Leweenaꞌo 1:3 - Kafa Linguistics Project

³ “ ‘Deejjoon bi giddiibeeto, micciibeeti deejjoyich bi miimoochee tunegaata, bachaalli wuron giddiibe. Doono Yeeri ta deqqemmoyich, danee duukkaanee kelloochaa giddiibe.

Leweenaꞌo 1:3 ပူးပေါင်းရင်းမြစ်များ

Halloo 22:13

Abrahamiyoo kaama ciinniꞌi, biyee gubb beeti tushooch qaroona yecheꞌi beeti, ikke bagee baaddoon beeggiye. Hammii ebi bagoon deebii, bi bushoo keroon deejjoo tuniiꞌi guurii michii deejjiye.

Halloo 22:2

Yeeriyoo “Ne shuni bushoon, ikke mixxe ne bushoo Yisaaqin, yeshiree, Mooriyee showooch hambe. Neech ta bekkiyemmi ikke guudi toommoochaa deejjoon tuniiree michi taach deejjibe” iye.

Halloo 22:8

Abrahamiyoo “Ta bushoocho, Yeeri bi alla micciibeeti deejjoyich giddemmi bagoon qanniyemmone” iye. Gutteꞌi tookkii hammiyeete.

Halloo 8:20

Noohi bi kechitoyee gubb, Doono Yeerich deejjee gudoon shuunehe; xalle gijjeenaꞌonaa xalle kafeenaꞌo bullinoochee daammiye; guurii, ebi are deejjee gudoochaa michiꞌi, Doono Yeerich deejjiye.

2 Kiinoo 29:32

Iiteenaꞌo deebiti, micciibeeti deejjoo, shabe wuro, balle ogooge bagee baaddoonaa gutte balle gishiishi bagee baaddoonane. Ebi bulli Doono Yeerich micciibeeti deejjoone.

2 Kiinoo 35:12

Muusichi Sheeree Macaafooch bi kooreetoommon, micciibeeti deejjoon Doono Yeerich boonoshi deejjemmoyich, boonoshi yari yaroonaa boonoshi kuxi kuxona qoodeeti asheenaꞌoyich qoodii immiyeete; wurinaꞌonoo ebiyoommon tuniiheete.

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Shoddo 40:8

Ta Nuggishoo Yeero, ne daaggoon tuniyoona emiriyoye; ne sheeroo ta mullooch beetone” iyo.

Keyo 12:5

Ittoshi qanniyemmo bagee baaddoon woyee emmishee baaddooniye; tunebaani bachaalloonaa ikke nati baaddoona tunebe.

Keyo 24:5

Aroochee Israꞌeelee gurimaasheenaꞌon bi wochetaa, boonoshiyoo micciibeeti deejjoon deejjiyeete; wurinaꞌonoo ikkittinee deejjoon tuniiꞌi Doono Yeerich deejjiyeete.

Keyo 29:18

Aroochee bagee baaddoochi meeno bullin goge. Ebiyoo Doono Yeeri taach micciibeeti deejjoone. Ebi deejjoo Doono Yeeri taach qaaqqoona micciibeeti deejjoone; taach gaawe cinnechone.

Keyo 29:4

Aroochee Harooninaa bi anaami bushiisheenaꞌonon danee duukkaanee kellooch daamiree, boonoshi qeddoon maye.

Keyo 29:42

“Qemi qemona, gubbi ittoshi shiijjeroo bulliich beddaahaa, ebi micciibeeti deejjoo Doono Yeeri ta aafooch, danee duukkaanee kellooch, giddebe. Tawoo aroochaa ittoshina danemmo taane; neennoo yibbaatemmo taane.

Keyo 32:6

Asheenaꞌo dechara maaddoona tiyiꞌi, micciibeeti deejjoon deejjiyeete; ikkittinee deejjoonoo deejjiyeete; aroyee gubb, mamonaa uyonoyich koteheete; tekki kaayibee duubba tiyiyeete.

Keyo 35:21

Bi mullo tiyito bulli danee duukkaanee shuunoyich, maddoo bullich tunemmi qiiceenaꞌonaa yaafeeti taheenaꞌonoyich tunemmi wojjoon Doono Yeerich deebiye.

Keyo 35:29

Doono Yeeri Muusina bi gettiti shuunoyich tunemmi mooyo amoonolla imoyich boonoshi mullo tiyiti Israꞌeeleenaꞌo bulli, anaaminaꞌonaa maacheenaꞌona, mullee daaggoona Doono Yeerich wojjoon deebiyeete.

