌo hanaach axaaxee deejjoonaa micciibeeti deejjoonon Doono Yeeri aafooch deebitinaꞌone. Tunebaani ebiyoommi magge mooyo ta toommooch shaggitone” iye.

Leweenaꞌo 10:19 ပူးပေါင်းရင်းမြစ်များ

Isiyaasi 1:11

Doono Yeeri ishichiye: “Ittoshi deejjee woddo taach amoon hallehe? Bagee baaddoochi micciibeeti deejjoonaa awujjiti gijjeenaꞌochi awuyona micheto taane; wurinaꞌochi damoo, bagee baaddeenaꞌochi damoonaa emmishee baaddeenaꞌonochi damoona taan emirikkaache.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Erimiyaasi 14:12

coomii boonoshi corootitaanona waayeyaachemmo taane; micciibeeti deejjoonaa maayi buuroonon boonoshi giddiiteenolla boonoshi waanee deꞌaachemmo taane; tunebaani goraadoona, shaacoona, biiyoonoo boonoshin aalliyemmo taane” iye.

Erimiyaasi 6:20

Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.

Hosee'i 9:4

Woyinee uyee deejjoon Doono Yeerich giddiyaachemminaꞌone. Boonoshi deejjoonoo Doono Yeerin emirikkaachemminaꞌone. Boonoshi maayo eeppi aakkee maayo tunemmone; aroon maammo bulliyoo eeꞌemmone. Ebi maayo boonoshi shaacoyich boonoshi maayemmoani Doono Yeerichi yaafee kexooch giyemmo toonoone.

Leweenaꞌo 10:20

Muusiyoo Harooni yibbaatoona michiye.

Leweenaꞌo 9:12

Aroochee Harooni micciibeeti deejjoyich giddeti gijjoon guuriye. Bi anaami bushiisheenaꞌo damoon biich giddiiheete. Biyoo deejjee gudee awudde naabooch tibiye.

Leweenaꞌo 9:8

Ebina Harooni deejjee gudooch giddeꞌi, bi axaaxoyich deejjeebeeti maamon guuriye.

Milikiyaasi 1:10

“Ta deejjee gudooch duube qaaqqoon ittoshi shoohaachemmoyich yaafee kechi shaaqqoon hiccemmi asho ittoshi daggoocheenoo daneba! Ittoshina emiraano taane; deejjoonoo ittoshi kishoochee deꞌaachemmo taane” iye Beshe Mawe Doono Yeeri.

Milikiyaasi 1:13

‘Ebi shewiiti mooyone’ iibee hoxehote. Bogaa waaton, baata sheqqe gijjoonaa biiyechi gijjoonon deejjoo tuniiꞌi giddiihote. Iberoochaa ebin ittoshi kishoochee deqqehote?” iye Beshe Mawe Doono Yeeri.

Milikiyaasi 2:13

Ittoshi tuniyemmi bare mooyo ebine: Doono Yeeri ittoshi deejjoon ciinaachemmo bi tunetoyich, ittoshi kishoocheenoo deꞌaachemmo bi tunetoyich, Doono Yeerichi deejjee gudoon acimoona, eefonaa ayinoona qeremmo ittoshine.

Yibbaatoo 12:7

Ebi aroochaa, ittoshi Nuggishoo Doono Yeeri aafoochaa ittoshinaa ittoshi kechi asheenaꞌona maayemmo ittoshine. Ittoshi kishoona ittoshi shuuneto bullin Doono Yeeri diiritoyich ittoshi bulli oogichi emiremmo ittoshine.

Yibbaatoo 26:14

Eeppaa muushenaꞌa ta kotehooba aroochee maataano taane. Ta eeꞌehooba ebi aroochee amoonolla ta kexoochee kichaano taane; qititi ashichoo buuroon giddiyaano taane. Ta Nuggishoo Doono Yeeri ne qaaroon waayeto taane. Taach ne getteto bullin ceechito taane.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!

Hibireena'o 7:27

Bare qeeshee guudeenaꞌochoommon shiichiꞌi bi qelli axaaxoyich, gubb wotta asheenaꞌochi axaaxoyich qemi qemona deejjoon Yeerich giddiyoo biich qaawiyaanoone. Asheenaꞌochi axaaxoyich bi qelloon deejjoo tuniiꞌi Yeerich bi giddiihooba, ebi deejjoon ikke wottoon ceechiꞌi tuniitone.

Hibireena'o 9:8

Aafi duukkaanoo batt xogeeꞌi beetaa, shimaajj beeti Yaafe Xaaꞌeexi Yaafooch giijjiibeeti gommo batt qecheyaano bi tunoon Yaafe Ayaano ebiyoommona bekkii beetone.