Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Leweenaꞌo 1:10 - Kafa Linguistics Project

10 “ ‘Uro micciibeeti deejjoyich bi giddiibeeto, bagoon woyee emmishoon bi tunegaata, bachaalli baaddoo tunebe.

အခန်းကိုကြည့်ပါ။ ကော်ပီ




Leweenaꞌo 1:10
22 ပူးပေါင်းရင်းမြစ်များ  

Abeeliyoo wotta bi bageenaꞌo daggoochee awuyonaa shiichii shiijjetonon guuriꞌi Doono Yeerich deejjiye. Doono Yeeriyoo Abeelinaa bi giddiiti deejjoonon ciinniꞌi emiriye.


Noohi bi kechitoyee gubb, Doono Yeerich deejjee gudoon shuunehe; xalle gijjeenaꞌonaa xalle kafeenaꞌo bullinoochee daammiye; guurii, ebi are deejjee gudoochaa michiꞌi, Doono Yeerich deejjiye.


Ittoshi qanniyemmo bagee baaddoon woyee emmishee baaddooniye; tunebaani bachaalloonaa ikke nati baaddoona tunebe.


“Bi dechara axaaxee deejjoyich tunemmi, bachaalli emmishee baaddoon deejjoo giddiyemmo neene; deejjee gudoon gubbenoochi damoona ne xalliyoommon bi damoonoo xalliyemmo neene.


“Shimittinnee qemooba bachaalli gutte bagee baaddoon, ikke nati bagee gidereen, maayi buuroyich zayitoona xirikketi shiritte kobbaye qacini buddinoonaa ikke neetiree heeca bede zayitoonon deebe.


“Yaafe Xaaꞌeexi Yaafooch bi giyemmo, axaaxee deejjoyich ikke wuron, wotta micciibeeti deejjoyich ikke bagee baaddoon bi giddiitoyee gubbiye.


Israꞌeeleenaꞌo waanee axaaxee deejjoyich gutte emmishee baaddoon, wotta micciibeeti deejjoyich ikke bagee baaddoon deꞌe.


Doono Yeeri ta ittoshi deejjoon deqqemmoyich, bachaalli wuron woyee bagee baaddoon woyee emmishee baaddoon deejjibe.


Maayi qiroon ittoshi giddiihooba, ikke nati, bachaalli bagee baaddoon micciibeeti deejjoon tuniiree Doono Yeeri taach deejjibote.


“ ‘Asho koniyoona bi giddiibeeti deejjoo miimoochee giddeebeeti ikkittinee deejjoo bi tunegaata, bachaalli gattoon woyee miimin Doono Yeeri taach giddiibe.


bi shuuneti axaaxoo biich bi arichegaata, bachaalli emmishee baaddoon axaaxee deejjoyich deebe.


“ ‘Qeeshee guudo axaaxoon shuuneꞌi, asheenaꞌo toommooch axaaxoo haddeyemmoyich bi tuniigaata, ebi bi shuuneti axaaxoyich bachaalli wuron axaaxee deejjoon tuniiree Doono Yeeri taach deejjibe.


“Ikke asho Doono Yeeri taach yaafeeti mooyoyich gibeneyaano tuneꞌi diqqoona axaaxoon bi shuunegaata, bi gijjoochee bachaalli bagee baaddoon xuꞌee deejjoyich Doono Yeeri taach giddiibe. Ebi bagee baaddoochi gatiyoo yaafee kechi machoona qocaa xure birewoona ichebe. Ebiyoo xuꞌee deejjoone.


Haroonichoo ishichiye: “Axaaxee deejjoyich tunemmi ikke maamon, wotta micciibeeti deejjoyich tunemmi ikke bagee baaddoon daamiree Doono Yeeri aafooch deejjibe. Eboshiyoo bachaalleenaꞌo tunebeete.


Beshe Mawe Doono Yeeri ishichiye: “Ta, ooge Taatoo taane; ta shigoo aageteenaꞌo daggooch shatteetone. Taach giddiiya bi mookketi bagee baaddoo bi gijjee daggooch beetaa, dawushoona shappe quumechon taach deejjoon giddiimmo uppeton tunebe” iye.


Micciibeeti woyee bare deejjoyich giddeebeeti bagee baaddoo bi ikkikkoona tookki ikke neetiree woyinee uyoon uyee deejjoyich giddiibote.


“Doono Yeeri ta getteti sheeree qociyoo ebine: Shappiti mooyo woyee bache mooyo bi achooch aalli, waanjoo haxxeyaani ceelle gidereen boonoshi deebemmoyich Israꞌeeleenaꞌoyich gete.


bi deejjoon Doono Yeerich giddiibe. Bachaalli ikke nati bagee baaddoon micciibeeti deejjoyich, bachaalli ikke nati gidere bageen axaaxee deejjoyich, bachaalli ikke ooge bagee baaddoon ikkittinee deejjoyich,


Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