Leweenaꞌo 1:4 - Kafa Linguistics Project

⁴ Uro micciibeeti deejjoyich giddeti gijjoochi qellooch bi kishoon kotiibe. Ebina Doono Yeeri ta bi deejjoon deꞌiree bi axaaxoon maaremmo taane.

Leweenaꞌo 1:4 ပူးပေါင်းရင်းမြစ်များ

Keyo 28:38

Ebinoo Harooni bi barooch gede. Israꞌeeleenaꞌo bariiꞌi boonoshi immiibeeti wojjoon, ebiyoo yaafeeti deejjoon giddiibee boonoshi xuqqiti amee xuꞌoonona shaaggemmone. Doono Yeeri ta, ebi deejjoon gaawe aafoona ta ciinnemmoyich, bulli aaboon Harooni barooch beebe.

Keyo 29:10

“Wuron danee duukkaanee aafooch deebe. Harooninaa bi anaami bushiisheenaꞌona boonoshi kishoon are wurochi qellooch kotiibeete.

Keyo 29:15

“Aroochee gutte bagee baaddoochee ikkoon deebe. Harooninaa bi anaami bushiisheenaꞌona boonoshi kishoon bi qellooch kotiibeete.

Keyo 29:19

“Guttinnee bagee baaddoon deebe. Harooninaa bi anaami bushiisheenaꞌona boonoshi kishoon bi qellooch kotiibeete.

Keyo 29:33

qeesheenaꞌo tunee baaroo bi tunemmonaa boonoshin bi yaafemmonoyich, boonoshi axaaxoon maariiti deejjee maayoon mameete. Tunebaani taach yaafeeto bi tunetoyich, baroo koniyoona maayaaye.

Isiyaasi 56:7

“Yaafeeti ta guudooch boonoshin deebemmo taane; ta corootee kexoochaa boonoshin emirikkemmo taane; ta deejjee gudee toommoochaa boonoshi giddiibeeti micciibeeti deejjoonaa bare deejjoonon deqqemmo taane; ebiyoo ta kexo asheenaꞌo bullich corootee kexo getteyemmo bi tunetoyichiye” iye.

Hiziqeeli 45:15

Mocechi Israꞌeelee gaddoochee gutte balle bagoochee ikke bagoon immemmo ittoshine; eboshiyoo ittoshi axaaxoon maariyoyich, maayi buuroyich, micciibeeti deejjoonaa ikkittinee deejjoonoyich tunemminaꞌone, iye Nuggishoo Doono Yeeri.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Leweenaꞌo 16:21

Ebi are emmishoochi qellooch bi gutte kishoon kotiichi, aree toommoochaa Israꞌeeleenaꞌochi gondo bullin, xuꞌo bullinaa axaaxoo bullinon aannibe; emmishoochi qelloochoo shaakkiibe. Aroochee emmishoon daamoyich qanniti uroochi kishoona barahooch daachiibe.

Leweenaꞌo 16:24

Yaafoo tuneti xaaꞌoochaa bi qeddoon macheree bi hajjee tahoon tahebe. Aroochee keyiree, bi qelli axaaxoonaa asheenaꞌochi axaaxoonon maariyoyich micciibeeti deejjoon giddiibe.

Leweenaꞌo 22:21

Ikke asho tiikkeshoon woyee mullee daaggoona giddeebeeti deejjoon giddiyoyich bi miimoochee woyee bi bagoochee woyee bi emmishoochee ikkittinee deejjoon Doono Yeeri taach bi giddiigaata, Doono Yeeri ta ebi deejjoon deqqemmoyich, ikke shappaalloon tunebe. Bachiti mooyo bi achooch beeyaaye.

Leweenaꞌo 22:27

“Maamo woyee bagee baaddoo woyee emmishee bushoo bi shiijjegaata, shabaatte qemi wottoon bi indeena tookki beebe. Tunebaani shimittinnee qemoyee gubb, qaaqqooch michaa giddeebeeti, Doono Yeeri ta deqqemmi deejjoon tunoon hakkiye.