Keyo 35:5

Ittoshich beeto bulliichee Doono Yeerich wojjoon imbote. Bi mullo tiyaa imoyich daaggito koniyoona, aachoon woyee birewoon woyee gooshoon wojjoo tuniiree Doono Yeerich deebe.

Keyo 36:3

Boonoshiyoo yaafee duukkaanee shuunoyich Israꞌeeleenaꞌo deebiti, mullee daaggoona icheti wojjoo bullin Muus waanee deqqiyeete. Tunebaani asheenaꞌo boonoshi daaggoona maaddi maaddoona kuxaanoon, wojjoon Muus waan deebii beeheete.

Keyo 38:1

Betsaleeli micciibeeti deejjoo giddeebeeti deejjee gudoon geellee mixoochee shuunehe. Ebi deejjee gudo bi gidoo uuche hiroo, bi maaco uuche hiroo, bi neexoo keejje hiroo tuneechii, awudde bi naaboo tatoone.

Isiyaasi 1:11

Doono Yeeri ishichiye: “Ittoshi deejjee woddo taach amoon hallehe? Bagee baaddoochi micciibeeti deejjoonaa awujjiti gijjeenaꞌochi awuyona micheto taane; wurinaꞌochi damoo, bagee baaddeenaꞌochi damoonaa emmishee baaddeenaꞌonochi damoona taan emirikkaache.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Hiziqeeli 40:39

Aroochaa micciibeeti deejjoo, axaaxee deejjoonaa xuꞌee deejjoona guureebeeti gutte madelleenaꞌo kelleexi beshe boochooch beetinaꞌone.

Leweenaꞌo 1:10

“ ‘Uro micciibeeti deejjoyich bi giddiibeeto, bagoon woyee emmishoon bi tunegaata, bachaalli baaddoo tunebe.

Leweenaꞌo 14:10

“Shimittinnee qemooba bachaalli gutte bagee baaddoon, ikke nati bagee gidereen, maayi buuroyich zayitoona xirikketi shiritte kobbaye qacini buddinoonaa ikke neetiree heeca bede zayitoonon deebe.

Leweenaꞌo 16:7

Aroochee gutte emmishoon daamiree, Doono Yeeri ta aafooch, danee duukkaanee kellooch neechibe.

Leweenaꞌo 17:8

“Ebich boonoshich ishichibe: ‘Micciibeeti deejjoon woyee bare deejjoon giddiibeeti Israꞌeelee asho tuneba boonoshi daggooch beeti shiqqoo

Leweenaꞌo 17:9

Doono Yeeri taach deejjiya danee duukkaanee kellooch deebaano bi beegaata, bi asheenaꞌo daggoochee kichaa yookkebe.

Leweenaꞌo 23:12

Maayi qiroon ittoshi giddiihooba, ikke nati, bachaalli bagee baaddoon micciibeeti deejjoon tuniiree Doono Yeeri taach deejjibote.

Leweenaꞌo 23:18

Ebi koshona tookki bachaalleenaꞌo tuneti gijjeenaꞌon, eboshiyoo ikke nati shabaatte gishiishi bagee baaddoon, ikke wuronaa gutte ogooge bagee baaddoonon giddiibote. Eboshi bulli ittoshi maayi buuroonaa uyee deejjoona tookki Doono Yeeri taach gaawe cinnoon cinneebeeti, micciibeeti deejjoon tuniitaa giddemminaꞌone.

Leweenaꞌo 3:1

“ ‘Asho koniyoona bi giddiibeeti deejjoo miimoochee giddeebeeti ikkittinee deejjoo bi tunegaata, bachaalli gattoon woyee miimin Doono Yeeri taach giddiibe.

Leweenaꞌo 4:15

Asheenaꞌo daggoochee geeneenaꞌo Doono Yeeri ta aafoochaa ebi wurochi qellooch boonoshi kishoon kotiichaa, wuro Doono Yeeri ta aafoochaa guureebe.

Leweenaꞌo 4:23

bi shuuneti axaaxoo biich bi arichegaata, bachaalli emmishee baaddoon axaaxee deejjoyich deebe.

Leweenaꞌo 4:3

“ ‘Qeeshee guudo axaaxoon shuuneꞌi, asheenaꞌo toommooch axaaxoo haddeyemmoyich bi tuniigaata, ebi bi shuuneti axaaxoyich bachaalli wuron axaaxee deejjoon tuniiree Doono Yeeri taach deejjibe.

