Leweenaꞌo 10:1 - Kafa Linguistics Project

¹ Ikke areddoon, Harooni bushiishoo Nadaabinaa Abiihina boonoshi ikkikkoona ixaano shookkeebeeti qiicoon deebiꞌi, qaaqqoon arooch geddiyeete. Ixaanoonoo arooch shookkiyeete. Doono Yeeri boonoshich getaani, daaggeyaani qaaqqoon bi aafooch giddiiheete.

Leweenaꞌo 10:1 ပူးပေါင်းရင်းမြစ်များ

1 Taateenaꞌo 18:38

Bekkech Doono Yeerichi qaaqqoo kindiye; deejjoon, mixon, xaqqeenaꞌonaa showoonon maahe; oppee daggeexi aaconoo napphee shuuꞌiihe.

Shoddo 141:2

Ta corooto ne aafoochaa ixaanochoommon shucheto tunebe; kishee ta tiijjoo womikkee deejjochoommon ciichebe.

Keyo 24:1

Doono Yeeri Muusich ishichiye: “Ne, Harooni, Nadaabi, Abiihinaa shabe Israꞌeelee ukkireenaꞌona ta waan keyote. Wohooch tuneechi, taach goyinnebote.

Keyo 24:9

Muusi, Harooni, Nadaabi, Abiihinaa shabe Israꞌeelee ukkireenaꞌona guudi toommooch kechiyeete;

Keyo 27:3

Tulloo booddeebeeti gubeenaꞌon, tulloo ucheebeeti maankeenaꞌon, quppe saaneenaꞌon, gomeenaꞌonaa qaaqqee buno yecheyemmi qiiceenaꞌonon, gooshoochee shuunebe.

Keyo 28:1

“Qeesheenaꞌo tuneree taach boonoshi maddemmoyich, Israꞌeeleenaꞌo daggoochee ne manoo Haroonin, bi anaami bushiisheenaꞌo Nadaabin, Abiihin, Elazaarinaa Itamaarinon ne waan boonoshi giddemmoyich tuniibe.

Keyo 31:11

huutee zayitoonaa Yaafe Xaaꞌoyich tunemmi gaawe cinnechi ixaanoonon boonoshi shuunemmoyichiye. Neech ta gettetoommi gommona ebi bullin shuunebeete” iye.

Keyo 37:29

Wotta Betsaleeli yaafeeti huutee zayitoonaa ariyechi asho shittoon bi shuunee beetoommi gommona shuuneeti cinnechi xalle ixaanoonon shuunehe.

Keyo 38:3

Deejjee gudoyich qiiceenaꞌo bullin, eboshiyoo tulloo booddeebeeti gubeenaꞌon, tulloo ucheebeeti maankeenaꞌon, quppe saaneenaꞌon, gomeenaꞌonaa qaaqqee buno yecheyemmi qiiceenaꞌonon gooshoochee shuunehe.

Keyo 40:27

aree toommooch cinnechi ixaanoon shookkiye. Ebi bullin, Doono Yeeri biich gettitoommon tuniiꞌi shuunehe.

Keyo 6:23

Harooniyoo Aminadaabi bushoo Nahishooni manee Elisheebin shaaggiye. Biyoo Nadaabin, Abiihin, Elazaarinaa Itamaarinon shiyahan.

Keyo 8:27

Bi nooch gettii beetoommon, no Nuggishoo Doono Yeerich deejjoon deejjoyich, keejje qemi gommon barahooch hamo nooch qaawiihe” iye.

Erimiyaasi 19:5

boonoshich ta getaanoon, ta yibbaateyaanoon, ta mulloonoo ta gabaanoon, micciibeeti deejjoon tuniiꞌi Baꞌaaloyich boonoshi bushiisheenaꞌon michoyich, geppeexi goyinnee xaaꞌeenaꞌon boonoshi shuunetoyich,

Erimiyaasi 32:35

Yihudee asheenaꞌo axaaxoon shuunemmoyich, ebi eeꞌe mooyon tuniyoyich, ta getaanoon, wottoo ta mulloona ta gabaanoon, boonoshi anaami bushiisheenaꞌonaa maache bushiisheenaꞌonon qaaqqooch goggii Molookich deejjoyich, Hinoomi bushoo bambooch beeti geppeexi goyinnee xaaꞌoon Baꞌaaloyich shuunetinaꞌone” iye.

