Leweenaꞌo 1:9 - Kafa Linguistics Project

⁹ Uroo maacee meenonaa baatoonon maye. Qeeshoo ebi micciibeeti deejjoon, qaaqqoona micciibeeti deejjoon tuniiree deejjee gudoochaa bullin ikkot deejjibe. Ebiyoo Doono Yeeri taach gaawe cinnechi deejjoo tunemmone.

Leweenaꞌo 1:9 ပူးပေါင်းရင်းမြစ်များ

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

2 Kiinoo 4:6

Aroochee wotta aashire gishiishi gooneenaꞌon shuuniiꞌi uuchoon deshi-waan, uuchoon dambi-waan kotiihe. Ebi gishiishi gooneenaꞌo micciibeeti deejjoyich giddeebeeti gijjeenaꞌochi meeno aroochaa macheyemmi gooneenaꞌone; ooge gamini goonooch beeti aaco qeesheenaꞌo aroochee machemmi aacone.

Shoddo 51:6

Ne, iberoon ne shunnaa beetoyich, mullecho tunoon taach dojjibe.

Shoddo 66:15

Micciibeeti deejjoyich, awuyi gijjeenaꞌon deejjemmo taane; bagee baaddoon gaawe cinnechi deejjoon tuniiree, deejjemmo taane; gubbeneenaꞌonaa emmisheenaꞌonon deejjemmo taane.

Keyo 12:9

Qelloona tookki, baatoonaa maacee meenona tookki ikkot michiree mamotani, gaaroon woyee kiiyiree maayaahote.

Keyo 29:18

Aroochee bagee baaddoochi meeno bullin goge. Ebiyoo Doono Yeeri taach micciibeeti deejjoone. Ebi deejjoo Doono Yeeri taach qaaqqoona micciibeeti deejjoone; taach gaawe cinnechone.

Keyo 29:25

Aroochee boonoshi kishoochee deꞌiree, micciibeeti deejjoona tookki Doono Yeeri taach gaawe cinnecho bi tunemmoyich, deejjee gudee toommoochaa michibe. Ebiyoo Doono Yeeri taach qaaqqoona micciibeeti deejjoone.

Erimiyaasi 4:14

Yerusaaleme, ne wodemmoyich ne mulloon gonde mooyoochee mayi xalliibe. Ne gonde gaboo ne waan bi beeyemmo aati wottooniye?

Hiziqeeli 20:28

Boonoshich imma ta wogeti showooch boonoshin deebeto taane; tunebaani boonoshi geppeenaꞌonaa waajjechi mixinaꞌonon beeggiꞌi aroochaa deejjooch giyiyeete; buuroon giddiyoona, gaawe cinnechi ixaanoon shoohona, uyee deejjoonoo taan ippiiheete.

Hiziqeeli 20:41

Aageteenaꞌo waanee ittoshin ta kichiyooba, ittoshi shaceti showoo bulliichee ittoshin ta kiciyooba, gaawe cinnechi mooyon shaahiiree ittoshin ciinnemmo taane; aageteenaꞌo ciini beetaa ittoshi daggooch ta yaafittinoon bekkiyemmo taane.

Hiziqeeli 40:38

Gimi kelleexi beshe boochee gaꞌooch, gishiishi kexinaꞌonaa boonoshi shaaqqeenaꞌona beetinaꞌone; ebi aroochaa micciibeeti deejjoo machee beetone.

Leweenaꞌo 1:13

Uro maacee meenonaa baatoonon maye. Qeeshoo deejjee gudoochaa bullin ikkot deejjibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 1:17

Qoshoona yeshiree gutta gaaha; tunebaani kapphe kichaaye. Biyoo deejjee gudee toommooch beeti qaaqqooch michibe. Ebiyoo qaaqqooch michaa giddeebeeti, Doono Yeeri taach gaawe cinnoon cinneebeeti, micciibeeti deejjoon tunemmone.

Leweenaꞌo 2:16

Qeeshoo shalligichoyich tuniiree, yiikkeeti maayoonaa zayitoonoochee tiijjiree, ixaano bullina tookki michibe. Ebiyoo qaaqqooch michaa Doono Yeeri taach giddeebeeti deejjoon tunemmone.