Leweenaꞌo 4:32

“ ‘Ebi uro bagoon bi axaaxee deejjoyich bi giddiigaata, bachaalli bageen giddiibe.

Leweenaꞌo 5:15

“Ikke asho Doono Yeeri taach yaafeeti mooyoyich gibeneyaano tuneꞌi diqqoona axaaxoon bi shuunegaata, bi gijjoochee bachaalli bagee baaddoon xuꞌee deejjoyich Doono Yeeri taach giddiibe. Ebi bagee baaddoochi gatiyoo yaafee kechi machoona qocaa xure birewoona ichebe. Ebiyoo xuꞌee deejjoone.

Leweenaꞌo 5:18

Biyoo bi gijjoochee bachaalli bagee baaddoon qeeshoyich deebe; bi gatiyoo machoona qoccetoommon tunebe; qeeshoo diqqoona bi shuuneti muricoyich deejjoon bi giddiitaa, uro bi xuꞌoyich maaroon danemmone.

Leweenaꞌo 6:2

“Ikke asho bi waan koteti aderoon mamona woyee biich yechiyoo icheti qiicoon nookkeꞌi biinoommi bi manoon dawushoona Doono Yeeri ta toommooch axaaxoon bi shuunegaata woyee biinoommi bi manoon bi bogigaata woyee bi dawushigaata,

Leweenaꞌo 6:8

Doono Yeeri Muusich ishichiye:

Leweenaꞌo 7:16

“ ‘Ebi deejjoo tiikkeshoo woyee mullee daaggoona giddeebeeto bi tunegaata, deejjoo giddehooba manjebe; echeto bi beegaata, bi dechara manjebe.

Leweenaꞌo 8:18

Aroochee micciibeeti deejjoyich tunemmi bagee baaddoon deebiye. Harooninaa bi anaami bushiisheenaꞌona boonoshi kishoon ebi bagee qellooch kotiiheete.

Leweenaꞌo 8:21

Maacee meenonaa baateenaꞌonon machiye. Qaaqqooch michaa Doono Yeerich giddeebeeti, gaawe cinnechi, micciibeeti deejjoon tuniiꞌi bagee baaddoon bulla ikkot deejjee gudee toommoochaa goggiye. Ebi bullin Doono Yeeri biich gettitoommon tuniiꞌi shuunehe.

Leweenaꞌo 9:2

Haroonichoo ishichiye: “Axaaxee deejjoyich tunemmi ikke maamon, wotta micciibeeti deejjoyich tunemmi ikke bagee baaddoon daamiree Doono Yeeri aafooch deejjibe. Eboshiyoo bachaalleenaꞌo tunebeete.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Milikiyaasi 1:14

Beshe Mawe Doono Yeeri ishichiye: “Ta, ooge Taatoo taane; ta shigoo aageteenaꞌo daggooch shatteetone. Taach giddiiya bi mookketi bagee baaddoo bi gijjee daggooch beetaa, dawushoona shappe quumechon taach deejjoon giddiimmo uppeton tunebe” iye.

Haddoo 15:3

ittoshi tiikkeshoon woyee mullee daaggee wojjoon woyee baaroobee wojjoon Doono Yeeri taach gaawe cinnecho tunii giddiyoyich miimoochee woyee bageenaꞌoochee qaaqqoona micciibeeti deejjoon woyee bare deejjoon ittoshi giddii beegaata,

Haddoo 15:8

“ ‘Wuron micciibeeti deejjoyich woyee bare deejjoyich woyee tiikkeshoyich woyee ikkittinee deejjoyich, Doono Yeeri taach giddiyoyich ittoshi qannii beegaata,

Haddoo 19:2

“Doono Yeeri ta getteti sheeree qociyoo ebine: Shappiti mooyo woyee bache mooyo bi achooch aalli, waanjoo haxxeyaani ceelle gidereen boonoshi deebemmoyich Israꞌeeleenaꞌoyich gete.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Haddoo 23:27

Balaaqi Balaamin “Eke ne waataa wotta neen bare xaaꞌooch daambona. Diqqich aroochaa boonoshin taach ne uppemmoyich Yeeri daaggemmone” iye.