Leweenaꞌo 3:13

bi kishoon ebi emmishoochi qellooch kotiichi, danee duukkaanee kelloochaa guuribe. Harooni anaami bushiisheenaꞌo bi damoon deejjee gudee awudde naabooch tibibeete.

Leweenaꞌo 3:2

Biyoo deejjoyich bi giddiiti gijjoochi qellooch bi kishoon kotiibe. Ebi aroonoo danee duukkaanee kelloochaa guuribe. Qeesheenaꞌo tuneti Harooni anaami bushiisheenaꞌo damoon deejjee gudee awudde naabooch tibibeete.

Leweenaꞌo 3:8

bi kishoon ebi bagoochi qellooch kotiichi danee duukkaanee kelloochaa guuribe. Harooni anaami bushiisheenaꞌo bi damoon deejjee gudee awudde naabooch tibibeete.

Leweenaꞌo 4:15

Asheenaꞌo daggoochee geeneenaꞌo Doono Yeeri ta aafoochaa ebi wurochi qellooch boonoshi kishoon kotiichaa, wuro Doono Yeeri ta aafoochaa guureebe.

Leweenaꞌo 4:20

Axaaxoyich giddeti wuro toommooch bi tuniitoommon, hinichi toommoochoo tuniibe. Ebiyoommi gommona qeeshoo asheenaꞌochi axaaxoyich deejjoon bi giddiitaa, boonoshi axaaxoyich maaroon danemminaꞌone.

Leweenaꞌo 4:24

Biyoo ebi emmishoochi qellooch bi kishoon kotiichi, micciibeeti deejjoyich giddeti gijjoo guureeti xaaꞌoochaa, Doono Yeeri ta aafoochaa guuribe. Ebiyoo axaaxee deejjoone;

Leweenaꞌo 4:26

Ebi emmishoochi awuyo bullin, ikkittinee deejjoyich giddeti gijjoochi awuyon bi michoommon, deejjee gudoochaa michibe. Ebiyoommi gommona qeeshoo uroochi axaaxoyich deejjoon bi giddiitaa, bi axaaxoyich maaroon danemmone.

Leweenaꞌo 4:29

Biyoo ebi emmisheechi qellooch bi kishoon kotiichi, micciibeeti deejjoyich giddeti gijjoo guureeti xaaꞌoochaa, ebi axaaxee deejjoon guuribe;

Leweenaꞌo 4:31

Uro bi awuyo bullin ikkittinee deejjoyich giddeti gijjoochi awuyo maacaa keyoommon maaci kichibe. Qeeshoo Doono Yeeri taach gaawe cinnechi deejjoon tuniiree deejjee gudoochaa deejjibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.

Leweenaꞌo 4:33

Biyoo ebi bagee qellooch bi kishoon kotiichi, micciibeeti deejjoyich giddeti gijjoo guureebeeti xaaꞌoochaa, ebi axaaxee deejjoon guuribe;

Leweenaꞌo 4:35

uro awuyo bullin ikkittinee deejjoyich giddeti bagee baaddoochi awuyo maacaa keyoommon, maaci kichibe. Qeeshoo, Doono Yeeri taach micciibeeti deejjee toommooch gediree, deejjee gudoochaa michibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.

Leweenaꞌo 4:4

Wuron danee duukkaanee kellooch, Doono Yeeri ta aafooch deebe. Bi kishoon ebi wurochi qellooch kotiibe. Doono Yeeri ta aafoochaa guuribe.

Leweenaꞌo 5:6

Bi shuuneti axaaxoyich xuꞌee deejjoon bi gijjoochee bageen woyee emmisheen Doono Yeeri taach deebe. Qeeshoo ebi deejjoon bi giddiitaa, uro bi axaaxoyich maaroon danemmone.

