Keyo 9:23 - Kafa Linguistics Project

²³ Muusi bi gumboon damba tiijjiye. Doono Yeeriyoo shimaayoo gigemmoyich tuniihe; baderoonoo kindiihe. Qaaqqoommi xeeyo showee toommooch kindiye. Doono Yeeriyoo Gibitsee showoo bulliich baderoon kindiihe.

Keyo 9:23 ပူးပေါင်းရင်းမြစ်များ

Halloo 19:24

Arooba Doono Yeeri waageroo micciibeeti qaaqqoon shimaayoochee Sodoominaa Gomoorinochi toommooch amichittinoon dichiye.

Iyoobi 37:13

Yeeri amiyon, bi dichiibeeto, showoon shuxiyoyich, woyee noon sheeroyich, woyee bi deꞌittinoon nooch bekkiyoyichiye.

Shoddo 147:17

Bi, baderoon xaqqoochoommon kindiihe; bi deejjiibeeti aqqee googgee aafooch neexoon hakkemmo konine?

Shoddo 148:8

Qaaqqoonaa baderoona, kechoonaa quboona, bi getoon ceechiibeeti giidechi yongoo,

Shoddo 18:13

Doono Yeeri shimaayoochaa gigehe; Beshoo Yeeri bi qaaroon waayiihe.

Shoddo 29:3

Doono Yeerichi qaaro baharee toommoochaa waayeehe; oogechi Nuggishoo gigehe; Doono Yeeri ooge baharee toommoochaa gigehe.

Shoddo 77:18

Ne gigee qaaro yubee yongee daggoochaa waayeehe; ne xeeyo alemo bulliich phaqqiye; showoo shuuriye; qeweenoo iye.

Keyo 19:16

Keejjinnee qemooba, maaddoona dunne qubo guudi toommooch tunehe; xeeyoo xeejjiye; showoo phaqqiye; wotta oogeti tiree qaaro waayeehe. Kaambooch beeti asho bulli keqqoona qewehe.

Keyo 20:18

Israꞌeeleenaꞌo phaqqoon, xeeyoon, tiree qaaroonaa guudi toommeexi cufoonon beeggiꞌi, keqqoona qeweheete; wokkiinoo neexeheete.

Keyo 9:18

Ebich yaach ebi goora, ebiyee aaf Gibits tunee ariyaani, giidechi magge baderoon kindiyemmo taane.

Keyo 9:24

Baderoo kindiye; xeeyo phaqqii beehe. Gibitsi showoo getaa bi ceekketi yemeenoochee tiijjiꞌi, ebiyoommi magge baderoo showoo bulliich tunee ariyaanoone.

Isiyaasi 30:30

Doono Yeeri ooge bi qaaroon waayiyemmone; aaxxeebeeti bi kaaroona, michiibeeti qaaqqee aaxxoona, yuboona, yattoona, muume baderoonoo kindiibeeti bi mochoo bekkemmone.

Hiziqeeli 38:22

Biiyoona, bi damoon ukkoonoo bi toommooch nallemmo taane; yattoon, xaqqoommi baderoon, qaaqqoonaa waageroonon, biinnaa bi ginee naayinaꞌonochi, wottoo biinna tookkii beeti meeti asheenaꞌochi toommooch kindiyemmo taane.

Yaasi 10:11

Israꞌeeleenaꞌo aafoochee boonoshi wocee beetaa, Beet Horooni katemoochee Azeqi dugillooch daammiibeeti, geppechi gommoochaa Doono Yeeri xaqqoommi giidechi baderoon shimaayoochee boonoshi toommooch kindiihe; boonoshiyoo qitiyeete. Israꞌeeleenaꞌo goraadoona wuxitinaꞌoyee baderoo wuxitinaꞌo besheenaꞌone.

Yaaꞌoo 16:18

Xeeyee phaqqoo, ooge qaaroonaa xeeyee qaaroona tunehe; oogeti showee qewo tunehe. Asho halleetoochee tiijjiꞌi ebiich beddaahaa ebiyoommi ooge showee qewo tunee ariyaanoone; hini bulliyee beshe shattiiti showee qewoone.

Yaaꞌoo 16:21

Ikke baderoo baach aabbaa uuche kiilo giraamo tuneti ogooge baderoo asheenaꞌo toommooch shimaayoochee kindiye; ebi shaahe shattiiti ooge baderee naxoon boonoshi toommooch bi kindiitoyich, asheenaꞌo Yeerin naaggiyeete.

Yaaꞌoo 8:7

Batti batti maraakoo tiroon huggiye. Damoo bacceeti baderoonaa qaaqqoona tunehe; ebi aroo showooch duppehe; showee keejje beereexi ikke beeroo micciye; mixinaꞌochi keejje beereexi ikke beeroo micciye; cammiti mocoo bulliyoo miccii aallehe.