Keyo 8:8 - Kafa Linguistics Project

⁸ Farooniyoo Muusinaa Harooninon ceeggiꞌi boonoshich ishichiye: “Taannaa ta asheenaꞌona waanee woqqeqqeenaꞌon bi wokkiyemmoyich, Doono Yeerin qollebote. Doono Yeerich deejjoon boonoshi deejjemmoyich ittoshi asheenaꞌon ta gawukkaa hammemminaꞌone” iye.

Keyo 8:8 ပူးပေါင်းရင်းမြစ်များ

1 Taateenaꞌo 13:6

Aroochee Yeer ashoyich taatoo, “Taach ne Nuggishoo Doono Yeerin qollebe; ta kishoo wodemmoyich corootibe” iye. Ebich Yeer asho Doono Yeerin qollehe. Taatoochi kishoo wodiye; wonnee bi gooroochoo wottehe.

Shoddo 66:3

Yeerin “Ne shuunoo am shaahoon worganikkitone! Ne hakkoo oogeto bi tunetoyich, ne etteenaꞌo ne aafooch waagwaagiyemminaꞌone.

Keyo 10:16

Aroochee Farooni Muusinaa Harooninon afaafinoona ceekkiiꞌi ishichiye: “Ittoshi Nuggishoo Doono Yeeri toommooch axaaxoon shuuneto taane; ittoshinoo xuqqeto taane.

Keyo 10:17

Illa and ikke wottoon ta axaaxoon maariree, ebi gonde naxoon bi wokkiyemmoyich, ittoshi Nuggishoo Doono Yeerin qollebote” iye.

Keyo 10:18

Muusiyoo Faroon waanee kechiichii, Doono Yeerin qollehe.

Keyo 14:5

Gibitsee taatoo Israꞌeeleenaꞌo muriccii kechii hamo biich getteetaa bi waayehooba, biinnaa bi iraasheenaꞌona boonoshi gaboon shaddiꞌi, “Ebi mooyon aabichaa tuniihone? Israꞌeeleenaꞌo hammemmoyich daaggoona no guuninaꞌon muccaa toone no beeto?” iyeete.

Keyo 32:11

Tunebaani Muusi bi Nuggishoo Doono Yeerichi ariqqoon qolleebee ishichiye: “Doono Yeero, ooge ne hakkoonaa giidechi ne mochoona Gibitsee ne kichiti, ne asheenaꞌo toommooch ebi shaahoon oogichaa amoyich kaarenne?

Keyo 5:2

Farooniyoo wochiꞌi ishichiye: “Bi getoon ta waayemmonaa Israꞌeeleenaꞌon ta gawukkemmonoyich, Doono Yeeri aroo konine? Doono Yeerin ariyaache; Israꞌeeleenaꞌonoo gawukkaache” iye.

Keyo 8:15

Tunebaani Farooni iritoo ketteto tunoon beeggiichii, Doono Yeeri gettitoommon, bi mulloon muumiihalli, Muusinaa Haroonina gettiton waayeyaanoone.

Keyo 8:29

Muusiyoo ishichiye: “Ne waanee ta hammetoyee gubb, bekkech Doono Yeerin qollemmo taane; yaachoo gamoo bulli ne waanee, ne iraasheenaꞌonaa asheenaꞌona waaneenoo wokkemmone. Ebiyee aaf ne tuniitoommon, andoo asheenaꞌo hamiree Doono Yeerich deejjoon boonoshi deejjemmoyich daaggaanoon qayona ne dawushaachemmoyich neen ariibe” iye.

Keyo 8:32

Ebiyoobolla Farooni bi mulloon muumiihalli, asheenaꞌon gawukkaanoone.

Keyo 8:9

Muusiyoo Faroonich ishichiye: “Woqqeqqeenaꞌo Abbaayi aacooch baach echeechi, ne waanee, ne kexinaꞌoochee, ne iraasheenaꞌonaa ne asheenaꞌonona waanee boonoshi aallemmoyich Doono Yeerin ta qollemmi aaboon ne taajjebe” iye.

Keyo 9:27

Aroochee Farooni Muusinaa Harooninon ceekkiiꞌi, boonoshich ishichiye: “And gondeto taane. Doono Yeeri tatoone; tunebaani taannaa ta asheenaꞌona gondeto noone.

Keyo 9:28

Xeeyoonaa baderoona no toommooch woddetone; ebich Doono Yeerin qollebote. Ittoshi hammemmoyich gawukkemmo taane; ebiyee bekk hiniich ittoshin yagiyemmi mooyo aalloone” iye.

Keyo 9:33

Muusiyoo Faroon waanee barii katemoyee maach kechiichii, bi kishoon kaama yaggiꞌi, Doono Yeerin qollehe. Baderoonaa xeeyoona neexehe; amiyoo dihoon qajjiye.

Haddoo 21:7

Asheenaꞌo Muus waan waaꞌi ishichiyeete: “Neennaa Doono Yeerinochi toommooch gonde mooyon yibbaatoona xuqqeto noone. Dingeroon no waanee bi wokkiyemmoyich Doono Yeer waan nooch corootibe” iyeete. Muusiyoo asheenaꞌoyich corootiye.

Mishiraachechinaꞌo 8:24

Aroochee Simooni wochiꞌi, “Hini ittoshi gettitoochee ikkolla ta toommooch bi shagaachemmoyich ittoshi taach Doono waan corootibote” iye.

1 Saameeli 12:19

Asheenaꞌo bulli Saameelich “Taatoo no toommooch bi taatemmoyich echoona, bare no axaaxee toommooch hini axaaxoon daakkaꞌa shuuneto noone. No qitaachemmoyich, ne guuno nooch ne Nuggishoo Doono Yeer waan corootibe” iyeete.