Keyo 8:4 - Kafa Linguistics Project

⁴ Woqqeqqeenaꞌo ne toommooch, ne asho bullinaa ne iraashoo bullinochi toommooch kechemminaꞌone” itone’ gete” iye.

Keyo 8:4 ပူးပေါင်းရင်းမြစ်များ

1 Taateenaꞌo 13:6

Aroochee Yeer ashoyich taatoo, “Taach ne Nuggishoo Doono Yeerin qollebe; ta kishoo wodemmoyich corootibe” iye. Ebich Yeer asho Doono Yeerin qollehe. Taatoochi kishoo wodiye; wonnee bi gooroochoo wottehe.

Shoddo 107:40

iraasheenaꞌo toommooch yeelloon woniihe; gommo aalli barahooch boonoshi yallyallimemmoyich tuniihe.

Keyo 10:17

Illa and ikke wottoon ta axaaxoon maariree, ebi gonde naxoon bi wokkiyemmoyich, ittoshi Nuggishoo Doono Yeerin qollebote” iye.

Keyo 8:24

Doono Yeeriyoo ebin tuniihe. Mattiqutte gamoo Faroonichi taatee kexooch, bi iraasheenaꞌo kexonaa Gibitsee showoo bullinooch giyiye. Gibitsee showoo bullinoo aalliihe.

Keyo 8:3

Abbaayi aacooch woqqeqqeenaꞌo ceennemminaꞌone; woqqeqqeenaꞌo aroochee keyiree, ne taatee kexooch, ne qeyaabeeti gatooch, ne qeyaabeeti qeenooch, ne iraasheenaꞌo kexonaa ne asheenaꞌo kexonooch, neech maayo kachiibeeti gemmoonaa bukee qiiceenaꞌonooch ceennemminaꞌone.

Keyo 8:5

Aroochee Doono Yeeri Muusich ishichiye: “Haroonin ‘Ne gumboon yeshiree woce aacinaꞌo toommooch, bobbeeti aacinaꞌonaa kote aacinaꞌonochi toommooch ne kishoon yaggibe. Woqqeqqeenaꞌo Gibitsee showooch boonoshi kechemmoyich tuniibe’ gete” iye.

Keyo 9:28

Xeeyoonaa baderoona no toommooch woddetone; ebich Doono Yeerin qollebote. Ittoshi hammemmoyich gawukkemmo taane; ebiyee bekk hiniich ittoshin yagiyemmi mooyo aalloone” iye.

Isiyaasi 19:11

Tsoꞌaan beeti iraasheenaꞌo tuusheenaꞌone; yiiteenaꞌo tuneti Faroonichi mikkirechinaꞌo gaacaalli ciicoon ciicciyeete. Aabichiꞌi Faroonich, “No, wonnee yiiteenaꞌochi bushiishoo noone; wonnee taateenaꞌochi bushiishoo noone” iyeete?

Isiyaasi 19:22

Doono Yeeri Gibitsee showoon yexxemmone; yexiichishoo wochi wodiyemmone; boonoshiyoo Doono Yeer waan wottemminaꞌone; biyoo boonoshi qolloon waayeree boonoshin wodiyemmone.

Isiyaasi 23:9

Oogoo taane ii geecoon aalliyoyich, showee toommooch beeti, qelloon yeepphii beetinaꞌon giishiyoyich, ebin gabito Beshe Mawe Doono Yeerine.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Haddoo 21:7

Asheenaꞌo Muus waan waaꞌi ishichiyeete: “Neennaa Doono Yeerinochi toommooch gonde mooyon yibbaatoona xuqqeto noone. Dingeroon no waanee bi wokkiyemmoyich Doono Yeer waan nooch corootibe” iyeete. Muusiyoo asheenaꞌoyich corootiye.