Keyo 8:3 - Kafa Linguistics Project

³ Abbaayi aacooch woqqeqqeenaꞌo ceennemminaꞌone; woqqeqqeenaꞌo aroochee keyiree, ne taatee kexooch, ne qeyaabeeti gatooch, ne qeyaabeeti qeenooch, ne iraasheenaꞌo kexonaa ne asheenaꞌo kexonooch, neech maayo kachiibeeti gemmoonaa bukee qiiceenaꞌonooch ceennemminaꞌone.

Keyo 8:3 ပူးပေါင်းရင်းမြစ်များ

2 Kiinoo 22:11

Tunebaani taatoo Yehoraami bushee Yehoshaabi, wuxeebeeti, taatoochi bushiisheenaꞌo daggoochee Akaziyaasi bushoo Yoꞌaashin gaajjaꞌa daammahan; biinnaa bi dichindeenon yaafee kechi gatooch aachiyan. Taatoo Yehoraami bushee, Akaziyaasi manee, qeeshoo Yoyaadi mechee Yehoshaabi, ebiyoommi gommona bushoon aachaꞌa Ataaliyi kishoochee wodiihan.

Shoddo 105:30

Woqqeqqo boonoshi showooch, boonoshi taateenaꞌochi gatooch beddaahaa ceenniye.

Keyo 10:6

Neennaa ne iraasheenaꞌonochi kexooch, Gibitsee asho bulli kexoochoo ceennemminaꞌone. Ebiyoo ne qaabbechinaꞌo hini showooch boonoshi koteti aaboochee tiijjiꞌi and beddaahaa, ciroona beeggii boonoshi ariyaanoone’ itone” iyeete. Muusiyoo Farooni afoochee kechii hammiye.

Keyo 12:34

Ebich Israꞌeeleenaꞌo xirikketi, shittoo giyaani kochi boonoon qiici qiicoona geddii, qoreddoona kaappii, boonoshi gogooch shaaggiyeete.

Keyo 7:11

Aroochee Farooni Gibitsee showeexi kaayechinaꞌon, eboshiyoo yiiteenaꞌonaa allaameenaꞌonon bi ceegaa, boonoshiyoo boonoshi kaayoona ebiyoommon tuniiheete.

Keyo 8:11

Woqqeqqeenaꞌo ne waanee, ne kexinaꞌoochee, ne iraasheenaꞌonaa ne asheenaꞌona waanee wokkemminaꞌone; Abbaay baach tunemminaꞌone” iye.

Keyo 8:2

Tunebaani gawukkoo ne qayigaata, ne showoo bullin woqqeqqeenaꞌona yexxemmo taane.

Keyo 8:4

Woqqeqqeenaꞌo ne toommooch, ne asho bullinaa ne iraashoo bullinochi toommooch kechemminaꞌone” itone’ gete” iye.