Keyo 8:9 - Kafa Linguistics Project

⁹ Muusiyoo Faroonich ishichiye: “Woqqeqqeenaꞌo Abbaayi aacooch baach echeechi, ne waanee, ne kexinaꞌoochee, ne iraasheenaꞌonaa ne asheenaꞌonona waanee boonoshi aallemmoyich Doono Yeerin ta qollemmi aaboon ne taajjebe” iye.

Keyo 8:9 ပူးပေါင်းရင်းမြစ်များ

1 Taateenaꞌo 18:25

Aroochee Eliyaasi Baꞌaalee keemechinaꞌoyich, “Meeto ittoshi tunetoyich, ikke wuron kaaciree shiichi qanniibote; ittoshi nuggishoochi shigoon ceegote; tunebaani arooch qaaqqoon shookkaahote” iye.

Keyo 7:25

Doono Yeeri Abbaayi aacon bi yexxiichaa, shabaatte qemo beshehe.

Keyo 8:10

Farooniyoo “Yaach tunebe” iye. Muusiyoo ishichiꞌi wochiye: “No Nuggishoo Doono Yeeriyoommi bare nuggishoo koniyoona aallo bi tunoon ne ariyemmoyich, ne gettetoommon tunebe.

Keyo 8:11

Woqqeqqeenaꞌo ne waanee, ne kexinaꞌoochee, ne iraasheenaꞌonaa ne asheenaꞌona waanee wokkemminaꞌone; Abbaay baach tunemminaꞌone” iye.

Keyo 8:8

Farooniyoo Muusinaa Harooninon ceeggiꞌi boonoshich ishichiye: “Taannaa ta asheenaꞌona waanee woqqeqqeenaꞌon bi wokkiyemmoyich, Doono Yeerin qollebote. Doono Yeerich deejjoon boonoshi deejjemmoyich ittoshi asheenaꞌon ta gawukkaa hammemminaꞌone” iye.

Isiyaasi 10:15

Qofiyo, biinna qecceebeeti ashi toommooch geecii beete? Magaazo, biinna maacciibeeto toommooch ciixee beete? Ebin tuniyoo, gumbo biin gumbee beeton yeshi shuurikkiya, yaaboo ashoon kaama tiijjiya qiiccoommone.

Haddoo 14:20

Aroochee Doono Yeeri ishichiye: “Ne qolletoommon, boonoshi axaaxoon maarito taane.

Woraaferasheenaꞌo 7:2

Doono Yeeri Geediyoonich ishichiye: “Neenna tookkii beeti asho meettitone. Israꞌeeleenaꞌo ‘No hajjee giidoonane no wodito’ getiree ta toommooch boonoshi geecaachemmoyich, Miidiyameenaꞌon boonoshi kishooch beshiiree imaachemmo taane.