Keyo 9:14 - Kafa Linguistics Project

¹⁴ Ebi tuno qayigaata, neennaa ne iraasheenaꞌonochi toommooch, wotta ne asheenaꞌo toommoochoo ta naxo bullin daakkiree kindiyemmo taane; ebiyoo showee toommo bulliich taanoommo koniyoona aallo bi tunoon ne ariyemmoyichiye.

Keyo 9:14 ပူးပေါင်းရင်းမြစ်များ

2 Saameeli 7:22

Nuggishoo Doono Yeero, am shaahe oogoo neene! Neen shaahemmo koniyoona aalloone. No waamona no waayetoommon, neyee bare nuggishoo aalloone.

1 Taateenaꞌo 8:38

ne asheenaꞌo tuneti Israꞌeeleenaꞌo bulliichee asho koniyoona bi toommooch shaggiti mooyona xuuxeꞌi, bi kishoon hini yaafee kexo waan yaggiꞌi corootii bi qollegaata,

1 Kiinoo 17:20

“Doono Yeero, neen shaahemmo koniyoona aalloone. No waamona no waayetoommon, neyee bare nuggishoo aalloone.

Shoddo 86:8

Ta Doonocho, nuggisheenaꞌo daggooch neenoommi nuggishoo aalloone; ne tuniitoommon tuniito, koniyoona aalloone.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 8:10

Farooniyoo “Yaach tunebe” iye. Muusiyoo ishichiꞌi wochiye: “No Nuggishoo Doono Yeeriyoommi bare nuggishoo koniyoona aallo bi tunoon ne ariyemmoyich, ne gettetoommon tunebe.

Keyo 8:6

Ebina Harooni Gibitsee showeexi aacinaꞌo toommooch bi kishoon yaggiye; woqqeqqeenaꞌo kechiꞌi showoon guuppiyeete.

Keyo 9:15

Ta mochoon neennaa ne asheenaꞌonochi toommooch tiijjiree, giidechi naxoona showee toommoochee ittoshin aalliyesho taane;

Isiyaasi 45:5

Ta, Doono Yeeri taane; tayee baroo aalloone; tayee bare nuggishoo aalloone; taan ariyoo ne qajjetaanona neen kupphiyemmo taane;

Isiyaasi 46:9

Wonna besheti mooyon gabibote; Nuggishoo taane; tayee baroo aalloone; Nuggishoo taane; taanoo shaahemmo aalloone.

Erimiyaasi 10:6

Doono Yeero, neen shaahiibeeto koniyoona aalloone; ne oogoo neene; ne shigoo hakkechi oogoone.

Erimiyaasi 10:7

Aageteenaꞌochi Taatoocho, neen shataachemmo konine? Showee toommeexi ariyechinaꞌo bullich, boonoshi taatittino bullichi daggooch, neen shaahemmo aallo bi tunetoyich, oogo neech tunebe.

Erimiyaasi 19:8

Hini katemoo wuche, bi getteyemmonaa bi toommooch shenneyemmonoyich tuniyemmo taane; aroona besheebeeto bulli bi toommooch kinditi naxoyich wuche, getibee shennemmone.

Daaneeli 5:21

Ashi daggoochee kichaa yookkehe; bi mullo gijjee mullooch shaddeehe. Kubbi kureenaꞌona tookkii beehe; gattoochoommonoo mocoon maahe; bi ashittino shimaayoochee kindiibeeti doshoona shuxxiye. Beshe Nuggishoo Yeeri asheenaꞌochi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ciiroochaa ariihe.

Leweenaꞌo 26:18

Ebi bulli mooyo ittoshi toommooch bi tunetoyee gubb, andoo ta qaaroon waayo ittoshi qayigaata, ittoshi axaaxoyich shabaatte kishoon maggiiree ittoshin naxemmo taane.

Leweenaꞌo 26:21

“ ‘Taan shixxii, ta qaaroon waayoon ittoshi qayigaata, ittoshi axaaxee naboona shabaatte kishoon maggeti naxoon ittoshi toommooch deebemmo taane.

Leweenaꞌo 26:28

tawoo ittoshin kaareree shixxemmo taane; ittoshi axaaxoyich shabaatte kishoon maggiiree ittoshin naxemmo taane.

Mikiyaasi 6:13

Illa ebi ittoshi axaaxee naboona ittoshin naxoonaa aalliyonoyich tiyeto taane.

Yibbaatoo 3:24

‘Nuggishoo Doono Yeero, ne oogoonaa giidechi ne mochoonon bekkiibeeti, batti batti malletoon ne guuno taach bekkiito neene. Shimaayoochoo tuneba hini showee toommooch ne shuunetoommi, ebiyoommi ooge mooyon tuniyoon hakkemmi nuggishoo aalloone.

Yibbaatoo 4:35

“Ebi mooyon ittoshi beeggemmoyich bi tuniito, Doono Yeeri bi baach Nuggishoo bi tunoonaa biyee damba baroo aallo bi tunoonon ittoshi ariyemmoyichiye.

Yaaꞌoo 18:8

Ebich ikke areddoon qitoo, muusheno, shaacoo tuneti naxeenaꞌo, bi toommooch shaggemminaꞌone; bi toommoochoo nallemmi Doono Yeeri giidecho bi tunetoyich, qaaqqoo biin maayemmine.

Yaaꞌoo 22:18

Hini macaafooch kooreeti keemee qaaroon waayeebeeto bullich xiishii gettoye; koniyoona hini toommooch amee mooyinona bi daakkigaata, Yeeri hini macaafee daggooch kooreeti naxeenaꞌon bi toommooch kindiyemmone.

1 Saameeli 4:8

Nooch woowo! Ebi giidechi nuggisheenaꞌo kishoochee, konine noon wodiyemmo? Eboshi Gibitseenaꞌon barahoochaa meeti naxoona yexxiti nuggisheenaꞌone.