Keyo 9:29 - Kafa Linguistics Project

²⁹ Muusiyoo wochiꞌi ishichiye: “Katemoochee keyiichi, bekkech ta kishoon yaggiree Doono Yeerin qollemmo taane. Showoo Doono Yeericho bi tunoon ne ariyemmoyich, xeeyo qajjemmone; baderoo kindaachemmone.

Keyo 9:29 ပူးပေါင်းရင်းမြစ်များ

1 Taateenaꞌo 8:22

Israꞌeelee iitoo bulli ciinnii beetaa, Solomooni Doono Yeerichi deejjee gudee aafooch neexehe; bi kishoon shimaayooch yaggiichii,

1 Taateenaꞌo 8:38

ne asheenaꞌo tuneti Israꞌeeleenaꞌo bulliichee asho koniyoona bi toommooch shaggiti mooyona xuuxeꞌi, bi kishoon hini yaafee kexo waan yaggiꞌi corootii bi qollegaata,

Iziri 9:5

Aroochee womikkee deejjee saatooch, are keexe maaci ta tahoonaa maachi ta tahoonon ta tahetona, coomaꞌa ta kotetoochee tiyeho; gutenaꞌa ta kishoon ta Nuggishoo Doono Yeer waan yaggaachaa,

Iyoobi 11:13

“Ne mulloon kaamoo ne tuniigaata, ne kishoon bi waan wochaꞌa ne corootigaata,

Shoddo 135:6

Showoonaa shimaayoonooch, baharoonaa waarwaare aaco bullinooch, Doono Yeeri bi shunnimmon tuniyemmone.

Shoddo 143:6

Ta kishoon ne waan yaggiyoye; shuuꞌi showoo amiyon qaatoommon ta kashe neen qaatiyane.

Shoddo 50:12

“Alemoonaa arooch beeto bullina taacho bi tunetoyich, taan bi shaacii gaatoona neech getaache.

Keyo 19:5

Showee toommooch beeti aagetoo bulli taachone; tunebaani aagetoo bulliyee taach shucheti, ta hajjee asho tunemmo ittoshine. Ebiyoo manjiyaꞌa taach deꞌa ittoshi getigaata, ta wogoonoo ittoshi quyegaatane.

Keyo 20:11

Doono Yeeri ta, shimaayoonaa showoonon, baharoonaa boonoshi daggooch beeto bullinon shiritte qemona hallaꞌa, shabaattinnee qemooba ta kashetoyich, shambetee aaboon diirii yaafito taane.

Keyo 8:22

Tunebaani arooba ta asheenaꞌo beeti Gooshenee showoon barito tuniyemmo taane. Doono Yeeri ta, hini are showooch beeto ta tunoon ne ariyemmoyich, gamoo arooch beetaachemmone.

Keyo 8:6

Ebina Harooni Gibitsee showeexi aacinaꞌo toommooch bi kishoon yaggiye; woqqeqqeenaꞌo kechiꞌi showoon guuppiyeete.

Keyo 9:33

Muusiyoo Faroon waanee barii katemoyee maach kechiichii, bi kishoon kaama yaggiꞌi, Doono Yeerin qollehe. Baderoonaa xeeyoona neexehe; amiyoo dihoon qajjiye.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

1 Qorontoosi 10:26

Ebiyoo “Showoonaa bi daggooch beeto bullina Doono Yeerichone” getaa Yaafe Macaafooch bi kooreetoyichiye.

1 Qorontoosi 10:28

Tunebaani koniyoona ittoshich “Ebi deejjee meenone” bi getigaata, “Taan mangemmone” getiree bi gabaachemmoyich, ittoshich gettiti are uroyicha getiree maayaahote.

Yibbaatoo 10:14

“Shimaayoonaa shimaayeexi shimaayoona, showoonaa bi toommooch beeti mooyo bullina ne Nuggishoo Doono Yeerichone.