Leweenaꞌo 6:7

Qeeshoo Doono Yeeri ta aafooch deejjoon bi giddiitaa, uro bi xuqqiti xuꞌo amoyichona maaroon danemmone” iye.

Leweenaꞌo 8:14

Aroyee gubb, axaaxee deejjoyich tunemmi wuron deebiye. Harooninaa bi anaami bushiisheenaꞌona axaaxee deejjoyich giddeti ebi wurochi qellooch boonoshi kishoon kotiiheete.

Leweenaꞌo 8:18

Aroochee micciibeeti deejjoyich tunemmi bagee baaddoon deebiye. Harooninaa bi anaami bushiisheenaꞌona boonoshi kishoon ebi bagee qellooch kotiiheete.

Leweenaꞌo 8:22

Muusiyoo qeesheenaꞌon ukkiriyee bare bagee baaddoon deebiye. Harooninaa bi anaami bushiishoona boonoshi kishoon bi qellooch kotiiheete.

Leweenaꞌo 9:7

Aroochee Muusi Haroonich ishichiye: “Deejjee gudo beetooch gidderee, ne axaaxoonaa asheenaꞌochi axaaxoonon maariyoyich axaaxee deejjoonaa micciibeeti deejjoonon deejjibe. Doono Yeeri gettitoommon, asheenaꞌochi deejjoon deejjiree boonoshi axaaxoon maariibe” iye.

Haddoo 15:25

Qeeshoo Israꞌeelee iitoo bullin maariyemmone; boonoshiyoo maareyemminaꞌone. Ebiyoo diqqoona boonoshi muriccitoyich, boonoshi muricoyich qaaqqoona micciibeeti deejjoonaa axaaxee deejjoonon boonoshi giddiitoyichiye.

Haddoo 15:28

Qeeshoo diqqoona axaaxoon shuuneti ebi ashi axaaxoon Doono Yeeri aafoochaa maariyemmone; bi axaaxoo maareyemmone.

Haddoo 25:13

Bi, Yeerich qanaateꞌi Israꞌeeleenaꞌon bi maariitoyich, biinnaa biyee gubbi bi shiijjereenaꞌonoyich qeeshittinee maddooch manjee wogoon biich tunemmone” iye.

Haddoo 8:10

Doono Yeeri ta aafooch ne giddiiti Leweenaꞌo toommooch Israꞌeeleenaꞌo boonoshi kishoon kotiibeete.

Haddoo 8:12

“Leweenaꞌo boonoshi kishoon wurinaꞌochi qellooch boonoshi kotiitoyee gubb, boonoshi axaaxoon maariyoyich ikkoon axaaxee deejjoo, wotta ohe ikkoon micciibeeti deejjoo tunii Doono Yeeri taach deejjibe.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 3:25

Ufeti Yesuus Kiristoosichi damoona asho bi axaaxoyich maaroon bi danemmoyich deejjoon tuniiꞌi Yeeri neechiye; ebi maaroon dano asho hakkemmo, Yesuus Kiristoosi toommooch mullee tooꞌiyoonane. Yeeri ebin bi tuniito bi cadiqittinoon bekkiyoyichiye. Yeeri ebiyee aaf asho shuuneti axaaxoon haaꞌiyoona beshiitone;

Roomi 5:11

Tunebaani ebi ikkeeto baach toonoone; and no Doono Yesuus Kiristoosichi gommona no shuneti Yeerina wotta geeciyone.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

Hibireena'o 10:4

Ebiyoo, gubbeneenaꞌonaa emmisheenaꞌonochi damoo axaaxoon wokkiyoon hakkaano bi tunetoyichiye.

1 Yowannisi 2:2

Biyoo Yeeri no axaaxoon nooch bi maariibeeti deejjoone; no axaaxoon baach tuneyaanoon ashoo bullichi axaaxoon bi maariibeeti deejjoone.