Keyo 8:6 - Kafa Linguistics Project

⁶ Ebina Harooni Gibitsee showeexi aacinaꞌo toommooch bi kishoon yaggiye; woqqeqqeenaꞌo kechiꞌi showoon guuppiyeete.

Keyo 8:6 ပူးပေါင်းရင်းမြစ်များ

2 Saameeli 7:22

Nuggishoo Doono Yeero, am shaahe oogoo neene! Neen shaahemmo koniyoona aalloone. No waamona no waayetoommon, neyee bare nuggishoo aalloone.

2 Kiinoo 6:14

ishichiye: “Israꞌeelee Nuggishoo Doono Yeero, shimaayooch tuneba showooch neenoommi Nuggishoo aalloone. Boonoshi ceeni mulloona neen dabbiibeeti ne guuninaꞌoyich ne giyeti wogoon ceechaabeeti, shoodechi Nuggishoo neene.

Shoddo 105:30

Woqqeqqo boonoshi showooch, boonoshi taateenaꞌochi gatooch beddaahaa ceenniye.

Shoddo 78:45

Gameenaꞌon bi deejjaa boonoshin qaachiyeete; woqqeqqeenaꞌonoo bi deejjaa boonoshin xuxiiheete.

Shoddo 86:8

Ta Doonocho, nuggisheenaꞌo daggooch neenoommi nuggishoo aalloone; ne tuniitoommon tuniito, koniyoona aalloone.

Shoddo 90:2

Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Keyo 10:2

Ebiyoo Gibitseenaꞌon aabichaꞌa boonoshi kashoona ta kaacheto gaata, wotta boonoshi daggooch am shaahe worganikkiti malleteenaꞌon ta tuniito gaata, ittoshi bushiisheenaꞌonaa ittoshi bushaa bushiisheenaꞌonoyich ittoshi gettemmoyichiye. Arooba Doono Yeeri ta tunoon ariyemmo ittoshine” iye.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 7:19

Doono Yeeri daakkiꞌi Muusich ishichiye: “Haroonin ‘Ne gumboon daamiree, Gibitsee showeexi aaco bulli toommooch, ebiyoo woce aachi toommooch, bobbeeti aachi toommooch, kote aachi toommooch, aachi gejjee toommoochoo ne kishoon yaggibe’ gete. Aacoo damoon tunemmone. Xaqqoonaa mixonoochee shuuneeti aachi kicee qiiceenaꞌooch beeti aaco bulliyona echeyaanoon, Gibitsee showeexi aaco bulli damoon tunemmone” iye.

Keyo 9:14

Ebi tuno qayigaata, neennaa ne iraasheenaꞌonochi toommooch, wotta ne asheenaꞌo toommoochoo ta naxo bullin daakkiree kindiyemmo taane; ebiyoo showee toommo bulliich taanoommo koniyoona aallo bi tunoon ne ariyemmoyichiye.

Keyo 9:29

Muusiyoo wochiꞌi ishichiye: “Katemoochee keyiichi, bekkech ta kishoon yaggiree Doono Yeerin qollemmo taane. Showoo Doono Yeericho bi tunoon ne ariyemmoyich, xeeyo qajjemmone; baderoo kindaachemmone.

Isiyaasi 43:10

“Nuggishoo ta tunoon shalligiree, taan ittoshi ariyemmonaa ittoshi gibenemmonoyich, ta kaacceti ta guuno, ta miixoo ittoshine” iye Doono Yeeri. “Tayee aaf nuggishoo aalloone; tayee gubboo beetaachemmone.

Leweenaꞌo 11:12

Qoshoommi mooyonaa shoxxoona biich aalli, aachi daggooch beeti mooyo amolla ittoshich eeꞌo tunebe.

Yibbaatoo 32:31

Boonoshi nuggisheenaꞌo no Nuggishoochoommon, giidechi deebeenaꞌo boonoshi tunee qayon, boonoshi etteenaꞌo boonoshi qelloona arii beetinaꞌone.

Yibbaatoo 33:26

“Israꞌeeleenaꞌote, ittoshin gaachoyich shimaayoona, bi oogee yiiroona quboon yebbeꞌi shaꞌeebeeti, ittoshi Nuggishoommi nuggishoo aalloone.

Yibbaatoo 4:35

“Ebi mooyon ittoshi beeggemmoyich bi tuniito, Doono Yeeri bi baach Nuggishoo bi tunoonaa biyee damba baroo aallo bi tunoonon ittoshi ariyemmoyichiye.

Yaaꞌoo 16:13

Dareboochi kookkoonaa cooxochi kookkoonoochee, koote keemechochi kookkoocheenoo woqqeqqeenaꞌon shaahiibeeti keejje yinneenaꞌo kechii beetaa beeggeho.