Haddoo 23:3

Aroochee Balaami Balaaqich ishichiye: “Ta okk ebiich hammemmo taane; ne hini ne deejjee gaꞌooch neexebe. Diqqich Doono Yeeri taanna daneya woyemmone. Taach bi bekkiimmi mooyo amoonolla neech gettemmo taane” iye. Aroochee ikke xoobooch hammiye.

Haddoo 23:30

Balaaqiyoo Balaami gettitoommon tuniihe. Deejjee gudo bi ikkikkooch ikke wuronaa ikke bagee baaddoonon deejjiye.

Haddoo 28:11

“ ‘Batti agenee keyooba gutte wuron, ikke ooge bagee baaddoon, bachaalli, ikke nati shabaatte gishiishi bagee baaddoon micciibeeti deejjoo tuniiree Doono Yeeri taach deejjibote.

Haddoo 28:19

Gutte wuron, ikke ooge bagee baaddoonaa ikke nati shabaatte gishiishi bagee baaddoonon qaaqqoona micciibeeti deejjoon tunii Doono Yeeri taach deejjibote. Eboshi bulli ikke bachaalleenaꞌo tunebeete.

Haddoo 28:31

Eboshin uyee deejjoona tookki deejjibote. Ebiyoo maayi buuroona tookkii kuxeyaanoon bulli aaboon giddeebeeti, micciibeeti deejjoyee baroone. Ebi gijjeenaꞌo bachaalleenaꞌo boonoshi tunoon xiishibote.

Haddoo 29:13

Taach gaawe cinnecho tuniiree, micciibeeti deejjooch aaraa keejje wuron, gutte ogooge bagee baaddoonaa ikke nati aaraa awudde gishiishi bagee baaddoonon deejjibote. Bulliyona bachaallo tunebe.

Haddoo 29:2

Ikke wuron, ikke ooge bagee baaddoonaa bachaalli ikke nati shabaatte gishiishi bagee baaddoonon Doono Yeeri taach gaawe cinnechi micciibeeti deejjoon tunii deejjibote.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Yowannisi 1:36

Neexeebee, Yesuusin hammii bi beetaa beeggiꞌi, “Ebiyoche, Yeerichi Bago!” iye.

Yowannisi 10:7

Ebich Yesuusi daakkiꞌi boonoshich ishichiye, “Iberoon ittoshich gettoye: Ta, bageenaꞌochi kello taane.

Yowannisi 10:9

Kello taane. Taanna giyimmo koniyoona wodemmone; giyemmone, kechemmone, bi maayemmonoo danemmone.

2 Qorontoosi 8:12

Imoyich daaggiti asho bi beegaata, Yeeri qaawiibeeto, biich beetoochee imonalli, aalloochee toonoone.

2 Qorontoosi 9:7

Yeeri emiroona immii beeton shunniye; ebich asho bulli ayinoona woyee baroo imbe getaa tuneyaanoon, bi mulloona bi gabitoommon imbe.

Efesooni 2:18

No bulli bi gommona Nihoo Yeer waan ikke Ayaanoona gimon hakkito noone.

Efesooni 5:27

Bi yaafitoo, kiinechi woyee qillifa gonde woyee ebin shaahe gonde mooyo bi waan daneyaani, yaafoonaa bachaalloona tuneti oogee yiirechi kittinnee guuphon tuniiꞌi bi waan giddiyoyichiye.

Yibbaatoo 12:27

Aroochaa meenonaa damoonon micciibeeti deejjoon tuniiree ne Nuggishoo Doono Yeerichi deejjee gudoochaa deejjibe. Meenon ne maayemmi deejjoon ne giddii beegaata, damoon deejjee gudee toommooch tibibe.

Yibbaatoo 15:21

Tunebaani ebi gijjoo baata sheqqo woyee aaf doogo woyee bachiti mooyo amolla bi achooch beeto bi tunegaata, ne Nuggishoo Doono Yeerich deejjoo tunii giddiyaahine.

Yibbaatoo 17:1

Muusi Israꞌeeleenaꞌoyich ishichiye: “Ne Nuggishoo Doono Yeerich, bachechi woyee shappe mooyo bi achooch beeti gattoon woyee bagoon deejjiyaahine. Ebiyoo ne Nuggishoo Doono Yeeri aafoochaa ciigeeto bi tunetoyichiye” iye.

Hibireena'o 7:26

Yaafoo, bachaallo, muricaallo, axaaxechinaꞌoyee barito, shimaayoyee damba kechito, ebiyoommi qeeshee guudo nooch qaawiihe.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!