34 Tunebaani Farooni amiyo, baderoonaa xeeyoona neexoon beeggiichii, wochinnoon Yeerin xuqqiye; biinnaa bi iraasheenaꞌona boonoshi mulloon muumiiheete.
Taatoo Akaazi bi xuuxehooba, aafichoyee beshoon Doono Yeerich gibeneyoon qajjiye.
Bi nihoo Minaasi bi qelloon bi giishiyoommon, Doono Yeeri aafooch bi qelloon giishiyaanoone. Axaaxoon shuunoona beshii beshii qeyiye.
Sedeqiyaasi Yeerina biin wogiiti taatoo Nabukadinatsori toommooch hukkoon shuunehe. Israꞌeelee Nuggishoo Doono Yeer waan wottoon qajjii, bi mulloon manjiiꞌi babberoo tunehe.
Doono Yeeriyoo Muusich ishichiye: “Gibits wottaa ne hamiyooba, neech ta immeti hakkoona ne shuunemmi, gaakkechi mooyo bullin Farooni aafoochaa ceechemmo ne tunoon batteyaahine. Tunebaani asheenaꞌon bi gawukkaachemmoyich, bi mulloon muumiyemmo taane.
Aroochee Doono Yeeri Muusich ishichiye: “Farooni mullo muumoone; asheenaꞌon gawukkemmon qajjitone.
Tunebaani Farooni iritoo ketteto tunoon beeggiichii, Doono Yeeri gettitoommon, bi mulloon muumiihalli, Muusinaa Haroonina gettiton waayeyaanoone.
Muusiyoo Faroon waanee barii katemoyee maach kechiichii, bi kishoon kaama yaggiꞌi, Doono Yeerin qollehe. Baderoonaa xeeyoona neexehe; amiyoo dihoon qajjiye.
Ebina Farooni mullo muumehe. Doono Yeeri Muusina bi gettitoommon, Israꞌeeleenaꞌon gawukkaanoone.
Gondoon shuunee beetinaꞌo toommooch kaatee nalleyoo bi qajjitoyich, asheenaꞌochi mullo gondoon shuunoyich kupphehe.
Gibitseenaꞌonaa Farooninochoommon, amoyichiye mulli manjoo ittoshi tuneebeeto? Israꞌeeleenaꞌon boonoshi gawukkaa boonoshi kechii hammito, Yeeri boonoshi kashoona bi kaachitoyee gubbiye.