Erimiyaasi 44:15

Boonoshi mecheenaꞌo bare nuggisheenaꞌoyich ixaanoon shoohon ariibeeti doonjeenaꞌo bulli, arooch neexeti maacheenaꞌo bulli, Gibitsee showooch beeti Phaxiroos koteti Israꞌeeleenaꞌooch beddaahaa ooge kicoo tuneꞌi, Erimiyaasich ishichiyeete:

Erimiyaasi 44:8

Ittoshin aalliyoyich, showee toommeexi aageteenaꞌo daggoochaa wuche, ittoshi getteyemmonaa naaggeyemmonoyich, beeya ittoshi waati Gibitsaa bare nuggisheenaꞌoyich ixaanoon shoohona, ittoshi kishee shuunoona ta kaaremmoyich ittoshi tuniibeeto amoyichiye?

Erimiyaasi 7:31

Ta getaanoon, ta mulloonoo ta gabaanoon, boonoshi anaami bushiisheenaꞌonaa maache bushiisheenaꞌonon qaaqqoona michoyich, Hinoomi bushoo bambooch beeti Tofeeti goyinnee xaaꞌoon shuunetinaꞌone.

Leweenaꞌo 16:1

Doono Yeeri aafooch katinnii giddeti Haroonichi gutte bushiisheenaꞌo qititoyee gubb, Doono Yeeri Muusina tookkii yibbaatehe.

Leweenaꞌo 16:12

Doono Yeeri ta aafooch beeti deejjee gudoochee qaaqqee buno gedaa ceenniti, ixaano shookkeebeeti qiicoonaa gutte kopp bede qacini gaawe cinnechi ixaanoonon yeshiree, maccillaatee maac gibe.

Leweenaꞌo 22:9

“ ‘Qeesheenaꞌo boonoshi tuniyemmoyich ta getteti mooyon tuniibeete. Ebin tuniyoo boonoshi qayigaata, yaafeeti ta doyoon qallayoona axaaxechinaꞌo tuneree qitemminaꞌone. Ta, boonoshin yaafiibeeti Doono Yeeri taane.

Leweenaꞌo 9:24

Qaaqqoo Doono Yeeri aafoochee kindiꞌi, deejjee gudee toommooch beeti deejjoonaa awuyonon michii aalliihe. Asheenaꞌo bulli ebin beeggiꞌi ililiyeete; baroonoo showooch guufeheete.

Haddoo 16:46

Muusi Haroonich ishichiye: “Ixaano shookkeebeeti ne qiicoon yeshe. Deejjee gudoochee qaaqqoon arooch boode. Ixaanoonoo arooch gede. Kaate iiteenaꞌo waan hami boonoshi axaaxoon maariibe. Doono Yeer waanee kaaree shiixxoo kinditone; naxoo wonnitone” iye.

Haddoo 26:61

Tunebaani Nadaabinaa Abiihina yaafeyaani qaaqqoon Doono Yeeri aafooch boonoshi giddiihooba qitiyeete.

Haddoo 4:18

“Qohaatichi gumbeenaꞌon, naxeeree Leweenaꞌo daggoochee boonoshi aallemmoyich tuniyaahote.

Yibbaatoo 12:32

“Ebi neech ta getteti mooyo bullin tuniibe. Ebi arooch amoonolla daakkiyaahine. Wotta ebi aroochee amoonolla shappiiyaahine.

Yibbaatoo 4:2

Ebi ittoshich ta gettaabeeti qaaree toommooch amoonolla daakkiyaahote. Aroochee amoonolla shappiiyaahote. Ebi ittoshich ta gettaabeeti no Nuggishoo Doono Yeerichi getoon quyebote.

Hibireena'o 9:4

Ebi are xaaꞌooch ixaano shookkeebeeti deejjee qiico beetone; ebi deejjee qiico aachoona dikkeetone; wotta bi guude gawo bulli aachoona dikkeeti wogee taaboote beetine; ebi taabootee daggooch mannoo beeti aachee qullo, atee waajjeti Haroonichi gumbeenaa Yeerichi sheeroo kooreeti gutte xaqqeenaꞌona beetinaꞌone.