Leweenaꞌo 2:2

Qeesheenaꞌo tuneti Harooni anaami bushiisheenaꞌo waan deebe. Qeeshoo qacini buddinoonaa zayitoonoochee, ixaano bullina tookki ikke ushon tiijjibe. Ebinoo qaaqqooch michaa giddeebeeti, Doono Yeeri taach gaawe cinnoon cinneebeeti maayi buuroon tuniiree shalligichoyich deejjee gudee toommoochaa giddiibe.

Leweenaꞌo 2:9

Qeeshoo ebi maayi deejjoochee shalligichoyich tunemmi qoodoon deꞌiree qaaqqooch michaa giddeebeeti, Doono Yeeri taach gaawe cinnoon cinneebeeti deejjoon tuniiree deejjee gudoochaa michibe.

Leweenaꞌo 3:11

Qeeshoo eboshi bullin taach giddeebeeti maayi deejjoon tuniiree deejjee gudoochaa michibe.

Leweenaꞌo 3:5

Aroochee Harooni anaami bushiisheenaꞌo ebi bullin micciibeeti deejjoona tookki deejjee gudoochaa deejjibeete. Ebiyoo Doono Yeeri taach qaaqqooch michaa giddeebeeti, gaawe cinnechi deejjoo tunemmone.

Leweenaꞌo 4:31

Uro bi awuyo bullin ikkittinee deejjoyich giddeti gijjoochi awuyo maacaa keyoommon maaci kichibe. Qeeshoo Doono Yeeri taach gaawe cinnechi deejjoon tuniiree deejjee gudoochaa deejjibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.

Leweenaꞌo 6:14

“ ‘Maayi buuroon giddiyee qocoo ebine: Harooni anaami bushiisheenaꞌo maayi buuroon deejjee gudee ciinooch, Doono Yeeri ta aafooch giddiibeete.

Leweenaꞌo 8:21

Maacee meenonaa baateenaꞌonon machiye. Qaaqqooch michaa Doono Yeerich giddeebeeti, gaawe cinnechi, micciibeeti deejjoon tuniiꞌi bagee baaddoon bulla ikkot deejjee gudee toommoochaa goggiye. Ebi bullin Doono Yeeri biich gettitoommon tuniiꞌi shuunehe.

Leweenaꞌo 8:28

Muusiyoo eboshin boonoshi kishoochee deqqiꞌi, qaaqqooch michaa Doono Yeerich giddeebeeti, gaawe cinnechi, qeesheenaꞌon ukkiriyee deejjoon tuniiꞌi deejjee gudooch micciibeeti deejjee toommoochaa goggiye.

Leweenaꞌo 9:14

Maacee meenonaa baatoonon machiꞌi, deejjee gudee toommoochaa micciibeeti deejjoona tookkii michiye.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Haddoo 15:3

ittoshi tiikkeshoon woyee mullee daaggee wojjoon woyee baaroobee wojjoon Doono Yeeri taach gaawe cinnecho tunii giddiyoyich miimoochee woyee bageenaꞌoochee qaaqqoona micciibeeti deejjoon woyee bare deejjoon ittoshi giddii beegaata,

Haddoo 28:11

“ ‘Batti agenee keyooba gutte wuron, ikke ooge bagee baaddoon, bachaalli, ikke nati shabaatte gishiishi bagee baaddoon micciibeeti deejjoo tuniiree Doono Yeeri taach deejjibote.

Haddoo 28:7

Ikkikke bagee baaddoona tookki giddemmi uyee deejjoo ikke neetiree kashi uyo tunebe. Ebi uyee deejjoon yaafeeti xaaꞌooch Doono Yeeri taach ukkibote.

Haddoo 28:8

Guttinnee bagee baaddoon, maaddoona ittoshi deejjitoommon maayi deejjoonaa uyee deejjoona tookki womikka deejjibote. Ebiyoo qaaqqooch micciibeeti, Doono Yeeri taach gaawe cinnechi deejjoo tunemmone.

2 Qorontoosi 2:15

Wodii beetinaꞌonaa aallooch hammii beetinaꞌonochi daggooch beechaa Yeerich Kiristoosichi gaawe cinno noone.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Yibbaatoo 12:27

Aroochaa meenonaa damoonon micciibeeti deejjoon tuniiree ne Nuggishoo Doono Yeerichi deejjee gudoochaa deejjibe. Meenon ne maayemmi deejjoon ne giddii beegaata, damoon deejjee gudee toommooch tibibe.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.